2 Crón 33:8 - Kaqchiquel Bible

⁸ Y chuqa' xubij chi wi xtikitaqej ronojel ri nubij ri jalajoj ruwech pixa' ri ya'on chire ri Moisés, kan man jun bey chik xkerelesaj-el ri israelita chupan ri ruwach'ulew ri' ri ruya'on chik chike ri kati't-kimama'.

2 Crón 33:8 ပူးပေါင်းရင်းမြစ်များ

2 Sam 7:10

Y pa ruwi' ri' yin xinya' jun ruwach'ulew chiwe rix israelita, ri ix nutinamit. Wawe' k'a xkixk'oje-wi richin q'asen, y man jun chik xtinaqo iwichin. Ri itzel taq winaqi' man chik xkixkiya' ta pa tijoj-poqonal achi'el ri kibanon-pe chike ri iwati't-imama',

San Lucas 1:6

Re juk'ulaj winaqi' re' choj kik'aslen chuwech ri Dios, y kan nikiben ri nubij ri pixa'.

1 Crón 17:9

Y chire ri' xinch'er jun ruwach'ulew iwichin rix, ri nutinamit; y xinya' k'a chiwe richin xiwichinaj kan, ri akuchi man jun yixnaqon. Ni ta ri e itzel taq achi'a', ni ri itzel kibanobal man xkixkiya' ta pa tijoj-poqonal achi'el ri ojer kan,

Deut 8:1

Kan tibana' k'a ri nubij ri pixa' ri ninbij chiwe wakami, richin keri' kan xkixk'ase' utz y kan xkixwinaqir y kan xkixok-apo richin niwichinaj ri ruwach'ulew ri rusujun ri Jehová, ri xujikiba' chike ri qati't-qamama'.

Deut 5:31

Jak'a rat yak'oje' kan wawe' wik'in, richin ninbij chawe ronojel ri nupixa' richin xkentijoj. Y wi rije' kan xtikitaqej ri pixa', chuqa' xkek'oje' chupan ri ruwach'ulew ri xtinbenya' chike, xcha' chuwe.

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.

Deut 4:40

Roma ri' kan titaqej k'a ri rupixa' ri ninya' chiwe wakami, richin chi utz yixk'ase' rix y ri iwijatzul; y kan xkixk'ase' k'iy juna' chuwech ri ruwach'ulew ri xtuya' chiwe ri Jehová ri qa-Dios richin jantape', xcha' ri Moisés.

Wuj Richin ri Chojmirisabelri'il 10:11

Y chuqa' ye'itijoj ri iwinaq rik'in ronojel pixa' ri nuya'on chiwe, ri kan iwichin rix ri nuya'on chik chire ri Moisés, xcha' ri Jehová.

Wuj Richin ri Chojmirisabelri'il 8:36

Y keri' ri Aarón y ri e ruk'ajol kan xkiben k'a ronojel ri pixa' ri xuya' ri Jehová chire ri Moisés chi tikibana' rije'.

2 Crón 33:9

Jak'a ri Manasés xa xeruyuqej ri ruwinaq chubanik ri etzelal. Y kan xik'o chik k'a ruwi' ri etzelal ri xkiben rije' chikiwech ri ch'aqa' chik winaqi' ri xek'oje' chiri' ojer kan, ri xeruk'is kan ri Jehová chikiwech ri israelita.

Wuj Richin ri Jeremías 7:7

Wi xtiben ronojel re' yin xtinya' q'ij chiwe richin yixk'ase' re wawe' chupan re ruwach'ulew ri xinya' kan chike ri iwati't-imama'.