2 Crón 36:10 - Kaqchiquel Bible

¹⁰ Pa rutikeribel ri jun chik juna', ri rey Nabucodonosor xuteq rubixik chi tuk'uex-el pa Babilonia ri Joaquín, junan rik'in ri samajibel ri k'o kejqalen ri ek'o pa rachoch ri Jehová. Y ja ri Sedequías, rach'alal ri Joaquín, xukusaj kan rey pa kiwi' ri aj-Judá y ri aj-Jerusalem.

2 Crón 36:10 ပူးပေါင်းရင်းမြစ်များ

Wuj Richin ri Jeremías 37:1

Chirij re' ri Nabucodonosor xuben chire ri Sedequías ruk'ajol ri Josías richin xok kan rey richin nuq'et-tzij pa ruwi' ri tinamit Judá, pa ruk'exel ri Jeconías, ri ruk'ajol ri Joaquim.

2 Crón 36:7

Chuqa' ri Nabucodonosor xuk'uaj-el juba' samajibel ri k'o pa rachoch ri Jehová y kan xberuya' pa rachoch ri ru-dios rija'.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

Dn 5:2

Ri rey Belsasar, roma ri ruq'abarik ri kan xik'o ruwi' ri xuben, kan xuteq k'a ruk'amik ri qumbel ri e banon rik'in q'anapueq y saqipueq ri e ruk'amon-pe ri Nabucodonosor chupan ri rachoch ri Dios ri k'o pa Jerusalem, toq rija' xq'aton-tzij. Kan xebek'amer k'a pe ri qumbel ri', y ri Belsasar xuqum vino chupan, e rachibilan ri e rixjayilal, ri e ru-concubina y ri achi'a' ri k'o kiq'ij.

Ez 17:12

kich'on kik'in ri nuwinaq ri man e nimey ta tzij y tinbij chike: ¿Xq'ax kami chiwech rix ronojel re'? Nel chi tzij chi ri rey ri k'o pa ruwi' ri ruwach'ulew Babilonia xapon pa Jerusalem y xuk'uaj-el ri rey richin Judá y keri' chuqa' xeruk'uaj-el ri aj-raqen y xeberuya' pa Babilonia.

Wuj Richin ri Jeremías 24:1

Toq ri Nabucodonosor rey richin Babilonia xeruk'uaj-el yan-el pa ximonri'il ri rey Jeconías ri ruk'ajol ri Joaquim, ri e q'atoy taq tzij y ri yebanon jalajoj ruwech samaj. Jari' toq ri Jehová xuk'ut chinuwech ka'i' chakech wíkix ri ya'on chiri' chuwech ri rachoch rija'.

Wuj Richin ri Jeremías 22:25

Yin kan xtinjech-el pa kiq'a' ri achoq chikiwech janila nuxibij-ri'; chire ri Nabucodonosor rey richin Babilonia y chikiwech ri aj-Caldea.

2 Crón 36:18

Keri' chuqa' ronojel samajibel ri ek'o pa rachoch ri Dios chi ch'uti'q chi nima'q, ronojel ri beyomel ri ek'o chiri', y chuqa' ri beyomel ri k'o pa rachoch ri rey y kichin ri e tata'al; ronojel re' xuk'uaj-el pa Babilonia.

2 Sam 11:1

Xbanatej k'a chi chupan ri ruq'ijul ri saq'ij, toq ri rey ye'el-el richin yebe pan oyowal, jari' toq ri David xuteq-el ri Joab, konojel ri aj-labal y ri e aj-raqen pa kiwi'. Richin xekik'is konojel ri amonita, y xkisutij-rij ri tinamit Rabá. Jak'a ri David man xbe ta kik'in, xa xk'oje' kan pa Jerusalem.

2 Rey 20:17

Xtapon k'a ri q'ij toq ronojel ri k'o chupan ri awachoch, y ronojel k'a ri kibeyomel kan ri ate-atata' k'a re wakami; ronojel re' xtuk'uex-el pa Babilonia, y kan man jun k'a xtik'oje' kan.

Ester 2:6

Y ri Cis jun chike ri xe'uk'uex-el pa Babilonia roma ri rey Nabucodonosor, toq xuk'uex-el ri Jeconías ri rey richin ri Judá pa Jerusalem.

Wuj Richin ri Isaías 39:7

Y pa ruwi' ri, jujun chike ri awijatzul xke'uk'uex-el pa Babilonia, y kan xke'ok eunuco chiri' richin xtikilij ri rey, xcha'.

Wuj Richin ri Jeremías 20:5

Keri' chuqa' xtinjech-el ronojel ri beyomel richin re tinamit re', ronojel ri e kich'akon rik'in ri kisamaj y ri k'o rejqalen ri k'o kik'in. Y xtinya' ronojel beyomel ri kichin ri rey pa kiq'a' ri e etzelanel iwichin. Xtikelesaj k'a el ronojel chuwi-kiq'a' y xtikik'uaj-el pa Babilonia.

Wuj Richin ri Jeremías 27:16

Chirij re' xich'on kik'in ri sacerdote y kik'in ri ch'aqa' chik winaqi' y xinbij: Man tiwak'axaj ri kich'abel ri nikibananej ri nikiq'alajirisaj, toq nikibij: Ri samajibel richin ri rachoch ri Dios kan xkek'amer-pe chi'anin chiri' pa Babilonia, roma ri nikibij, xa kan man qitzij ta.

Wuj Richin ri Jeremías 28:3

Y pa ka'i' apo juna' xtuben chi ri samajibel richin ri rachoch ri Jehová, ri xuk'uaj-el ri rey Nabucodonosor pa Babilonia, xtitzolin chik chupan re tinamit re'.

Wuj Richin ri Habacuc 1:10

Xketze'en chikij ri rey y ri e tata'al. Ri tinamit ri e tz'apen-kij chi tz'aq kan man jun kejqalen xtikiben chike. Y xtikiben kipalibal rik'in ulew richin xke'ok chupan ri tinamit ri'.

Ez 17:6

Ri ti ija'tz ri' xel k'a pe y xuben jun juwi-uva ri kan jebel ri ruq'a' y ri ruxaq. Kan janila k'a jebel xk'iy ri ruxe' y ri ruq'a' kan xek'iy richin choj xchojmin rik'in ri kot.