2 Crón 32:8 - Kaqchiquel Bible

⁸ Rija' xa achi'a' ri yeto'on richin; jak'a roj kan ja ri Jehová ri qa-Dios yojto'on chupan re oyowal re', xcha'. Toq xkak'axaj ri ruch'abel ri rey Ezequías, ri winaqi' kan xk'oje' k'a kuqubabel-k'u'x kik'in.

2 Crón 32:8 ပူးပေါင်းရင်းမြစ်များ

Wuj Richin ri Jeremías 17:5

Yin Jehová ri yibin. Itzel ruwa-ruq'ij ri wineq ri nuch'er kan ri' wik'in yin, richin nukuquba' ruk'u'x kik'in achi'a' y kik'in rije' nukanoj-wi to'onik.

2 Crón 20:17

Man ja ta rix ri xkixbanon oyowal; rix xaxe kixpa'e' chiri' y tiwoyobej, y kan xtitz'et k'a chi ri Jehová xkixrukol. Rix winaqi' aj-Jerusalem y chuqa' rix ri ix richin ri ajawaren richin Judá, man tixibij k'a iwi' y man kixmayamo-qa; kixbiyin k'a chikij ri chua'q, y ri Jehová kan xtik'oje' iwik'in, keri' nubij ri Jehová, xcha' ri Jahaziel chike.

2 Crón 20:15

y roma ri' rija' xubij: Tiwak'axaj k'a chi'iwonojel rix ri ix richin ri ajawaren richin Judá, chuqa' rix aj-Jerusalem, y rat rey Josafat. Ri Jehová nubij chiwe chi man tixibij-iwi' y man kixmayamo-qa chikiwech ri janila chi winaqi' ri e peteneq chiwij, roma re labal re' man iwichin ta rix, xa kan richin ri Jehová.

2 Timoteo 4:17

Ri Dios xa kan xiruto-wi yin. Xuya' wuchuq'a' richin xintzijoj ri ruch'abel ri Dios chike ri winaqi' ri man e judío ta. Y keri' xikolotej-pe chuwech ri kamik.

Hechos 18:10

Yin k'a ri xkichajin awichin wawe'. Kan man jun ri xtak'uluwachij ta pa kiq'a' ri winaqi'. Roma re wawe' pa tinamit Corinto e k'iy winaqi' ri kan e wichin chik yin, xcha' ri Dios chire.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

1 Juan 4:4

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

2 Crón 13:12

Tiwetamaj k'a, chi ri Dios kan ja rija' ri k'o pa qawi' roj y ri e ru-sacerdote kan koyoben richin nikixupuj ri trompeta richin retal labal chiwij rix. Roma ri' rix aj-Israel, man tiben oyowal rik'in ri Jehová ri qa-Dios roj y ri ki-Dios kan ri qati't-qamama', roma kan man utz ta xtel chiwech, xcha'.

Deut 20:4

Roma ri Jehová ri qa-Dios ri k'o iwik'in rix, ja rija' ri xtibebanon oyowal kik'in ri e etzelanel qichin y kan xtuya' ri ch'akonik chiwe, xticha' ri sacerdote.

Wuj Richin Etamabel-Tzij 12:25

Ri bis kan nuben k'a chire ri wineq chi maneq kikoten pa ránima; jak'a jun utzilej ch'owen, kan nuben chi nikikot ránima ri wineq.

2 Crón 20:20

Ri ruka'n q'ij, xeyakatej nimaq'a' yan richin yebe pa tz'iran ruwach'ulew ri k'o chunaqaj ri tinamit Tecoa, y toq rije' ye'el yan el, ri Josafat xpa'e-q'anej y xubij chike konojel: Kiniwak'axaj chi'iwonojel nuwinaq. Kan tiqakuquba' qak'u'x rik'in ri Jehová ri qa-Dios y keri' kan xtik'oje' k'a quchuq'a'; chuqa' tiqakuquba' qak'u'x kik'in ri q'alajirisey ruch'abel ri Dios y kan utz k'a xtel ronojel chiqawech, xcha' chike.

2 Crón 14:11

Ri Asá xuk'utuj to'onik chire ri Jehová ri ru-Dios y xubij: ¡Jehová, chawech rat junan richin ye'ato' ri aj-labal ri k'o kuchuq'a', y ri maneq kuchuq'a'! Y roma ri' qojato' Jehová ri at qa-Dios, roma kan awik'in rat qakuquban-wi qak'u'x, y pan abi' rat oj peteneq-wi chikij re achi'a' re'. ¡Jehová ja rat at qa-Dios; tak'utu' k'a awi' chi awik'in rat kan man jun nitikir!, xcha'.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Wuj Richin ri Isaías 36:18

Man tiya' q'ij richin yixruq'ol ri Ezequías toq nubij chi ri Jehová xkixrukol kan. ¿Ja kami jun chike ri ki-dios kichin ri ch'aqa' chik ruwach'ulew ri xukol pa ruq'a' ri rey richin Asiria?

Wuj Richin ri Isaías 8:10

Stape' xtich'ob ri achike niben, jak'a kan man jun utz xtel chiwech. Nibij-apo ri niwajo' niben, jak'a xa kan man xtibanatej ta, roma ri Dios kan k'o-wi qik'in roj, xecha' ri aj-Judá.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin ri Achin Job 40:9

¿Kan nawajo' nak'ut chi ri aq'a' rat kan k'o-wi ruchuq'a' achi'el ruchuq'a' ri nuq'a' yin? ¿Kan nawajo' nak'ut chi ri ach'abel rat kan niwajin achi'el niwajin ri nuch'abel yin?

2 Timoteo 4:22

Ri ajaw Jesucristo xtik'oje' pan awánima rat. Y chi'iwonojel ri ixk'o chiri' xtik'oje' ta k'a ri rutzil ri Dios iwik'in. Kan keri' ta k'a.

2 Crón 32:15

Roma ri' man kixq'olotej pa ruq'a' ri Ezequías. Man tinimaj rutzij, roma man jun dios chuwech re ruwach'ulew ri xtikir xukol ri rutinamit pa kiq'a' ri wati't-numama'. ¡K'a ta la' chik k'a ri i-Dios rix xkixrukol kan pa nuq'a'! nubij ri Senaquerib, xecha'.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.

1 Sam 17:45

Y ri David xubij: Rat yape chuwij rik'in espada, rik'in kum y rik'in jabalina. Jak'a yin in peteneq chawij pa rubi' ri Jehová ri k'o ronojel uchuq'a' pa ruq'a', ri qa-Dios roj ri oj aj-labal; ri Dios ri man aya'on ta rejqalen rat.

2 Rey 6:16

Y ri Eliseo xubij chire: Man taxibij-awi', roma más e k'iy ri ek'o qik'in roj ke ri ek'o kik'in rije', xcha'.

1 Crón 5:22

Kan janila k'a k'iy xeken chupan ri labal ri', roma kan ja ri Dios xya'on q'ij chike ri israelita. Xek'oje' k'a kan pa taq kitinamit ri winaqi' agareno, k'a toq xe'uk'uex-el pan Asiria.

2 Crón 16:7

Chirij ri' xapon jun achin ri nitz'eton ri peteneq chiqawech, rik'in ri Asá y ri achin ri' rubini'an Hananí. Y xubij chire ri Asá: Roma xa rik'in ri rey richin Siria xakuquba' ak'u'x y man xakuquba' ta ak'u'x rik'in ri Jehová ri qa-Dios, roma ri' ri aj-labal richin ri rey aj-Siria xa man xkebek'oje' ta pan aq'a'.

Wuj Richin Bix Chire ri Dios 20:7

Ek'o ri xa rik'in ri ki-carruaje richin oyowal ri nikikuquba' kik'u'x; ch'aqa' chik nikikuquba' kik'u'x rik'in ri kikiej; jak'a roj kan kuqul qak'u'x rik'in ri Jehová ri qa-Dios.

Wuj Richin Bix Chire ri Dios 118:8

Más utz niqakuquba' qak'u'x rik'in ri Jehová, ke chuwech niqakuquba' qak'u'x rik'in jun wineq.

Wuj Richin ri Jeremías 42:11

Man tixibij-iwi' chuwech ri rey richin Babilonia, roma yin kan ink'o iwik'in richin yixinkol y yixinto' pa ruq'a'.

Wuj Richin ri Zacarías 4:6

Y ri ángel xubij: re wuqu' candil re', nuk'exewachuj ri runaq' taq ruwech ri Jehová, ri yetzu'un chuwech chijun re ruwach'ulew, xcha' ri ángel. K'ari' yin xink'utuj chik chire ri achike nuk'exewachuj ri ka'i' ruche'el olivo ri ek'o pa rijkiq'a' y pa rajxokon ri candelabro. Chuqa' xink'utuj chik k'a ri nuk'exewachuj ri ka'i' ruq'a' olivo ri ek'o chunaqaj ri ka'i' achi'el tubo banon rik'in q'anapueq ri akuchi niq'ax-wi ri aceite richin napon chupan ri taq candil. Y ri ángel xubij chuwe ¿Man awetaman ta ri nuk'exewachuj? Y yin xinbij chire chi ni. K'ari' xubij chik chuwe: Jare' ri e ka'i' ri e ch'aron richin nikisamajij ri rajaw chijun ri ruwach'ulew, xcha'. Ri ángel kan k'a xch'on na k'a wik'in y xubij: Ri Jehová xuteq-pe re jun rutzijol re' chire ri Zorobabel y nubij: Man takuquba' ak'u'x kik'in ri aj-labal, ni rik'in ri uchuq'a', xa kan takuquba' ak'u'x rik'in ri nu-espíritu nicha' ri Jehová k'iytisanel richin ronojel. ¿Y rat juyu' achike ta k'a aq'ij? ¡Rat xa kan xkatok k'a qa taq'aj chuwech ri Zorobabel! Ja rija' k'a ri xtik'amo-pe ri abej ri más k'atzinel y ri winaqi' xkesik'in rik'in kikoten y xtikibij chi janila jebel ok. Chirij ri', ri Jehová xuya' chik jun rutzijol chuwe richin ninbij chire ri Zorobabel y xubij: Ja ri Zorobabel ri xya'on-qa ri ruxe' ri wachoch, y ja rija' ri xtik'ison pa ruwi'. Rik'in ri' xtiwetamaj chi ja ri Jehová ri xitaqon-pe. Y ri jujun ri man xkinimaj ta toq xchapatej-qa ri samaj, y man jun rejqalen xkiben chire xa kan xkekikot k'a toq xtikitz'et chi ri Zorobabel xtik'achoj-q'anej chire ri samaj.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Deut 20:3

y xtubij chike: Tiwak'axaj rix qawinaq; wakami xtibechapa' oyowal kik'in ri e etzelanel qichin, man timayamo-qa ri iwánima y man tixibij-iwi', y man kixbaybot chikiwech.

2 Rey 18:5

Kan rik'in k'a ri Jehová Dios richin Israel xukuquba-wi ruk'u'x, y ja rija' ri más utz chikikojol konojel ri rey richin ruwach'ulew Judá ri xeq'ax yan y ri xkepe chirij rija',

2 Crón 14:10

K'ari' ri Asá xbe richin xberubana' oyowal rik'in, e rachibilan ri aj-labal y xek'oje' pa taq'aj kojol juyu' richin Sefata chunaqaj ri Maresá.

Wuj Richin ri Isaías 30:32

Y rik'in ri ruch'abel ri ch'ame'y, xtiq'alajin achi'el jun bix. Y rix nuwinaq xtiq'ojomaj ri iq'ojom, rokik ri Jehová xtuben labal kik'in ri aj-Asiria.

Wuj Richin ri Isaías 31:3

Ri aj-Egipto xa e winaqi', y man e dios ta. Ri kikiej xa e ti'ij, y man e espíritu ta ri k'o kuchuq'a'. Toq ri Jehová kan xtutzeqej ri ruq'a' pa kiwi' richin nuya' rutojbalil chike, kan xketzaq ri aj-Egipto y chuqa' xketzaq ri nikik'ul to'onik chuwi-kiq'a' rije'. Kan junan k'a xkek'is.