2 Crón 5:6 - Kaqchiquel Bible

⁶ Ri rey Salomón y konojel ri ruwinaq ri kimolon-apo-ki' rik'in chuwech-apo ri káxa, xekikamisaj k'a richin kamelabel; kokoj y nima'q taq kawej, y roma kan janila e k'iy man chik tikirel ta chik chi xe'ajlex.

2 Crón 5:6 ပူးပေါင်းရင်းမြစ်များ

1 Crón 29:21

Ri jun chik q'ij ri winaqi' xekikamisaj 1,000 nima-alaji' achija' wákix, 1,000 achija' karne'l y 1,000 nima-alaji' achija' taq karne'l. Xekisuj ronojel re' richin niqa' chuwech ri Jehová, y chuqa' ri vino.

2 Sam 6:13

Ri e uk'uayon ri káxa xepa'e' k'a waqi' mul chupan chijun ri bey richin chi ri David xusuj kamelabel chuwech ri Jehová. Xerusuj k'a jujun bóyix y jujun karne'l ri jebel e ti'oj.

1 Rey 8:5

Y toq xe'apon chuwech ri k'ak'a' rachoch ri Jehová, jari' toq ri rey Salomón y konojel ri ruwinaq ri kimolon-apo-ki' rik'in, xekisujula' k'a kamelabel. Xekisuj k'a kokoj y nima'q taq awej y roma kan janila chi kamelabel ri xesuj, kan man tikirel ta chik chi xe'ajlex.

2 Crón 5:5

Xkik'uaj k'a el ri káxa ri', chuqa' ri rachoch ri Dios ri banon rik'in tzieq y ronojel ri samajibel ri yek'atzin chupan, y ri ch'aqa' chik sacerdote ri e levita ri xe'uk'uan-q'anej.

2 Crón 5:7

Ri sacerdote xkiya-apo ri káxa richin ri rujikibel-tzij ri Jehová chupan ri jay ri xban akuchi nik'oje-wi ri Jehová, ri akuchi kan man jun wineq nok-apo, chuxe' ri kixik' ri querubín,