2 Crón 4:7 - Kaqchiquel Bible

⁷ Chuqa' xuben rik'in q'anapueq lajuj candelabro ri nibe aceite chupan, y wo'o' k'a xek'oje' pa rijkiq'a' y wo'o' k'a pa rajxokon chupan ri rachoch ri Dios.

2 Crón 4:7 ပူးပေါင်းရင်းမြစ်များ

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

1 Crón 28:12

Chuqa' xubij kan achike ri rubanik ri ruch'obon ri niban chire ri ruwa-jay, y ri ruch'obon rija' ri rubanik ri xkebek'oje' pa taq ruxikin y ri jay akuchi yeyak-wi ri beyomel richin ri rachoch ri Dios y ri akuchi yeyak-wi ri ch'aqa' chik sipanik.

Apocalipsis 1:20

Wakami xtinq'alajirisaj ri man q'alajirisan ta pe pa nabey. Ri wuqu' ch'umila' ri xatz'et pa wijkiq'a' nel chi tzij ri e wuqu' ángel ri yechajin kichin ri wuqu' molaj nimanela'. Y ri wuqu' kandelero ri e banon rik'in q'anapueq, nel chi tzij ri wuqu' molaj nimanela'.

Hebreos 8:5

Ri jay ri akuchi yesamej-wi ri sacerdote ri' y ronojel ri k'o chupan ri jay, kan ruwachibel k'a ri rachoch ri Dios ri k'o chila' chikaj. Y roma ri', toq man jani niban ri jay wawe' chuwech re ruwach'ulew, ri Dios xubij chire ri Moisés:*f20* Tatz'eta' jebel richin chi toq rije' xtikiben, kan tikibana' chire achi'el rubanikil re jun re xatzu' kan re wawe' pa ruwi' re juyu', xcha'.

1 Crón 28:19

K'ari' ri David xubij chire ri Salomón: Ronojel re' tz'ibatel kan chupan ri wuj ri xuq'alajirisaj chinuwech ri Jehová.

1 Crón 28:15

Ri candelabro y ri taq lámpara,

1 Rey 7:39

Wo'o' k'a carretón rik'in yakbel-ya' ri xeruya' pa xaman chire ri jay, y ri wo'o' chik xeruya' pa xokon. Y ri nimalej yakbel-ya' xuya' chukojol ri relebel-q'ij y pa xokon chire ri jay ri'.

1 Crón 28:14

Chuqa' xuya' kan k'iy q'anapueq y saqipueq richin yeban ri samajibel, ri yek'atzin richin ri ye'ukusex pa samaj toq nikiya' ruq'ij ri Dios: