2 Crón 33:12 - Kaqchiquel Bible

¹² Y jak'a toq xuna' rukiy ri ruk'ayewal, k'ari' xch'on rik'in ri Jehová ri ru-Dios, ri ki-Dios kan ri rati't-rumama', y kan janila xuqasaj-ri' chuwech.

2 Crón 33:12 ပူးပေါင်းရင်းမြစ်များ

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

2 Crón 32:26

Jak'a xa kan xuqasaj chik ri' chuwech ri Dios, y keri' chuqa' xkiben konojel ruwinaq chiri' pa Jerusalem. Y roma ri' ri Jehová man chik xuya' ta pe ruk'ayewal pa kiwi' rije' rokik k'a k'es na ri Ezequías.

Ex 10:3

K'ari' ri Moisés y ri Aarón xebe rik'in ri rey y xkibij chire: Ri Jehová ri qa-Dios roj israelita nubij: ¿K'a janipe' k'a xtaqasaj-awi' chinuwech? Taya' q'ij chire ri nutinamit richin nel-el wawe' richin chi yiberusamajij.

Santiago 4:10

Tich'utinirisaj-iwi' chuwech ri Ajaw, y rija' xtunimirisaj iq'ij.

Hechos 9:11

Ri ajaw xubij k'a chire: Kayakatej-el. Kabiyin k'a pa rachoch ri Judas, ri k'o pa jun bey ri nibix choj chire. Chiri' tabekanoj-wi jun achin aj-Tarso ri rubini'an Saulo. Kan kabiyin k'a, roma re wakami, rija' najin nich'on wik'in.

Wuj Richin ri Miqueas 6:9

Rix winaqi' richin ri tinamit, tiwak'axaj ri xtinbij yin Jehová. Ri wineq aj-na'oj trak'axaj ri nuch'abel, roma yin yitikir ninya' tijoj-poqonal pan iwi'.

Os 5:15

Xkitzolej k'a y xkibe akuchi ink'o-wi. Xkik'oje' chiri' k'a toq xtitzolej-pe kik'u'x chire ri kimak. K'a toq ri winaqi' xtikiya' chik wejqalen yin. Chupan k'a ri tijoj-poqonal xkinkikanoj, xcha' ri Jehová.

2 Crón 33:23

Kan man jun bey k'a xuqasaj-ri' chuwech ri Jehová, stape' ri rutata' xuqasaj-ri' chuwech ri Jehová. Rija' xa kan xunimirisaj ri rumak.

2 Crón 28:22

Stape' ri itzel rey Acaz kan k'o k'a pa ruk'ayewal, kan jantape' k'a nimakun chuwech ri Jehová.

2 Crón 28:5

Roma ri' ri Jehová Dios xerujech pa ruq'a' ri rey richin Siria richin xech'akatej, y e k'iy k'a winaqi' aj-Judá xe'uk'uex-el k'a pa Damasco. Chuqa' kan xerujech pa ruq'a' ri Pécah rey richin Israel y kan e k'iy k'a xerukamisaj.

Wuj Richin Bix Chire ri Dios 118:5

Kan chupan k'a ri nuq'axo'n xinnataj rubi' ri Jehová, y rija' kan xirak'axaj k'a, y xirukol.

Wuj Richin Bix Chire ri Dios 120:1

Toq yin xik'oje' chupan ri tijoj-poqonal, kan xich'on rik'in ri Jehová. Rija' kan xirak'axaj k'a chire ri nuch'owen.

Wuj Richin Bix Chire ri Dios 130:1

Jehová, kan janila yibison, y roma ri' yich'on awik'in.

Wuj Richin Bix Chire ri Dios 130:2

Ajaw tabana' utzil tawak'axaj ri nuch'abel. Kan taya' k'a axikin chire ri nuch'owen, richin najoyowaj nuwech.

Wuj Richin ri Jeremías 13:18

Y ri Dios xuya' k'a jun rutzijol chuwe richin chi ninbij chiwe: Rat rey y ri ate', k'o chi niya' kan ri itz'uyubal y tiwelesaj ri i-corona, roma ri ajawaren kan xtelesex pan iq'a'.

Wuj Richin ri Jeremías 36:7

Rik'in juba' xtapon ri kich'owen rik'in ri Jehová y chikijujunal nitzolin-pe kik'u'x chupan ri itzel bey ri kik'uan, roma ri Jehová kan janila yakatajineq royowal y ri royowal ri yakatajineq kan xuk'ut pa ruwi' re tinamit re', xicha' chire.

Dn 4:36

Kan xaxe k'a toq keri' xinbij, kan jari' xichojmir-q'anej. Kan xtzolix chik k'a chuwe ri runimirinen ri wajawaren. Ronojel ri ruwaq'ijaj ri xinchajij pa nabey kan xtzolix chik k'a chuwe. Keri' chuqa' ri e nupixabanela' y ri aj-raqen kan xinkikanoj chik. Y keri' xitzolej chik chupan ri wajawaren, y pa ruwi' ri' kan xnimirisex k'a chuwe ri nuruwaq'ijaj ri xinchajij pa nabey.

2 Crón 12:7

Y toq ri Jehová xerutz'et chi rije' janila xkiqasaj-ki' chuwech, jari' toq xubij chire ri Semaías: Roma xkiqasaj-ki' chinuwech, man xkenk'is ta; xa kan chi'anin k'a xkento', y man xtinkusaj ta ri Sisac richin ninwelesaj ri woyowal chirij ri Jerusalem.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Crón 15:4

Jak'a toq ek'o chupan ri ruk'ayewal, ri winaqi' ri' k'ari' xtzolin kik'u'x rik'in ri Jehová ri ki-Dios. Rije' kan xkikanoj chik k'a ri Jehová y kan xkil.

2 Crón 34:27

y kan xsilon ri awánima y xaqasaj-awi' toq xawak'axaj ri nubij pa ruwi' re tinamit y pa kiwi' ri winaqi'; y roma kan xaqasaj-awi' chinuwech, xaretz ri atziaq chawij y janila xatoq' chinuwech; yin kan xatinwak'axaj yan k'a.

Wuj Richin ri Jonás 2:2

Y kere' k'a xubij: Chupan ri nuq'axo'n xich'on awik'in rat, Jehová, y kan xinawak'axaj k'a. Toq xik'oje' chuwi' kamik xich'on awik'in, y kan xawak'axaj ri nuch'abel.