2 Crón 6:19 - Kaqchiquel Bible

¹⁹ Man rik'in ri', tabana' utzil kinawak'axaj toq yin ri in asamajel yich'on-q'anej awik'in, toq nink'utuj janila utzil chawe richin najoyowaj nuwech. ¡Jehová Dios! Tawak'axaj k'a ri nuraqoj-chi'ij, y ri ch'owen ri ninben chawe yin ri in asamajel, chupan re q'ij re'.

2 Crón 6:19 ပူးပေါင်းရင်းမြစ်များ

San Juan 17:20

Nata' Dios, yin man xaxe ta k'a pa kiwi' re tzeqelibey wichin nink'utuj ri awutzil, xa kan keri' chuqa' nink'utuj chawe pa kiwi' konojel ri xtikikuquba' kik'u'x wik'in roma ri kich'abel ri yetzeqeliben wichin.

Wuj Richin Bix Chire ri Dios 130:2

Ajaw tabana' utzil tawak'axaj ri nuch'abel. Kan taya' k'a axikin chire ri nuch'owen, richin najoyowaj nuwech.

Wuj Richin Bix Chire ri Dios 74:20

Toqaqa chi'ak'u'x ri jikibel-tzij ri abanon qik'in, roma pa taq latz' bey ek'o ri kamisanela'.

Wuj Richin Bix Chire ri Dios 4:1

Nu-Dios yin, ri pa ruchojmilal yaq'aton-tzij, tak'uluba' k'a pe ri nuch'abel toq yich'on-q'anej awik'in; toq xik'oje' pa bis, rat xaya' uxlanen chuwe. Tajoyowaj k'a nuwech y tawak'axaj k'a ri nuch'owen.

1 Rey 8:28

Man rik'in ri', tabana' utzil kinawak'axaj toq yin ri in asamajel yich'on-q'anej awik'in, toq nink'utuj janila utzil chawe richin najoyowaj nuwech. ¡Jehová Dios! Tawak'axaj k'a ri nuraqoj-chi'ij, y ri ch'owen ri ninben chawe yin ri in asamajel, chupan re q'ij re'.

2 Crón 6:18

Chuqa' ri Salomón xubij k'a chire ri Dios: ¿Kan qitzij kami chi rat Dios yak'oje' chuwech re ruwach'ulew re'? Roma rat kan at nimalej wi, y ri kaj chi tz'etel, chi man tz'etel ta kan man nitikir ta yarukuch; k'a ta la' chik re jay re xinpaba-q'anej re awichin rat.

2 Crón 6:20

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.