2 Crón 6:11 - Kaqchiquel Bible

¹¹ Y chupan k'a ri' xinya-wi ri káxa ri akuchi k'o-wi kan ri jikibel-tzij ri xuben ri Jehová kik'in ri qati't-qamama', xcha' ri Salomón.

2 Crón 6:11 ပူးပေါင်းရင်းမြစ်များ

2 Crón 5:10

Chupan ri káxa ri' man jun achike ta chik ri k'o, xa kan xaxe ri ka'i' tz'alem taq abej ri xuya' kan ri Moisés chupan toq xk'oje' pa juyu' Horeb, ri akuchi xuben-wi ri jikibel-tzij ri Jehová kik'in ri e rijatzul kan ri Israel toq xe'el-pe pan Egipto.

2 Crón 5:7

Ri sacerdote xkiya-apo ri káxa richin ri rujikibel-tzij ri Jehová chupan ri jay ri xban akuchi nik'oje-wi ri Jehová, ri akuchi kan man jun wineq nok-apo, chuxe' ri kixik' ri querubín,

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.

1 Rey 8:21

Yin xinben k'a jun jay ri akuchi nik'oje-wi ri káxa richin ri rujikibel-tzij ri Jehová, y re jikibel-tzij re' xuben kik'in ri qate-qatata' toq xerelesaj-pe pan Egipto, xcha' ri Salomón.

1 Rey 8:9

Chupan ri káxa ri' xa kan xaxe k'a ri ka'i' tz'alem taq abej k'o, y ri abej ri' jari' ri xuya' kan ri Moisés toq xk'oje' pa juyu' Horeb, ri akuchi xuben ri jikibel-tzij ri Jehová kik'in konojel ri e rijatzul kan ri Israel toq xe'el-pe pan Egipto.

Ex 40:20

Y ri Moisés xberuk'ama-pe ri tz'alem taq abej ri k'o ri pixa' richin ri rujikibel-tzij ri Dios chuwech y xuya-qa chupan ri káxa ri xban. K'ari' xeruju' ri baloj taq che' ri yek'atzin richin uk'uabel ri káxa y xuya' kan ri tz'apebel-ruwi' ri niya'on kuyubel-mak.

2 Crón 6:10

Y ri Jehová kan xuben achi'el ri rusujun, y roma ri' ja yin xik'oje' kan pa ruk'exel ri nata', y wakami xik'oje' kan richin ninq'et-tzij pan iwi' rix, y kan xinpaba-q'anej ri rachoch ri Jehová, ri qa-Dios.

2 Crón 6:12

Chirij k'a re', ri Salomón xbe-apo chuwech ri porobel richin ri Jehová, y chikiwech konojel israelita, xurik'-q'anej ri ruq'a'.

Wuj Richin Bix Chire ri Dios 50:5

Ri Dios xtuteq rubixik chi tikimolo-ki' ri winaqi' ri e ruch'aron rija', ri xkiben jikibel-tzij rik'in rija' toq xkisuj kamelabel.