2 Crón 33:4 - Kaqchiquel Bible

⁴ y kan xupaba-q'anej porobel chupan ri rachoch ri Jehová, richin nuya' kiq'ij, stape' ri Jehová rubin chi chiri' pa Jerusalem kan xaxe rija' ri xtiya'ox ruq'ij richin q'asen.

2 Crón 33:4 ပူးပေါင်းရင်းမြစ်များ

2 Crón 7:16

Y chuqa' xincha' y xinwurtisaj re wachoch re akuchi ink'o-wi, y ri akuchi ninatex ri nubi' richin q'asen, kan xtinchajij y xtik'oje' pa wánima.

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.

1 Rey 8:29

Ri atzubal jantape' ta k'a xtik'oje' pa ruwi' re jun jay re', chi paq'ij chi chaq'a', ri akuchi abin chi kan yak'oje' rat. Keri' kan xtawak'axaj ta k'a ri nuch'owen ri ninben awik'in, yin ri in asamajel.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Wuj Richin ri Jeremías 7:30

Chuqa' ri winaqi' aj-Judá, xa xkiben ri man utz ta nintz'et yin, kan xekiya' tiox chiri' pa wachoch akuchi ninatex-wi ri nubi' y kan man xkiya' ta wejqalen.

2 Crón 33:15

Chuqa' xerelesaj-el ri ch'aqa' chik dios, ri wachibel ri niya' kiq'ij y ronojel ri porobel ri e paban-q'anej chiri' pa rachoch ri Jehová y chuqa' ri ek'o chupan ri tinamit. Y kan ronojel re' xeberuk'aqa' kan chirij-el ri tinamit.

2 Crón 32:19

Kan janila k'a yech'on chirij ri Dios richin ri Jerusalem, achi'el xech'on chikij ri ch'aqa' chik dios kichin ch'aqa' chik tinamit richin ch'aqa' chik ruwach'ulew, ri dios ri xa e banon koma achi'a'.

1 Rey 9:3

Y xuk'uluba-pe ri ruch'abel ri Salomón y xubij chire: Yin kan xinwak'axaj ri ach'owen y ri utzil ri xak'utuj chuwe. Kan xinben yan k'a wichin chire re jay re xapaba-q'anej rat richin chi wawe' niya'ox-wi nuq'ij. Kan jantape' k'a xtik'oje' chinuk'u'x y kan xtinchajij ronojel q'ij.

2 Sam 7:13

Kan k'a ja rija' ri xtipaban-q'anej jun wachoch. Y pa ruq'a' rija' xtinjikiba-wi kan jumul ri q'atbel-tzij.

2 Crón 28:24

Ri Acaz kan xerumol ruchi' ronojel samajibel richin ri rachoch ri Dios, y kan xerupaxila' kan, y xutz'apej k'a ruchi' ri rachoch ri Jehová, y xubij chi keban k'iy porobel kichin ri ch'aqa' chik dios ri chiri' pa Jerusalem.

2 Crón 33:7

Ri Manasés chuqa' xuben jun wachibel y xuya-apo pa rachoch ri Jehová, stape' ri Jehová kan xubij chike ri David y ri Salomón chi ri rachoch ri niban-q'anej pa Jerusalem, kan xucha' chikikojol ri tzobaj richin Israel, richin chi kan xaxe rija' niya'ox ruq'ij chiri'.

2 Crón 34:11

Chuqa' rik'in re méro re' ri ajanela' y ri e choyoy abej xkiloq' abej y che' ri nima'q kaqen richin niya'ox pa ruwi' ri rachoch ri Dios, roma xa kan ronojel yojon kan koma ri rey e richin Judá ri e eleneq-el.

2 Rey 16:11

Y ri sacerdote Urías xupaba-q'anej ri porobel ri', achi'el ri wachibel ri xuteq-el ri Acaz, rokik rija' nitzolin-pe pa Damasco.

2 Rey 16:16

K'ari' ri Urías xuben k'a ronojel achi'el xubij ri rey Acaz chire.

2 Crón 6:5

kan man jun tinamit ri rucha'on chupan ri ruwach'ulew Israel ri akuchi ta nipabex-wi-q'anej jun rachoch richin niqaya' ruq'ij. Keri' rubin-pe kan chupan-pe ri q'ij toq xerelesaj-pe pan Egipto ri qate-qatata' k'a re wakami. Ri Dios xubij chuqa' chi xaxe ri David ri xucha', richin chi ja rija' niyuqen qichin.