2 Crón 34:3 - Kaqchiquel Bible

³ Chupan k'a ri waqxaqi' juna' chire ri ruq'atbal-tzij, rija' kan k'a ala' na. Man rik'in ri', kan xukanoj k'a ri ru-Dios ri David ri rumama'. Y chupan k'a ri kablajuj juna' chire ri ruq'atbal-tzij xuchop rujosq'ixik ri tinamit Jerusalem y chijun ri Judá, chire ri akuchi nikiya-wi kiq'ij ri wachibel ri pa ruwi' taq juyu', ri paban-che' richin Asera, ri wachibel e paban y ri wachibel ri e ya'erisan pa q'aq'.

2 Crón 34:3 ပူးပေါင်းရင်းမြစ်များ

2 Crón 33:22

Jak'a xa kan xuben achi'el ri itzel rubanobal ri Manasés ri rutata' roma xa xusuj kamelabel chikiwech ri wachibel ri rubanon kan ri rutata', y xerusamajij. Re banobel re' kan man xqa' ta k'a chuwech ri Jehová.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

Wuj Richin Etamabel-Tzij 8:17

Yin yenwajo' ri ye'ajowan wichin; y ri kan nikicha' kik'u'x richin yinkikanoj, kan chi'anin yinbekila-pe.

2 Crón 33:17

Jak'a ri winaqi' xa k'a nikisuj na kamelabel ri akuchi xkiya-wi kiq'ij ri wachibel ri pa ruwi' taq juyu', xaxe wakami kan ja ri Jehová ri ki-Dios ri nikiya' ruq'ij chiri'.

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Wuj Richin ri Molojri'il 12:1

Kan tik'oje' chi'ak'u'x chupan chijun ri ak'aslen y man tamestaj ri k'iytisanel awichin. Rokik k'a at k'ajol na y man jani katapon chupan ri ajuna' toq xtabij: Ronojel ri k'o xa man jun chik kikoten nuk'en-pe chuwe.

Wuj Richin Bix Chire ri Dios 119:9

¿Achi'el ta k'a toq nitikir jun ala' richin nuk'uaj jun k'aslen ch'ajch'oj? ¡Kan rik'in k'a chi nuyek pa ránima ri ach'abel rat!

2 Crón 30:14

Xekiwulaj k'a el ronojel ri ch'aqa' chik porobel richin chikop y richin pom ri ek'o chiri' pa Jerusalem, y k'ari' xebek'aq kan pa siwan ri akuchi niq'ax-wi ri ch'uti'n raqen-ya' Cedrón.

1 Crón 29:1

Chirij ronojel ri' ri rey David kere' xubij chike konojel ri winaqi': Ri Dios xcha'on ri nuk'ajol Salomón, jak'a rija' jun ala' k'a ko'ol ok y ri samaj janila nim, roma ri jay ri' man achi'el ta ok jun xabachike jay. Re' kan rachoch ri Jehová Dios.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

1 Crón 22:5

Ri David xuben ronojel re' roma xuch'ob chi ri Salomón ri ruk'ajol man jani k'o retamabal richin nupaba-q'anej ri rachoch ri Jehová akuchi niya'ox-wi ruq'ij-ruk'ojlen, roma ri jay ri' k'o chi niban janila nim chire y kan xtel k'a rutzijol chuwech chijun ruwach'ulew chi kan jebel ok rubanik. Y roma ri' ri David xeruchojmirisala' k'a kan pa ruk'iyal ronojel ri nik'atzin chire ri rachoch ri Dios.

2 Rey 23:14

Chuqa' chiri' xeruwulaj k'a el ri wachibel ri e paban-q'anej y xuchoy ri paban-che' richin Asera. K'ari' xutaluj baq kichin kaminaqi' ri chiri'.

2 Rey 23:4

K'ari' ri rey xuteq rubixik chire ri Hilquías ri nimalej sacerdote, ri ch'aqa' chik sacerdote y ri e chajiy ruchi' ri rachoch ri Dios, chi kekelesaj-pe ri chiri' pa rachoch rija', ronojel ri banon richin ri Baal, richin ri Asera y kichin ri ek'o chuwech ri kaj. Ronojel re' xerelesaj-el k'a chuchi' ri tinamit Jerusalem chiri' pa siwan ri napon-qa pa ch'uti'n raqen-ya' Cedrón. K'ari' ri rey chiri' k'a xeruporoj-wi. Y ri kichajul xuk'uex-el pa tinamit Betel.

2 Rey 18:4

Rija' xrelesaj k'a ri akuchi nikiya-wi kiq'ij wachibel pa ruwi' taq juyu'. Xerupaxij ri dios ri e banon rik'in abej y xuqupij-el ri paban-che' richin ri Asera. Chuqa' xuwulaj ri kumetz ri banon rik'in q'enq'oj-pueq ri chuqa' xkibij Nehustán*f7* chire. Ri winaqi' kan nikiya-wi k'a ruq'ij ri kumetz y kan nikiporoj pom chuwech.

1 Rey 13:2

Jari' toq ri achin ri' rik'in ronojel ruchuq'a' xch'on pa rubi' ri Jehová y xubij: ¡Porobel! Ri Jehová kan nubij chi pan awi' rat xkesuj-wi ri e sacerdote ri yeporon pom pa ruwi' re juyu' re'. Y pan awi' chuqa' rat xkeporox-wi ri kibaqil ri winaqi'. Kan jak'a ri ak'ual ri xtalex pa rachoch kan ri rey David, jari' ri xtibanon y ri ak'ual ri' xtubini'aj Josías, xcha'.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Ex 34:13

Xa kan xtiyojola' k'a el ri kiporobal y xke'iwulaj-el ri wachibel e paban y kan xtichoy k'a el ri ki-dios Asera.

2 Crón 34:33

K'ari' ri Josías xuben chi chupan chijun ri ruwach'ulew Israel ke'elesex-el ronojel ri yekiya' kiq'ij ri winaqi' ri kan man niqa' ta chuwech ri Jehová, y xuben chi konojel tikisamajij xaxe ri Jehová ri ki-Dios. Rokik k'es ri Josías, ri winaqi' kan man xkijech'ej ta kan ki' rik'in ri Jehová ri ki-Dios, y ri Dios kichin ri kati't-kimama'.

Wuj Richin ri Miqueas 1:5

Ronojel re' xtibanatej roma rix nuwinaq xixyakatej chirij ri Dios. Rix ri ix rijatzul kan ri Jacob xixmakun chuwech rija'. ¿Achike ta k'a k'o rumak chire ri yakatajinenri'il richin ri Israel? ¿Man ja ta kami ri Samaria? ¿Achike ta k'a yeya'on kiq'ij ri wachibel chiri' pa Judá? ¿Man ja ta kami ri Jerusalem?

2 Rey 10:27

Y xkiwulaj k'a ri wachibel paban-q'anej richin ri Baal, y xkiwulaj kan ri rachoch. Ri chiri' re wakami xok richin chulubel.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

2 Crón 14:6

Rokik ri Jehová xuya' uxlanibel-k'u'x chire ri ruwach'ulew, ri Asá xtikir xerupaba-q'anej tinamit ri tz'apen-kij chi tz'aq chiri' pa Judá.

2 Crón 33:15

Chuqa' xerelesaj-el ri ch'aqa' chik dios, ri wachibel ri niya' kiq'ij y ronojel ri porobel ri e paban-q'anej chiri' pa rachoch ri Jehová y chuqa' ri ek'o chupan ri tinamit. Y kan ronojel re' xeberuk'aqa' kan chirij-el ri tinamit.

Wuj Richin Bix Chire ri Dios 71:5

Roma kan ja rat ajaw Jehová ri at woyoben, rat ri at nukuqubabel-k'u'x kan ja toq in ak'ual y k'a re wakami.

Wuj Richin Etamabel-Tzij 20:11

Jun ala' kan chi'anin netamex ruwech, xaxe rik'in nitz'et ri achike niqa' chuwech nuben; kan chi'anin-wi nitz'etetej roma ri utz y ri ch'ajch'oj ri yeruben.