2 Crón 5:5 - Kaqchiquel Bible

⁵ Xkik'uaj k'a el ri káxa ri', chuqa' ri rachoch ri Dios ri banon rik'in tzieq y ronojel ri samajibel ri yek'atzin chupan, y ri ch'aqa' chik sacerdote ri e levita ri xe'uk'uan-q'anej.

2 Crón 5:5 ပူးပေါင်းရင်းမြစ်များ

2 Crón 1:3

K'ari' ri Salomón y konojel re winaqi' re' xebe k'a pa Gabaón, ri chiri' pa ruwi' jun juyu' ri akuchi nikiya-wi ruq'ij ri Dios, roma chiri' k'o-wi ri rachoch ri Dios richin molojri'il ri banon rik'in tzieq ri rubanon kan ri Moisés, ri rusamajel ri Jehová pa tz'iran ruwach'ulew.

1 Rey 8:6

K'ari' ri e sacerdote xkikusaj k'a apo ri káxa richin ri rujikibel-tzij ri Jehová chupan ri k'ak'a' rachoch, ri chiri' chupan ri jay akuchi kan man jun wineq nok-apo, y xkiq'eba' kan chiri' chuxe' ri kixik' ri querubín.

1 Rey 8:4

y xkik'uaj k'a q'anej, y ri ch'aqa' chik sacerdote ri e levita ri xe'uk'uan y xkik'uaj-el chuqa' ri rachoch ri Dios ri banon rik'in tzieq y ronojel ri samajibel ri kan ek'o kan chiri'.

2 Crón 5:4

Toq xe'oqaqa k'a ri achi'a' ri k'o kiq'ij richin Israel, jari' toq ri e levita xkitzeqej k'a pe ri káxa.

2 Crón 5:6

Ri rey Salomón y konojel ri ruwinaq ri kimolon-apo-ki' rik'in chuwech-apo ri káxa, xekikamisaj k'a richin kamelabel; kokoj y nima'q taq kawej, y roma kan janila e k'iy man chik tikirel ta chik chi xe'ajlex.

2 Crón 23:18

Ri Joiadá xerucha' k'a kan ri e tata'al kichin ri e sacerdote y ri e levita chiri' pa rachoch ri Jehová, achi'el rubanon kan ri David, richin chi ja rije' ri yeporon ri chikopi' chuwech ri Jehová, achi'el ri tz'ibatel kan chupan ri pixa' ri ruya'on kan ri Moisés; y k'o chi nikiben rik'in bix y rik'in janila kikoten kan achi'el ri ruchojmilal ri ruya'on kan ri David.