2 Crón 32:26 - Kaqchiquel Bible

²⁶ Jak'a xa kan xuqasaj chik ri' chuwech ri Dios, y keri' chuqa' xkiben konojel ruwinaq chiri' pa Jerusalem. Y roma ri' ri Jehová man chik xuya' ta pe ruk'ayewal pa kiwi' rije' rokik k'a k'es na ri Ezequías.

2 Crón 32:26 ပူးပေါင်းရင်းမြစ်များ

2 Crón 33:12

Y jak'a toq xuna' rukiy ri ruk'ayewal, k'ari' xch'on rik'in ri Jehová ri ru-Dios, ri ki-Dios kan ri rati't-rumama', y kan janila xuqasaj-ri' chuwech.

Santiago 4:10

Tich'utinirisaj-iwi' chuwech ri Ajaw, y rija' xtunimirisaj iq'ij.

2 Crón 33:23

Kan man jun bey k'a xuqasaj-ri' chuwech ri Jehová, stape' ri rutata' xuqasaj-ri' chuwech ri Jehová. Rija' xa kan xunimirisaj ri rumak.

2 Crón 33:19

Chuqa' ri ruch'owen rik'in ri Dios, y toq xak'axatej ronojel ri rumak ri xuben toq man xunimaj ta rutzij ri Dios, keri' chuqa' toq xeruben ri akuchi xkiya-wi kiq'ij ri wachibel ri pa ruwi' taq juyu', toq xeruben ri paban-che' richin Asera y ri ch'aqa' chik wachibel richin xuya' kiq'ij, y toq man jani tuqasaj-ri' chuwech ri Dios; ronojel k'a re' xtz'ibatej kan chupan ri kiwuj ri yetz'eton ri peteneq chikiwech.

1 Rey 21:29

¿Atz'eton chi ri Acab janila xuqasaj-ri' chinuwech yin? Y roma k'a janila xuqasaj-ri' chinuwech, man xtinya' ta ri ruk'ayewal pa ruwi' re q'ij re'; k'a toq xtiq'aton na kan tzij ri ruk'ajol, k'ari' xtinya-pe ri ruk'ayewal pa ruwi' ri rachoch, xcha' ri Jehová.

1 Rey 21:19

Y kere' tabij chire: Kere' rubin-pe ri Jehová chuwe: Rat xakamisan richin ri Nabot, y chuqa' xamej kan ri ruqejoj. Wakami k'a, akuchi xkireq' tz'i' ri rukik'el ri Nabot, chiri' chuqa' xtikireq' tz'i' ri akik'el rat, xcha' ri Jehová chuwe, xcha' ri Elías.

2 Crón 32:27

Rija' kan xk'oje' k'a janila ruq'ij y rubeyomel, kan pa ruk'iyal k'a xk'oje' rik'in, ri saqipueq, q'anapueq, jalajoj jebelej taq abej, jubulej taq aq'om, tobel y jalajoj ruwech ri kan k'o kejqalen.

2 Rey 22:19

Ri awánima xok ch'uch'uj y xaqasaj-awi' chinuwech toq xawak'axaj ri nubij ri wuj chirij re tinamit re' y chikij ri winaqi' ri ek'o chupan. Rat kan janila xabison toq xawak'axaj chi kan man jun chik wineq xtik'oje' kan y ri ruwach'ulew kan xtik'is. Kan xaretz ri atziaq chawij y xatoq' chinuwech, y yin kan xatinwak'axaj.

2 Crón 12:7

Y toq ri Jehová xerutz'et chi rije' janila xkiqasaj-ki' chuwech, jari' toq xubij chire ri Semaías: Roma xkiqasaj-ki' chinuwech, man xkenk'is ta; xa kan chi'anin k'a xkento', y man xtinkusaj ta ri Sisac richin ninwelesaj ri woyowal chirij ri Jerusalem.