2 Crón 34:1 - Kaqchiquel Bible

¹ Ri Josías k'o k'a waqxaqi' rujuna' toq xuchop nuq'et-tzij pa ruwi' ri ajawaren richin Judá chiri' pa Jerusalem, y juwineq julajuj juna' xuq'et-tzij.

2 Crón 34:1 ပူးပေါင်းရင်းမြစ်များ

Wuj Richin ri Sofonías 1:1

Ri Jehová xch'on wik'in yin Sofonías, ri in ruk'ajol kan ri Cusí, in rumam kan ri Guedalías, in kixikin-kimam kan ri Amarías ri ruk'ajol kan ri Ezequías. Re' xbanatej toq ri Josiás ruk'ajol kan ri Amón niq'aton-tzij pa ruwi' ri ruwach'ulew Judá.

Wuj Richin ri Jeremías 1:2

Ri Dios xch'on wik'in toq niq'aton-tzij ri Josías, ruk'ajol ri Amón, chiri' pa Judá, chupan ri juna' oxlajuj chire ri ruq'atbal-tzij rija'.

Wuj Richin ri Molojri'il 4:13

Más utz jun k'a ala' na ri man jun k'o rik'in y kan k'o runa'oj, ke chuwech jun rey ri k'o chik rujuna' y maneq runa'oj, ri xa kan man nrajo' ta nrak'axaj jun pixabanik,

2 Crón 33:25

Jak'a konojel ri winaqi' richin ri ruwach'ulew ri' xa xekikamisaj ri e tata'al ri xekamisan richin ri rey Amón. Chirij ri' xkikusaj kan rey ri Josías, ri ruk'ajol ri Amón, pa ruk'exel rija'.

2 Crón 33:1

Ri Manasés k'o k'a kablajuj rujuna' toq xuchop nuq'et-tzij pa ruwi' ri ajawaren richin Judá chiri' pa Jerusalem, y kawineq wolajuj juna' xuq'et-tzij.

2 Crón 26:1

K'ari' ri winaqi' ri e richin ri Judá xkikusaj kan rey pa ruk'exel ri Amasías jun chike ri ruk'ajol, ri rubini'an Uzías,*f13* y k'o k'a waqlajuj rujuna' toq xok kan rey.

2 Crón 24:1

Wuqu' k'a rujuna' ri Joás toq xuchop nuq'et-tzij, y kawineq juna' xq'aton-tzij pa ruwi' ri Judá chiri' pa Jerusalem. Ri rute' rubini'an Sibiá aj-Beerseba.

1 Rey 13:2

Jari' toq ri achin ri' rik'in ronojel ruchuq'a' xch'on pa rubi' ri Jehová y xubij: ¡Porobel! Ri Jehová kan nubij chi pan awi' rat xkesuj-wi ri e sacerdote ri yeporon pom pa ruwi' re juyu' re'. Y pan awi' chuqa' rat xkeporox-wi ri kibaqil ri winaqi'. Kan jak'a ri ak'ual ri xtalex pa rachoch kan ri rey David, jari' ri xtibanon y ri ak'ual ri' xtubini'aj Josías, xcha'.

1 Sam 2:26

Jak'a ri ti ala' Samuel ruchapon nik'iy y ri Dios kan janila qajineq chuwech, y keri' chuqa' ri winaqi'.

1 Sam 2:18

Ri ti ala' Samuel nuben k'a rusamaj ri Jehová y rukusan jun tzieq banon rik'in lino, retal ri rusamaj.

Wuj Richin ri Jeremías 3:6

Ri ruch'abel ri Jehová xoqaqa wik'in chupan ri q'ij chire ri q'atbel-tzij richin ri rey Josías y xubij chuwe: Rat Jeremías xatz'et ri etzelal ri xuben ri tinamit Israel ri chiri' pa xaman. Kan xebe k'a chiri' chuwa taq juyu' chuxe' taq che' ri janila kixaq, richin chi chiri' xekitzeqelibej ch'aqa' chik dios, achi'el nuben jun ixoq itzel ruk'aslen ri yerutzeqelibej ch'aqa' chik achi'a'.

Wuj Richin ri Jeremías 25:3

Kan ja chupan ri juna' oxlajuj richin ri ruq'atbal-tzij kan ri Josías ruk'ajol ri Amón, k'a chupan re q'ij re', juwineq oxi' yan k'a juna' ri ruchapon-pe ri nich'on ri Jehová wik'in. Yin kan in ch'owineq k'a pe iwik'in, jak'a rix xa man iya'on ta ixikin chire ri nuch'abel.

2 Rey 23:1

K'ari' ri rey xuben jun molojri'il y xuteq koyoxik konojel achi'a' ri k'o kiq'ij ri ek'o pa Judá y pa Jerusalem.

San Mateo 25:16

Y ri samajel ri xk'ulun kan wo'o' k'ojelibel rik'in q'anapueq, kan xuben na wi ri bin kan chire. Rija' kan xusamajij k'a ri q'anapueq ri' y xuch'ek chik k'a jun keri'.