2 Crón 5:12 - Kaqchiquel Bible

¹² K'ari' konojel ri e levita ri e bixanela'; ri Asaf, ri Hemán, y ri Jedutún, junan kik'in ri kalk'ual y ri kach'alal e pa'el-apo chiri' pa relebel-q'ij chire ri porobel, kikusan ri kitziaq banon rik'in lino, y kik'uan jalajoj ruwech q'ojom, achi'el ri platillo, ri salterio, y ri arpa. Kik'in rije' ek'o chuqa' 120 sacerdote ri nikixupuj trompeta.

2 Crón 5:12 ပူးပေါင်းရင်းမြစ်များ

1 Crón 15:24

Y ri yexupun ri trompeta chuwech ri káxa ja ri sacerdote Sebanías, ri Josafat, ri Natanael, ri Amasai, ri Zacarías, ri Benaías y ri Eliézer. Ri Obed-edom y ri Jehías chuqa' nikichajij ri káxa.

Wuj Richin Bix Chire ri Dios 68:25

Ri bixanela' e beneq k'a pa nabey, ri q'ojomanela' e xambey kan, pa kinik'ajal rije' e beneq xtani' kik'ualon pandereta.

2 Crón 29:25

Chuqa' ri Ezequías xeruya' pa rachoch ri Jehová, ri e levita richin xkiq'ojomaj jalajoj ruwech taq q'ojom: Ri platillo, ri salterio y ri arpa. Keri' xuben roma ri Dios kan keri' ri xubij kan chike ri David, chire ri Gad ri nitz'eton ri peteneq, y chire ri Natán ri q'alajirisey ruch'abel ri Dios.

2 Crón 7:6

Y ri e sacerdote kan jari' ek'o pa taq kisamaj. Chuqa' ri e levita nikiq'ojomaj jalajoj kiwech taq q'ojom richin nikiya' ruq'ij ri Jehová. Y re q'ojom re' kan ja ri rey David banayon kan richin nikibixaj rubi' ri Jehová rik'in ri bix ri nubij: Roma ri rujoyowanik ri Jehová kan richin q'asen, yecha'. Y ri e sacerdote ek'o-apo chikiwech y nikixupuj ri ki-trompeta. Y konojel ri winaqi' e pa'el-apo kik'in.

1 Crón 23:5

e 4,000 chajinela' richin nikichajij ri ruchi' ri rachoch ri Dios, y e 4,000 chik ri yeya'on ruq'ij ri Dios rik'in jalajoj ruwech q'ojom, ri xuteq kibanik ri David.

1 Crón 6:39

Pa rijkiq'a' ri Hamán nik'oje' ri Asaf, ri jun chik aj-raqen pa kiwi' ri bixanela'. Ri Asaf ruk'ajol kan ri Berequías, y rija' ruk'ajol kan ri Simá.

1 Crón 6:33

Jare' k'a ri kibi' ri achi'a' ri xek'oje' chiri' pa rachoch ri Dios kachibilan ri kalk'ual alaboni': Ri e rijatzul kan ri Quehat: Ri Hemán ri bixanel, re' ruk'ajol kan ri Joel, y ri Joel ruk'ajol ri Samuel,

Apocalipsis 19:8

Kan xya'ox k'a q'ij chire ri xten richin chi xuwiq yan ri' rik'in tzieq ri kan janila ch'ajch'oj y niyik'lun; tzieq lino ri janila jebel, yecha'. Y ri jebelej taq tzieq ri' nuk'exewachuj ri chojmilej kibanobal ri ralk'ual ri Dios.

Apocalipsis 15:6

Y chiri' xebe'el-wi-pe ri e wuqu' ángel ri jachon jujun ruk'ayewal pa kiq'a'. Y ri kitziaq ri e kikusalon, ja ri tzieq lino ri seq-seq y kan niyik'lun. Y ri chuwa-kik'u'x ik'owineq k'a jun ximibel ri banon rik'in q'anapueq.

Wuj Richin Bix Chire ri Dios 149:3

Kan tibixex k'a ri rubi' y ketzopin roma kikoten. Rik'in ri pandero y ri arpa kebixan richin nikiya' ruq'ij.

Wuj Richin Bix Chire ri Dios 92:3

Re' kan xtibixex k'a rik'in jalajoj kiwech q'ojom.

Wuj Richin Bix Chire ri Dios 88:1

Nimalej Jehová, ja rat ri at nukolonel, chi paq'ij chi chaq'a' yisik'in awik'in richin yinato'.

Wuj Richin Bix Chire ri Dios 62:1

Kan xaxe k'a rik'in ri Dios nuxlan ri wánima. Kan rik'in k'a rija' nipe-wi ri nukolotajik.

Wuj Richin Bix Chire ri Dios 50:1

Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.

1 Crón 23:30

Y ek'o levita ri ye'ok chupan ri rachoch ri Dios ronojel q'ij ri nimaq'a' yan y ri tiqaq'ij richin nikimatioxij chire ri Jehová y nikiya' ruq'ij,

1 Crón 15:27

Ri David rukusan jun rutziaq ri janila jebel ok ri banon rik'in lino; keri' chuqa' kitziaq kikusan ri levita ri e uk'uayon ri káxa, ri bixanela' y ri Quenanías ri nitijon kichin. Y ri David rukusan chuqa' jun tzieq ri nibix efod chire, ri chuqa' banon rik'in lino.

1 Crón 13:8

Rokik ri' ri David y konojel ri israelita kan janila k'a xekikot, y e beneq chuwech ri Dios. Y kan rik'in k'a ronojel kuchuq'a' yebixan y yeropiyaj, y nikiq'ojomaj k'a jalajoj ruwech q'ojom achi'el ri arpa, ri salterio, ri tamboril, ri platillo y ri trompeta.

2 Crón 29:26

Ri e levita e pa'el chiri' y kik'ualon pa kiq'a' ri q'ojom ri richin kan ri David; y ri e sacerdote chuqa' kik'uan ri ki-trompeta.