2 Crón 6:31 - Kaqchiquel Bible

³¹ Richin keri' kan xtikiya' k'a aq'ij y xtikinimaj-atzij ronojel q'ij ri janipe' xkek'ase-el chuwech re ruwach'ulew ri xaya' kan chike ri qate-qatata'.

2 Crón 6:31 ပူးပေါင်းရင်းမြစ်များ

Hechos 9:31

Y ri q'ij ri', ri molaj qach'alal ri ek'o pa taq tinamit ri chiri' pa Judea, ri Galilea y ri Samaria, man k'a nikik'owisaj ta chik tijoj-poqonal. Xa kan kichapon k'a k'iyinen chupan ri ruch'abel ri Dios, y k'o ruq'ij y rejqalen ri ajaw chikiwech. Xek'iyer janila roma ri ruchuq'a' ri Loq'olej Espíritu.

Wuj Richin Bix Chire ri Dios 130:4

Jak'a awik'in rat kan k'o k'a ri kuyubel-mak, y roma ri' kan ninimirisex k'a aq'ij.

Wuj Richin Bix Chire ri Dios 128:1

Jebel ruwa-aq'ij rat ri k'o rukiy ri Jehová chawech, ri kan ja ri bey ri niqa' chuwech rija' ri atzeqeliben.

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

1 Sam 12:24

Xaxe k'a nik'atzin chi kan nik'oje' rukiy ri Jehová chiwech y kan qitzij tisamajij rik'in ronojel iwánima. Kan toqaqa chi'ik'u'x ronojel ri rubanon iwik'in rix.

Ex 20:20

Y ri Moisés xubij k'a chike ri winaqi': Man tixibij-iwi', roma ri Dios xpe richin yixrutejtobej. Re xibinri'il re' kan xtik'oje' k'a chi'ik'u'x y xtuben chiwe chi niya' ruq'ij-ruk'ojlen, richin chi man yixmakun ta chik chuwech, xcha' ri Moisés chike.

2 Crón 6:30

wi keri', rat kan xtawak'axaj k'a ri chila' chikaj ri akuchi atk'o-wi, xtakuy ta rumak ri atinamit. Kan xaxe k'a rat ri yatz'eton ri kánima konojel ri winaqi', y roma ri' kan xtaben k'a kik'in achi'el ri kibanobal chikijujunal.

2 Crón 6:32

Y wi k'o ta jun wineq ri man qawinaq ta, y xtrak'axaj k'a pe chirij ri nimalej abi' y ri nimalej awuchuq'a' y roma ri' nel-pe chupan rutinamit ri k'a nej k'o-wi, richin noch'on awik'in y noruya' aq'ij chupan re jay re';