2 Crón 36:16 - Kaqchiquel Bible

¹⁶ Jak'a rije' xa xetze'en chikij ri e rutaqon ri Dios, xa xketzelaj ri ruch'abel y xeyojoben chikij ri e q'alajirisey ruch'abel. Y roma ri' ri Jehová xpe royowal chirij ri rutinamit, y rije' kan man jun chik xetikir xkiben.

2 Crón 36:16 ပူးပေါင်းရင်းမြစ်များ

2 Crón 30:10

K'ari' ri e uk'uey rutzijol xebe y xeq'ax-el chupan ri kitinamit ri Efraín y ri Manasés y xe'apon k'a pa kiruwach'ulew ri Zabulón. Jak'a ri winaqi' xa xetze'en chikij y kan xekiyojobej k'a.

1 Tesalonicenses 4:8

Y wi k'o jun ri chi'ikojol ri xa man nrak'axaj ta ronojel ri xqabij yan qa chiwe, man ja ta roj o jun ta chik wineq ri nretzelaj ri ruch'abel. Xa kan nretzelaj ri ruch'abel ri Dios, ri xya'on-pe ri Loq'olej Espíritu qik'in.

Wuj Richin ri Jeremías 32:3

roma ja rija' xiya'on chiri'. Y xuk'utuj chuwe: ¿Achike roma re kere' naq'alajirisaj? ¿Achike roma xabij chi ri Jehová nubij chi re tinamit re' xtitzaq pa ruq'a' ri rey richin Babilonia?

Wuj Richin Etamabel-Tzij 6:15

Y roma k'a ri rubanobal kan itzel wi, toq k'a xtuna' niqaqa ri wululen chirij y kan man jun chik banel richin chi nikolotej ta, xa xtik'is roma ri ruk'ayewal ri xtiqaqa pa ruwi'.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Etamabel-Tzij 29:1

Ri wineq banoy richin etzelal, ri kan man nuqasaj ta ri', kan pa jun ti ramaj xtiya'ox-pe ri kamik pa ruwi' y man jun chik ri xtikolon richin.

Wuj Richin Bix Chire ri Dios 35:16

Kan janila k'a yinkiyojobej, y yetze'en chuwij. Yinkimeruj roma yinkixowaj.

Wuj Richin ri Esdras 5:12

Xkibij chuqa' chi roma ri kati't-kimama' xkiyek royowal ri Dios, y roma ri' rija' xerujech pa ruq'a' ri Nabucodonosor aj-Caldea, rey richin Babilonia. Ja rija' xwulan ri jay ri', y k'ari' xeruk'uaj-el ri winaqi' pa Babilonia.

Hebreos 11:36

Ek'o ch'aqa' chik ri xetze'ex y xech'ay, ek'o xexim rik'in cadena, y xetz'apex pa taq cárcel.

Hechos 17:32

Toq ri winaqi' xkak'axaj chi k'o Jun ri xk'astej-pe chikikojol ri kaminaqi', xa xetze'en-apo chirij ri Pablo. Y ek'o xebin chire chi k'a xketzijon na chik jun bey.

Hechos 13:41

Rix ri yixetzelan ri nuch'abel, kan xke'imey k'a; roma yin kan xtinbenbana' k'a jun nimalej banobel chupan re iq'ij rix. Stape' rix xtiya'ox rutzijol chiwe, kan man xtinimaj ta,*f29* nicha', xubij ri Pablo.

Hechos 7:52

¿K'o ta kami jun chike ri q'alajirisey ruch'abel ri Dios ojer kan, ri man ta xutej poqon pa kiq'a' ri iwati't-imama'? Man jun. Rije' xekikamisaj k'a ri xebin chi nipe ri jun samajel ri kan choj. Toq kan xoqaqa k'a ri samajel ri', ja chik k'a rix ri xixjacho pa kiq'a' ri q'atoy-tzij, y rix xixkamisan richin.

Hechos 2:13

Jak'a ek'o k'a winaqi' ri xa yetze'en-apo chikij ri yech'on jun chik ch'abel, y nikibila' k'a chi xa e q'abarela'.

San Lucas 23:36

Kan keri' chuqa' nikiben ri aj-labal. Yetze'en-apo chirij ri Jesús. Y yejel-apo rik'in y nikisujula-apo ch'amilej vino chire.

San Lucas 23:11

Ri Herodes y ri aj-labal kan man jun ruq'ij xkiben chire ri Jesús y xkitze'ej. Xkiya' k'a jun tzieq chirij, kan achi'el ri yekikusala' ri rey, y k'ari' xutzolij chik el rik'in ri Pilato.

San Lucas 18:32

Xkijach k'a pa kiq'a' winaqi' ri xa man e qawinaq ta. Y rije' xketze'en chuwij, xtikiya' nuk'ix, xtikibila' poqon taq ch'abel chuwe y xkinkichubaj.

San Lucas 16:14

Toq ri fariseo xkak'axaj k'a ri xubij ri Jesús, xa xkiyojobej, roma rije' kan beneq kánima chirij ri beyomel.

San Mateo 5:12

Kan titze'en k'a iwech y kixkikot janila, roma nim rajel-ruk'exel ri xtik'ul chila' chikaj. Ri xtik'owisaj rix, kan keri' chuqa' xkik'owisaj ri e q'alajirisey ruch'abel ri Dios ri xek'oje' ojer kan.

Wuj Richin ri Jeremías 38:6

Xeri' ri achi'a' ri' xinkichop richin xinkiya-qa pa jul ri k'o pa rachoch ri Malquías ruk'ajol ri rey, ri k'o chiri' chuwa-jay ri akuchi yechajin-wi. Rik'in k'a kolo' xinkiqasaj-qa pa jul y ri jul ri' xa maneq k'a ya' chupan; xa ch'abeq ri k'o chupan y yin xisoboso-qa chupan ri ch'abeq ri'.

Wuj Richin ri Jeremías 20:7

Chirij ri' xinbij chire ri Jehová: Rat xinaq'ol y kan janila xiq'olotej. Rat kan más k'a awuchuq'a' chinuwech yin y kan xinach'ek. Ronojel q'ij ri winaqi' ri ye'ak'axan wichin xaxe tze'en nikiben chuwij,

Wuj Richin ri Isaías 28:22

Roma ri' man chik kixtze'en, roma rik'in juba', kan más yixrujitz'aj ri achoq ik'in iximon-iwi'. Roma ri Jehová k'iytisanel richin ronojel xubij chuwe chi kan xuya' jun pixa' richin chi niberuk'isa' chijun ri ruwach'ulew.

San Mateo 23:34

Roma ri' yin jare' ink'o chik richin yenteq-el chi'ikojol: Ri yeq'alajirisan ruch'abel ri Dios, winaqi' ri k'o janila kina'oj y chuqa' tijonela'. Jak'a rix ek'o k'a chike rije' ri xke'ibajij chuwech cruz, y ek'o ri xke'ikamisaj. Ek'o k'a la' xke'ich'ey ri chiri' pa taq jay richin molojri'il, akuchi nikak'axaj ri ruch'abel ri Dios. Chuqa' jujun chike rije' xke'iwoqotaj y xke'itzeqelibej-el pa taq tinamit.

San Lucas 6:23

Kan kixkikot janila y kixtzopin roma kikoten, roma nim rajel-ruk'exel ri xtik'ul chila' chikaj. Ri xtik'owisaj rix, kan keri' chuqa' xkik'owisaj ri e q'alajirisey ruch'abel ri Dios ri xek'oje' ojer kan.

2 Rey 2:23

K'ari' xbe pa Betel; y toq jotol-el pa bey, xe'el-pe alaboni' pa tinamit, y yetze'en chirij y nikibij: ¡Wakami kabiyin chik k'a el rat tz'anet rujolon achin! Kabiyin chik k'a el rat tz'anet rujolon achin! yecha'.

Wuj Richin ri Nehemías 9:26

Jak'a ri qati't-qamama' xa xeyakatej chawij, y kan man xkitaqej ta k'a ri apixa'. Toq xe'ateq e q'alajirisey ri ach'abel richin xkibij chike chi titzolej-pe kik'u'x awik'in, xa xekikamisaj. Kan janila k'a nima'q taq mak xekibanala' y re' kan xuben chawe richin xmulun ak'u'x.

Wuj Richin ri Nehemías 9:30

Man rik'in ri' xe'akoch' k'iy juna'. Y ri Utzilej Espíritu xerukusaj ri e q'alajirisey ri ach'abel, richin chi xubij chike chi titzolej-pe kik'u'x awik'in. Jak'a rije' man xkajo' ta xkak'axaj. Y roma ri' xe'ajech pa kiq'a' ch'aqa' chik winaqi' ri ek'o chikinaqaj.

Wuj Richin ri Isaías 5:4

¿Achike k'a ri man ta xitikir xinben rik'in ri nutiko'n? ¿Achike roma toq kan woyoben chi nuya' ta pe uva ri kan jebel ki' y xa xuya-pe ch'amilej-uva?

Wuj Richin ri Isaías 65:12

Roma ri' kan nink'en-pe ruk'ayewal pan iwi'. Kan xtinben chiwe richin xkixkamisex rik'in espada. Yin xixinwoyoj, jak'a rix man xiniwak'axaj ta. Xich'on iwik'in, jak'a man xiya' ta ixikin richin xiniwak'axaj. Xa xiben ri man niqa' ta chinuwech yin, y xicha' ri man utz ta nintz'et yin.

Wuj Richin ri Jeremías 13:10

Re tinamit re' kijachon-ki' chubanik etzelal y kan man xkajo' ta xkinimaj ri ninbij yin. Kan xkiben ri rurayibel ri kánima y kan xekitzeqelibej k'a ch'aqa' chik dios, richin chi man yinkisamajij ta yin y man nikiya' ta nuq'ij. Roma ri' kan xtinben chike achi'el ri ximibel, ri man jun chik nik'atzin-wi.

Wuj Richin ri Jeremías 20:8

roma ronojel mul yin yich'on xaxe richin ninq'alajirisaj kamik o wululen. Roma ri' toq ninq'alajirisaj ri ach'abel, xa yinkiyoq' y yinkitze'ej.

Wuj Richin ri Jeremías 30:12

Ri iq'axo'n kan man jun k'a raq'omal, roma ri isokotajik kan yalan chik rubanon.

Wuj Richin ri Jeremías 32:33

Rije' kan ja ri ruche'el-kij ri xkiya' kan chinuwech, stape' yentijoj y kan k'iy mul xentijoj. Man xkik'ul ta ri nupixabanik.

Wuj Richin ri Jeremías 42:18

Kere' ninbij yin Jehová k'iytisanel richin ronojel: Xtinya' ruk'ayewal pan iwi' rix wi xkixbe pan Egipto, achi'el ri ruk'ayewal ri xinya' pa kiwi' ri winaqi' aj-Jerusalem. Y rix kan xkixok winaqi' ri xkixetzelex, xkixyojobex y iwoma rix ch'aqa' chik winaqi' xtisach kik'u'x. Y man jun bey chik xtitz'et re iruwach'ulew, xcha' ri Dios.

Dn 9:6

Man xqanimaj ta k'a ri xkibij ri e q'alajirisey ri ach'abel, stape' kan pan abi' rat xech'on kik'in ri qa-rey, ri e tata'al, ri qate-qatata' y kik'in chijun ri qatinamit Israel.

Wuj Richin ri Chojmirisabelri'il 26:15

y wi rix xtiwixowaj ri pixa' ri nuya'on chiwe, y man xtitaqej ta ri nuch'abel, y wi xtiq'ej ruwi' ri jikibel-tzij ri qabanon,

Wuj Kichin ri To'onela' 2:17

Jak'a rije' kan man xeniman ta chuqa' chike ri to'onela', xkimalij kan ri Jehová y xa xekitzeqelibej ri jujun chik dios, y xkiya' kiq'ij; keri' chuqa' chi'anin xkijech'ej kan ki' chire ri rupixa' ri Jehová, y man xkiben ta achi'el ri xkiben ri kite-kitata'.

1 Crón 19:4

K'ari' ri Hanún xuteq kichapik ri e taqon-el, y k'ari' xkisokaj-el ri rusumal-kichi', y xuqupij ri kitziaq chikij xapon k'a chutza'n kacheq, y k'ari' xeruteq-el pa kiruwach'ulew.

2 Crón 24:19

Man rik'in ri' ri Jehová xeruteq k'a q'alajirisey ri ruch'abel richin xuben chike chi xetzolin ta pe rik'in. Jak'a ri winaqi' man xeniman ta chike ri e q'alajirisey ruch'abel.

Wuj Richin ri Isaías 57:4

¿Achoq chirij k'a yixtze'en-wi rix? ¿Achoq chirij kami yixmerun-wi rix? ¿Y achoq chuwech nik'ut-wi iwaq'? Rix alk'ualaxela' ri man ix nimey ta tzij; rix ix jun sol winaqi' ri janila nitz'uk-tzij.