2 Crón 4:9 - Kaqchiquel Bible

⁹ Chuqa' ri Salomón xuben ri ruwa-jay akuchi yesamej-wi ri e sacerdote, y jun chik ruwa-jay ri más nim. Xeruya' ri kichi' ri ka'i' ruwa-jay, y xutz'apej-kij rik'in q'enq'oj-pueq.

2 Crón 4:9 ပူးပေါင်းရင်းမြစ်များ

1 Rey 6:36

Y xuben k'a ri tz'aq chirij ri ruwa-jay richin xutz'apej rij, y xuben-q'anej rik'in abej ri banon chik rutzil. Xuben chire chi pa ruwi' ri ox-ox cholaj abej, xeq'ebalox kan jujun cholaj tz'alem ri banon rik'in tiox-che'. Y keri' xban chire chijun ri tzaq.

1 Rey 7:12

Y ri ruwa-jay richin ri rachoch ri Salomón y ri rachoch ri rixjayil sutin k'a rij rik'in jun tz'aq ri banon rik'in abej, y xban chire chi pa ruwi' ri ox-ox cholaj abej, xeq'ebalox kan jujun cholaj tz'alem ri banon rik'in tiox-che'. Ri rubanik ri ruwa-jay ri' kan junan rik'in ri tz'aq richin ri ruwa-jay richin ri rachoch ri Jehová y ri corredor.

2 Crón 33:5

Y xeruben ch'aqa' chik porobel chupan chi ka'i' ruwa-jay richin ri rachoch ri Jehová.

Ex 27:9

Chuqa' xtikiya' kan jun ruwa-jay ri nusutij-rij ri wachoch. Roma ri' ri pa xokon chire ri ruwa-jay ri' xkekitzeqeba' peraj tzieq richin nikitz'apej rij ri ruwa-jay. Ri peraj tzieq ri' k'o chi banon rik'in betz' lino ri jebel batz'in y ri raqen juwineq wuqu' jaj.

Ez 42:15

Y kan xaxe k'a toq xtane-qa chi retaxik ronojel re', k'ari' xirelesaj-el chiri' pa ruchi-jay ri nitzu'un pa relebel-q'ij y k'ari' xretaj ri tz'aq ri rusutin-rij chijun ri rachoch ri Dios.