2 Crón 5:14 - Kaqchiquel Bible

¹⁴ y ri e sacerdote man xetikir ta chik xek'oje' chiri' richin xesamej, roma ri sutz' ri'. Ri ruq'ij-ruk'ojlen ri Jehová xunojisaj chijun ri k'ak'a' rachoch.

2 Crón 5:14 ပူးပေါင်းရင်းမြစ်များ

Ex 40:35

Ri Moisés kan man nitikir ta k'a nok-apo chupan ri jay, roma ri sutz' ri' kan rumatzen k'a rij y ri ruk'ojlemal ri Jehová kan runojisan ri jay.

1 Rey 8:11

Y ri e sacerdote man xetikir ta chik xek'oje' chiri' richin xesamej, roma ri ruk'ojlen ri Jehová xunojisaj rupan ri rachoch.

2 Crón 7:2

y roma ri' ri e sacerdote man xetikir ta xe'ok chupan.

Apocalipsis 15:8

Ri rachoch ri Dios xnoj k'a pe rik'in sib retal ruq'ij-ruk'ojlen y ri ruchuq'a'. Y kan man jun k'a nitikir nok-apo chiri' pa rachoch, k'a toq k'achojineq chik kan ruya'ik ri wuqu' ruk'ayewal koma ri ángel.

Ez 10:4

K'ari' ri ruk'ojlemal ri Jehová xyakatej-el pa ruwi' ri querubín y xbe pa ruchojmilal ri okibel richin ri rachoch ri Jehová. Y ri sutz' ri' xunojisaj ri jay y chuqa' kan xusaqirisaj ri ruwa-jay rik'in ri ruk'ojlemal ri Jehová.

1 Timoteo 6:16

Y kan xaxe rija' ri man kamel ta. Rija' kan pa saqil k'o-wi, ri kan man jun nitikir nijel-apo rik'in. Man jun achike ta wineq tz'eteyon, ni man jun chuqa' nitikir nitz'eton. Ri ruchuq'a' rija' xtik'oje' ta pa qawi' richin jantape', y kan xtuk'ul ta ruq'ij richin jantape'. Keri' ta k'a.

Ex 29:43

Y ja ri chiri' chuqa' xtiqak'ul-wi-qi', ri awinaq y yin, roma ri' ri chiri' ri akuchi niban-wi oken, kan xtok wichin yin, roma ja ri chiri' xtink'ut-wi' rik'in ri nuq'ij-nuk'ojlen.

2 Crón 7:1

Toq ri Salomón xtane-qa chire ri ruch'owen rik'in ri Jehová, xbeqaqa-pe q'aq' chila' chikaj y xuk'is ri kamelabel y konojel ri chikopi' ri e ya'on pa ruwi' ri porobel, y ri ruq'ij-ruk'ojlen ri Jehová xunojisaj ri rachoch,

2 Crón 20:6

y xch'on rik'in ri Jehová, y xubij: Jehová ri at qa-Dios roj y kichin kan ri qati't-qamama', rat kan k'a chila' k'a chikaj naq'et-pe-tzij pa kiwi' ri q'atbel taq tzij richin ri ruwach'ulew. Pan aq'a' k'a rat k'o-wi ronojel uchuq'a' y kan man jun xtich'akon chawij.