2 Crón 4:4 - Kaqchiquel Bible

⁴ Y ri yakbel-ya' ri' xuch'okoba' pa kiwi' e kablajuj bóyix ri e banon rik'in q'enq'oj-pueq, y kere' xuben kan chike: Oxi' yetzu'un pa xaman, oxi' yetzu'un pa xokon, oxi' yetzu'un pa relebel-q'ij, y ri e oxi' chik yetzu'un pa qajbel-q'ij. Ri kaqen k'a ri richin chikij ri kiwachibel bóyix ri', chuxe' ri yakbel-ya' xek'oje-wi kan.

2 Crón 4:4 ပူးပေါင်းရင်းမြစ်များ

Apocalipsis 21:14

Y ri ruxe' ri tz'aq ri', kablajuj abej ri ruk'uan ri kibi' ri e kablajuj ri e taqon roma ri Karne'l.

Efesios 2:20

Rix chuqa' ix achi'el jun jay ri paban-q'anej pa ruwi' ri ruxe' ri k'iya'on kan ri e taqon roma ri Cristo, y ri e q'alajirisey ruch'abel ri Dios. Y ri abej ri niya'on ruchuq'a' ri jay ri' ja ri Jesucristo.

Hechos 9:15

Y ri ajaw xubij chire: Tabekanoj k'a ri Saulo, roma ja yin ri xicha'on richin, richin nibe chuq'alajirisaxik ri nubi' chikiwech ri winaqi' ri xa man e judío ta, chuwech ri ki-rey, y chuqa' ri winaqi' judío.

Marcos 16:15

Jari' toq xubij kan chike: Kan kixbiyin chuwech re ruwach'ulew y titzijoj ri utzilej ch'abel richin kolotajik chike konojel ri winaqi'.

San Mateo 16:18

Yin ninbij k'a chawe chi rat abini'an Pedro.*f22* Y ninbij chuqa' chawe chi pa ruwi' k'a re abej re' xtinpaba-wi jun molaj winaqi' ri yetzeqeliben wichin. Y man jun k'a xtinaqo kichin, ni ri kamik.

1 Rey 7:25

Re nimalej yakbel-ya' re' xuch'okoba' pa kiwi' ri e kablajuj kiwachibel bóyix ri e rubanon chuqa' rik'in q'enq'oj-pueq. Y kere' xuben kan chike: E oxi' yetzu'un pa xaman, e oxi' yetzu'un pa qajbel-q'ij, e oxi' yetzu'un pa xokon, y ri e oxi' chik yetzu'un pa relebel-q'ij. Ri kaqen ri e kiwachibel ri bóyix ri richin chikij, chuxe' ri yakbel-ya' xk'oje-wi kan.

2 Crón 4:3

Chuxe-qa ri ruchi' ri yakbel-ya' ri' xeruyala' kiwachibel wákix,*f3* 150 xuya' pa jujun cholaj, y ka'i' cholaj k'a ri taq wachibel ri' ri xuk'uaj. Ri taq wachibel ri' kan e ruch'akulan-ri' rik'in ri yakbel-ya'.

2 Crón 4:5

Ri rupimil ri yakbel-ya' ri' oxi' ruwi' q'a'aj, y ri ruchi' kan lik'ilik rubanik achi'el rubanik ri kotz'i'j lirio, chupan ri' nibe 15,000 galón ya'.