2 Crón 32:5 - Kaqchiquel Bible

⁵ Y ri Ezequías kan rik'in k'a ronojel uchuq'a' xuteq ruchojmirisaxik ri tz'aq, y xeruben-q'anej jay kichin ri chajinela' pa ruwi', y chuqa' xuben jun chik tz'aq ri xk'oje-pe chuwech ri tz'aq ri kan k'o. Chuqa' xunojisaj chik chi ulew ri chuwech-pe ri tz'aq ri k'o chiri' pa tinamit richin ri rey David. Y xuteq rubanikil k'iy espada y tobel.

2 Crón 32:5 ပူးပေါင်းရင်းမြစ်များ

2 Crón 25:23

Y ri Joás, rey richin Israel, xuchop k'a ri Amasías, rey richin Judá, chiri' pa Bet-semes; k'ari' xuk'uaj-el pa Jerusalem, y xuwulaj k'a el 108 jaj chire ri tz'aq, nitiker-el akuchi niban-wi oken ri rubini'an Efraín y napon k'a rik'in ri jun chik ruchi' ri k'o akuchi nusutij-el ri' ri tz'aq.

1 Rey 9:24

Ri rixjayil ri Salomón, ri rumi'al ri rey richin Egipto, xel k'a el ri chiri' pa rutinamit kan ri rey David y xq'ax k'a q'anej pa rachoch rija' ri xban-q'anej roma ri Salomón. Y k'ari' ri Salomón xutaq'ajuj, xeruben ch'aqa' chik jay y xusutij chi tz'aq.

2 Rey 25:4

Chupan ri q'ij ri' ri aj-Babilonia xkiben jun jul chupan ri tz'aq richin ye'ok chupan ri tinamit. Roma ri' ri Sedequías y konojel ri aj-labal xe'animej-el ri aq'a' ri' stape' ri aj-Babilonia kisutin-rij ri tz'aq. Ri Sedequías y ri achi'a' xe'ik'o-el ke taq ri' akuchi k'o-wi ruchi' ri ruqejoj ri rey, ri k'o chukojol ri ka'i' tz'aq. Rije' xkichop-el bey richin xebe pa relebel-q'ij chire ri raqen-ya' Jordán.

2 Sam 5:9

Y chirij ri' ri David kan xk'oje-qa chiri' chupan ri jay richin tobel chiri' pa Sión. Y roma ri' xubini'aj Tinamit Richin ri David. Rija' xunimirisaj-q'anej ri tz'aq ri k'o pa relebel-q'ij chire ri jay richin q'atbel-tzij, y xunojisaj-q'anej chi ulew.

Wuj Richin ri Jeremías 39:4

Toq ri rey Sedequías y ri aj-labal xkitz'et ri xkiben ri aj-Babilonia, jari' toq xe'animej ri chi'aq'a' ri' chupan ri bey ri akuchi tikon-wi kotz'i'j richin ri rey, chupan ri okibel ri k'o chukojol ka'i' tz'aq. Y choj xebe chupan ri bey ri napon pa taq'aj chuchi' ri raqen-ya' Jordán.

2 Crón 26:8

Ri aj-Amón xkiya' k'a ri kan k'o chi nikitoj chire ri Ozías. Ri rutzijol ri rubanobal ri Ozías kan xbe k'a nej-naqaj, y xapon k'a pa ruk'ulba't ri Egipto roma kan xnimer ri ruchuq'a'.

2 Crón 23:1

Chupan ri ruwuq juna' richin ri q'atbel-tzij richin ri Atalía, ri Joiadá xk'oje' ruchuq'a' y xuteq k'a koyoxik wo'o' aj-raqen kichin ri aj-labal richin xkitun-ki'. Y rije' kibini'an Azarías ruk'ajol ri Jeroham, Ismael ruk'ajol ri Johanán, Azarías ruk'ajol ri Obed, Maaseías ruk'ajol ri Adaías y ri Elisafat ruk'ajol ri Zicrí.

2 Crón 12:1

Toq ri Roboam xjike' ri ruq'atbal-tzij y xuna' richin xk'oje' ruchuq'a', xa kan man xutaqej ta chik ri rupixa' ri Jehová y chuqa' keri' xkiben konojel ri winaqi' ri ek'o chupan ri q'atbel-tzij.

2 Rey 12:20

Y xeyakatej k'a ka'i' rusamajela' chirij ri Joás y xkikamisaj pa jun jay ri k'o akuchi taq'ajun-q'anej rik'in ulew, y re' k'o pa relebel-q'ij chire ri Jerusalem chunaqaj ri bey ri nibe pa tinamit Silá.

1 Rey 11:27

Jare' ri xbanatej toq ri Jeroboam xupaba-ri' chuwech ri rey. Xa roma ri rey Salomón najin chubanik ri tz'aq ri nusutin-rij ri rutinamit kan ri David, ri rutata'. Xa juba' chik k'a ri nrajo' richin nik'achoj-q'anej ri tz'aq ri', richin chi utz nutaq'ajuj kan rik'in ulew.

Wuj Kichin ri To'onela' 9:6

K'ari' xkimol-ki' konojel winaqi' aj-Siquem y konojel ri ek'o pa Bet-miló, y xkiben chire ri Abimélec richin xok rey pa kiwi'; y re' xbanatej chunaqaj ri taq'aj ri akuchi k'o-wi ri paban-abej chukojol ri paten-che' ri ek'o chiri' pa Siquem.

Wuj Richin Etamabel-Tzij 25:28

Kan achi'el jun tinamit ri xa e wulutajineq-qa ri tz'aq ri sutiyon-rij, kan keri' ri wineq ri xa maneq ruchuq'a' richin nuq'et-ri'.

2 Crón 33:14

Chirij k'a ronojel re', rija' xupaba-q'anej ri tz'aq chirij ri Ófel, ri rutinamit ri David, ri nitiker-el chiri' pa qajbel-q'ij chire ri ralaxbel-ya' Guihón, y napon k'a rik'in ri ruchi' ri akuchi ye'el ye'ok-wi ri e k'ayil taq ker. Toq xk'achoj kan chire ri tz'aq ri', k'ari' xusutij-rij chijun ri Ófel. Ri tz'aq ri' kan janila nim rujotolen xuben chire. Y kan xeruya' aj-raqen kichin aj-labal pa taq tinamit ri sutin-kij chi tz'aq, chiri' pa Judá, richin nikichajij chijun ri ruwach'ulew.

Joel 2:8

Man jun ri nunim ta kan ri rachibil, jak'a chikijujunal choj yebe chupan ri kibey. Stape' yeq'ijux rik'in jun kamisabel, rije' man ye'el ta kan chupan ri kicholajen.