2 Crón 34:7 - Kaqchiquel Bible

⁷ Y xeruwulaj k'a kan ronojel porobel, ronojel ri paban-che' richin ri Asera y ronojel ri ch'aqa' chik wachibel e paban. Ronojel re' xeruk'ajij kan y xuben poqolaj chike. Keri' chuqa' xeruwulaj kan ronojel ri porobel-pom. Y chirij ronojel re' xtzolin pa Jerusalem.

2 Crón 34:7 ပူးပေါင်းရင်းမြစ်များ

2 Crón 31:1

Toq xk'is k'a ronojel re', konojel ri israelita ri ek'o chiri' xebe k'a pa taq tinamit ri ek'o chupan chijun ri ruwach'ulew Judá y xekiwulaj k'a ri wachibel e paban y xekiyoj k'a ri paban-che' richin Asera. Xekiyoj k'a akuchi yekamela'an-wi ri ek'o pa ruwi' taq juyu', y xekiwulaj ri ch'aqa' chik porobel ri ek'o chiri' pa Judá, pa Benjamín, pa Efraín y ri pa Manasés. K'ari' konojel israelita xetzolej pa taq kiruwach'ulew y pa taq kixoral.

Deut 9:21

Xeri' xinchop ri ruwachibel ri nima-alaj achij wákix ri xkiben, ri achoq ik'in xemakun-wi, xinwulaj y xinporoj. K'ari' xinben poqolaj chire, y xinjopij pa ruwi' ri ch'uti'n raqen-ya' ri xulan-pe kojol juyu'.

2 Crón 34:1

Ri Josías k'o k'a waqxaqi' rujuna' toq xuchop nuq'et-tzij pa ruwi' ri ajawaren richin Judá chiri' pa Jerusalem, y juwineq julajuj juna' xuq'et-tzij.

Ex 34:13

Xa kan xtiyojola' k'a el ri kiporobal y xke'iwulaj-el ri wachibel e paban y kan xtichoy k'a el ri ki-dios Asera.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

2 Rey 23:19

Chuqa' ri Josías xeruyoj ri jay ri akuchi nikiya-wi kiq'ij wachibel pa ruwi' taq juyu' ri ek'o chiri' pa ruwach'ulew Israel, ri xekiben kan ri e rey richin Israel toq xkiyek royowal ri Jehová. Ronojel re' xerelesaj-el ri rey Josías, kan achi'el ri xuben pa Betel.

2 Crón 14:5

Chuqa' xerelesaj chupan ronojel tinamit ri k'o pa ruwach'ulew Judá, ri akuchi niya'ox-wi kiq'ij ri ch'aqa' chik dios y chuqa' akuchi niporox-wi pom. Y roma keri' xuben rija', kan xk'oje' k'a uxlanibel-k'u'x janipe' xuq'et-tzij.

Wuj Richin ri Isaías 17:8

Xa kan xtimulun ik'u'x chirij ri porobel ri xe'iben rix, y xa kan man xtitzu' ta chik ronojel ri wachibel ri xe'iben. Chuqa' man xtich'ob ta chik ri ruwachibel ri Asera, y ni ri porobel-pom ri xe'iben.

Wuj Richin ri Miqueas 1:7

Ri jebelej taq wachibel xkewulex y ri sipanik ri xtikich'ek ri ixoqi' ri yewer kik'in achi'a' ri ye'apon pa kachoch ri ki-dios xa xtiporox. Ri wachibel ri' xa xke'ok q'ayis. Ri Samaria xril k'a ronojel re' richin ninimaq'ijun richin nik'iyer ri rutiko'n. Jak'a ri e etzelanel kichin xa xtikik'uaj richin nibekiya' chike ri ixoqi', chupan ch'aqa' chik kachoch ri ki-dios richin nikiya' kiq'ij.

2 Rey 10:26

Y xekelesaj k'a el ri wachibel e paban-q'anej chiri' pa rachoch ri Baal, y xekiporoj.

2 Rey 23:15

Ri Josías xbe pa Betel ri akuchi k'o-wi ri porobel ri xuben kan ri Jeroboam ri ruk'ajol ri Nabat, ri xuben chi ri israelita xemakun, ri akuchi nikiya' kiq'ij wachibel. K'ari' ri Josías chaq k'ate' xutz'et muqbel ri ek'o chiri', xuben chi xe'elesex-pe ri baq ri ek'o chupan, y ri baq ri' xeruporoj pa ruwi' ri porobel richin nuben chire chi man jun rejqalen, kan achi'el ri ruch'abel ri Jehová ri xuq'alajirisaj kan ri achin richin ri Dios toq xch'on chirij ronojel re'. Chirij ri' xuwulaj ri porobel y xuporoj ri paban-che' richin Asera y ronojel ri ek'o chiri'.

2 Crón 14:2

Ri rubanobal ri Asá kan utz y kan choj xuben chuwech ri Jehová ri ru-Dios.