2 Crón 4:6 - Kaqchiquel Bible

⁶ Chuqa' xuben lajuj carretón rik'in kokoj yakbel-ya' rik'in q'enq'oj-pueq, y xeruya' wo'o' pa xaman chire ri jay y ri wo'o' chik pa xokon. Rik'in k'a ri ya' ri nik'oje' chupan ri yakbel-ya' ri', nich'aj-wi ri ti'ij richin ri chikop ri nisuj richin niporox chijun, jak'a ri nimalej yakbel-ya' nik'atzin richin chiri' nikich'ej-wi ki' ri e sacerdote ri yesuju ri kamelabel.

2 Crón 4:6 ပူးပေါင်းရင်းမြစ်များ

1 Rey 7:38

Chirij ri' rija' kan xeruben k'a ri lajuj kokoj yakbel-ya', chuqa' rik'in q'enq'oj-pueq, y chikijujunal k'a ri yakbel-ya' e seteseq kibanik, y ri retabal ri rusetelen oxi' jaj rik'in ka'i' q'a'aj, y 200 galón ya' ri nibe chupan, y jujun k'a ke taq re' xeya'ox pa ruwi' ri jujun carretón.

1 Rey 7:40

Ri Huram xeruben chuqa' jalajoj kiwech bojo'y y pala elesabel chaj. Keri', xuk'is k'a rubanik ronojel ri samaj richin ri rachoch ri Jehová, ri xubij ri rey Salomón chire, y ja ronojel re' ri xuben: Ri ka'i' pilar, Ri ka'i' retz'aba'l ruwi' ri ka'i' pilar, Ri ka'i' wiqobel ri xuben ri achi'el ya'l rubanik ri richin ri retz'aba'l ruwi' ri ka'i' pilar, Ri 400 ruwachibel granada richin xuya' chuchi' ri ka'i' achi'el ya'l rubanik, ri wok'al xeruyala' pa jujun cholaj, Ri lajuj carretón rik'in kokoj yakbel-ya', Ri nimalej yakbel-ya' y ri kablajuj kiwachibel bóyix, Ri jalajoj kiwech bojo'y y ri pala elesabel chaj. Ronojel re samajibel re' richin ri rachoch ri Jehová, xeruben ri Huram achi'el ri xbix chire roma ri rey Salomón. Y re' xeruben rik'in q'enq'oj-pueq y kan jebel yerepelun xeruben chire.

2 Crón 4:2

Chuqa' xuben jun nimalej yakbel-ya' y xuben rik'in q'enq'oj-pueq ya'erisan pa q'aq' y ri retabal ri ruwech ka'i' jaj rik'in oxi' q'a'aj. Ri rujotolen jun jaj rik'in ka'i' q'a'aj y ri rusetelen waqxaqi' jaj.

Wuj Richin Bix Chire ri Dios 51:2

Kinach'ajch'ojirisaj chire ri itzel nubanobal. Kan kinajosq'ij chire ri numak.

Ex 29:4

Y xke'ak'uaj-apo ri Aarón y ri e ruk'ajol, ri chiri' pa okibel chire ri wachoch richin ri molojri'il y chiri' chuqa' tabana' chike richin tikich'ajch'ojirisaj-ki'.

Ex 30:17

Xeri' ri Jehová xch'on chik rik'in ri Moisés y xubij chire:

Ez 40:38

K'o jun chik jay ri k'o chunaqaj ri ruwa-jay richin ri okibel. Chiri' yech'aj-wi ri chikopi' richin yeporox jumul.

Wuj Richin ri Chojmirisabelri'il 1:13

Y ri rajaw ri chikop xtuch'ej ri rixkolob y ri taq raqen ri ti chikop, y ri sacerdote xtusuj y xtuporoj ronojel pa ruwi' ri porobel, y re' jare' ri sipanik poron richin nijubulin chinuwech yin.

Wuj Richin ri Chojmirisabelri'il 1:9

Y ri rajaw ri chikop xtuch'ej ri rixkolob y ri taq raqen ri ti chikop, y ja ri sacerdote xtiya'on-qa ronojel re' pa ruwi' ri porobel; y re' jun sipanik poron richin janila nijubulin chinuwech yin Jehová.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Hebreos 9:23

Y kan xk'atzin k'a chi ri ruwachibel ri samajibel aj-chikajil k'o chi xchikex na kikik'el chikopi' chikij richin chi xech'ajch'ojirisex, jak'a ri kan e aj-chikajil-wi kan rik'in jun jebelej kamelabel ri yech'ach'ojirisex-wi.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

Apocalipsis 7:14

Y yin xinbij k'a chire: Ja rat ri at etamayon e achike chi winaqi' la', xicha'. K'ari' rija' xubij chuwe: Jere' ri e eleneq chik pe chupan ri nimalej tijoj-poqonal, y kich'ajon chik ri kitziaq y kisaqirisan chik rik'in ri rukik'el ri Karne'l.