2 Crón 35:3 - Kaqchiquel Bible

³ Y xch'on kik'in ri e levita ri kan kijachon-ki' chupan ri rusamaj ri Dios, ri yetijon chupan chijun ri ruwach'ulew y xubij chike: Ri loq'olej káxa richin ri jikibel-tzij kan tiya' k'a pa rachoch ri Jehová, ri rupaban kan ri Salomón ruk'ajol kan ri David rey richin Israel. Kan man xtik'uaj ta chik chuwi-itele'n. Wakami k'a rix tisamajij ri Jehová ri qa-Dios y chuqa' ri rutinamit Israel.

2 Crón 35:3 ပူးပေါင်းရင်းမြစ်များ

1 Crón 23:26

Y xa roma ri' ri e levita man chaq xtikik'uaj ta kela' ri rachoch ri Dios ri banon rik'in tzieq, y ni ta ri samajibel ri yekusex toq niya'ox ruq'ij Rija'.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

2 Crón 30:22

Ri Ezequías xumatioxij k'a chike ri e levita ri kan k'o nojibel kik'in richin xkiben re samaj re'. Kan xkitej k'a ri ti'ij ri xsuj richin kamelabel chupan ri wuqu' q'ij ri', y chuqa' ri ti'ij ri richin ri sipanik ri nuq'alajirisaj chi ri winaqi' junan kiwech rik'in ri Jehová.

Deut 33:10

Rix xtik'ut ri q'atbel-tzij chikiwech ri iwinaq israelita, xtik'ut ri pixa' chuwech ri itinamit. Xtiporoj k'a ri pom chuwech ri Jehová, y xtisuj ri chikop pa ruwi' ri porobel.

2 Corintios 4:5

Y roj kan niqaq'alajirisaj k'a chi ri Jesucristo jari' ri ajaw, y man ja ta roj. Roj xaxe k'a oj isamajela' rix; y re' kan roma k'a ri Jesús toq roj keri' niqaben iwik'in.

2 Crón 5:7

Ri sacerdote xkiya-apo ri káxa richin ri rujikibel-tzij ri Jehová chupan ri jay ri xban akuchi nik'oje-wi ri Jehová, ri akuchi kan man jun wineq nok-apo, chuxe' ri kixik' ri querubín,

2 Crón 34:14

Ja k'a toq xbekelesaj-pe ri méro ri yakon kan pa rachoch ri Jehová, jari' toq ri sacerdote Hilquías xberila-pe jun wuj ri akuchi tz'ibatel kan ri rupixa' ri Jehová ri ruya'on kan chire ri Moisés.

2 Crón 8:11

Ri Salomón kan xupaba' yan k'a q'anej jun jay richin ri rixjayil, rumi'al ri rey richin Egipto. Xrelesaj k'a el chiri' chupan ri tinamit richin kan ri rey David, roma xuch'ob chi ri rixjayil man ruk'amon ta nik'oje' chiri' pa rachoch kan ri David, roma kan chiri' xk'oje-wi ri káxa richin ri rujikibel-tzij ri Dios, y ri chiri' kan janila rejqalen. Ri Salomón xuq'axaj k'a q'anej ri rixjayil chupan ri k'ak'a' jay ri'.

Wuj Richin ri Q'axanri'il 8:19

Yin xencha-pe ri levita chi'ikojol. K'ari' xinjech pa kiq'a' ri Aarón y ri e ruk'ajol. Ri levita ja rije' ri yesamej chiri' pa kik'exel ri ch'aqa' chik awinaq, richin rije' yesuju ri kamelabel richin chi yin nink'en chik kiwech ri awinaq. Richin keri' man jun xtik'uluwachij toq yixjel-apo rik'in ri wachoch, xcha' ri Dios.

2 Crón 17:7

Y chupan ri rox juna' chire ri ruq'atbal-tzij xeruteq-el wo'o' tata'al richin yebetijon pa taq tinamit richin ri ajawaren richin Judá. Y rije' kibini'an Ben-hail, Abdías, Zacarías, Natanael y Micaías.

Ex 32:29

Y jari' toq ri Moisés xubij chike ri e rijatzul kan ri Leví: Wakami rix xijech-iwi' pa rusamaj ri Jehová, stape' kan xe'ikamisaj ri iwalk'ual y ri iwach'alal. Y roma re' ri Jehová kan yixrurtisaj-wi, xcha' ri Moisés chike.