2 Crón 6:5 - Kaqchiquel Bible

⁵ kan man jun tinamit ri rucha'on chupan ri ruwach'ulew Israel ri akuchi ta nipabex-wi-q'anej jun rachoch richin niqaya' ruq'ij. Keri' rubin-pe kan chupan-pe ri q'ij toq xerelesaj-pe pan Egipto ri qate-qatata' k'a re wakami. Ri Dios xubij chuqa' chi xaxe ri David ri xucha', richin chi ja rija' niyuqen qichin.

2 Crón 6:5 ပူးပေါင်းရင်းမြစ်များ

Dn 9:19

Ajaw, tabana' utzil kinawak'axaj yan k'a, takuyu' k'a ri qamak. Taya' k'a axikin chire ri nuch'owen ri ninben awik'in. Tak'uluba' k'a pe ri nuch'abel nu-Dios yin, roma ri abi' rat kan jari' k'a ri ninatex pa ruwi' ri awinaq y ri atinamit, xicha'.

1 Rey 8:16

Toq yin xenwelesaj-pe pan Egipto ri nutinamit Israel, kan k'a chupan k'a pe ri q'ij ri' y k'a re wakami, kan man jun k'a tinamit ri nucha'on ta chupan ri tzobaj ri akuchi ta nipabex-wi-q'anej jun wachoch richin niya'ox nuq'ij re wawe' pa ruwach'ulew Israel, xaxe k'a rat David ri xatincha', richin chi ja rat yayuqen richin ri nutinamit, xcha' ri Dios chire ri nata'.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.

1 Sam 10:24

Y ri Samuel xubij chire ri tinamit: ¿Xitz'et ri achike xucha' ri Jehová richin nok kan rey? ¡Man jun chiwe rix ri nitikir ta nujunamaj-ri' rik'in rija'!, xcha'. K'ari' ri winaqi' xkibij: Utz ruwa-ruq'ij ri rey, yecha'.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 12:5

Xtiya' k'a ruq'ij xa kan xaxe k'a ri akuchi xtucha-wi rija', richin chi chiri' ninatex-wi ri rubi' rija'.

Ex 23:21

Rix, kan tichajij k'a iwi' rik'in ri ibanobal chuwech rija' y tiwak'axaj ri rutzij. Man kixyakatej chirij, roma rija' maneq kuyubel-mak chuwech, roma kan pan nubi' yin beneq-wi.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

2 Crón 6:4

Y xubij: Kan nim k'a ruq'ij-ruk'ojlen ri Jehová ri qa-Dios, roma wakami xbanatej ri rusujun kan chire ri David ri nata', toq xubij chire chi

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.

2 Rey 21:4

Keri' chuqa' ri chiri' pa rachoch ri Jehová, xeruben-q'anej porobel kichin ch'aqa' chik dios y chuqa' kichin ri ek'o chuwech ri kaj. Y re' xeruben chupan ri ka'i' ruwa-jay richin rachoch ri Jehová, stape' kan xaxe ri Jehová ri k'o chi niya'ox ruq'ij ri chiri'.

1 Crón 17:5

Roma yin kan man jun bey ri ink'o ta pe chupan jun utzilej jay. Kan ja toq xenwelesaj-pe ri tinamit Israel pan Egipto, k'a re wakami. Xa kan xaxe ink'o-pe pa jalajoj kiwech jay ri e banon rik'in tzieq.

2 Crón 6:20

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.

2 Crón 7:16

Y chuqa' xincha' y xinwurtisaj re wachoch re akuchi ink'o-wi, y ri akuchi ninatex ri nubi' richin q'asen, kan xtinchajij y xtik'oje' pa wánima.

2 Crón 12:13

Ri Roboam kan xk'oje' k'a ruchuq'a' chupan ri ruq'atbal-tzij pa Jerusalem. K'o k'a kawineq jun rujuna' toq xuchop nuq'et-tzij y wuqlajuj juna' xq'aton-tzij chiri' pa Jerusalem; tinamit ri kan rucha'on ri Jehová chikikojol ri tzobaj richin ri Israel richin nik'oje' chiri' y niya'ox ruq'ij. Y ri rute' aj-Amón, y rubini'an Naamá.

2 Crón 20:8

Roj ri oj rijatzul kan ri Israel kan ojk'o k'a chupan re ruwach'ulew y ri qate-qatata' xkipaba' kan re jun awachoch re' ri akuchi niya'ox-wi aq'ij.

2 Crón 20:9

Y xkibij k'a chi wi k'o ta jun ruk'ayewal xtipe pa qawi' roma ri qamak; stape' labal rik'in espada, o yabil o rik'in juba' jun nimalej wayjal, xqojpe k'a re wawe' chawech chupan re awachoch richin yojch'on awik'in, y xqojawak'axaj k'a y kan xqojakol.

2 Crón 30:8

Man tikowirisaj k'a ri iwánima; man tiben achi'el xkiben ri qati't-qamama'. Xa kan tiqasaj k'a iwi' chuwech ri Jehová y kixanpe wawe' chupan re jay richin ri Jehová, ri kan rucha'on rija' richin niya'ox ruq'ij richin jantape'. Kan tisamajij k'a ri Jehová ri qa-Dios, richin xtik'o-el ri royowal chiqij.

2 Crón 33:4

y kan xupaba-q'anej porobel chupan ri rachoch ri Jehová, richin nuya' kiq'ij, stape' ri Jehová rubin chi chiri' pa Jerusalem kan xaxe rija' ri xtiya'ox ruq'ij richin q'asen.

2 Crón 33:7

Ri Manasés chuqa' xuben jun wachibel y xuya-apo pa rachoch ri Jehová, stape' ri Jehová kan xubij chike ri David y ri Salomón chi ri rachoch ri niban-q'anej pa Jerusalem, kan xucha' chikikojol ri tzobaj richin Israel, richin chi kan xaxe rija' niya'ox ruq'ij chiri'.

Wuj Richin ri Esdras 7:16

Y tik'uaj chuqa' ronojel ri saqipueq y ri q'anapueq ri xtisipex-el chiwe pa ruwach'ulew Babilonia, y chuqa' xabachike sipanik ri kiya'on-apo ri iwinaq y ri e sacerdote, richin ri rachoch ri i-Dios ri k'o pa Jerusalem.

Wuj Richin ri Zacarías 3:2

Jak'a ri ángel xubij chire ri Satanás: Ja ri Jehová xkach'olin. Ja ri Jehová ri kan rucha'on chik ri Jerusalem xkach'olin, re achin re' kan achi'el jun rutza'n si' ri xelesex-pe pa q'aq', xcha'.