2 Crón 32:25 - Kaqchiquel Bible

²⁵ Jak'a man rik'in ri', rija' xa man xumatioxij ta ri xuben ri Dios rik'in. Xa xpe pa ránima richin janila xunimirisaj-ri', y roma ri' ri Jehová xuya-pe ri royowal pa ruwi' rija' y pa kiwi' konojel ri aj-Judá.

2 Crón 32:25 ပူးပေါင်းရင်းမြစ်များ

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

2 Crón 32:31

K'o k'a jun q'ij ek'o ka'i-oxi' tata'al richin Babilonia xe'apon pa Jerusalem richin xebetzijon rik'in ri Ezequías pa ruwi' ri meyel banobel ri xbanatej pa ruwi' ri ruwach'ulew. Ri Dios xuya' q'ij chire ri Ezequías chi tuch'obo' ri k'atzinel richin nuben xaxe richin nutejtobej y niq'alajin ronojel ri k'o pa ránima.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

2 Rey 14:10

Kan qitzij na wi chi rat Amasías xe'ach'ek yan ri aj-Edom, y ri awánima kan animirisan y ayon rat aya'on-q'anej aq'ij. Xaxe kak'oje' k'a chiri' pan awachoch. ¿Achike roma naju-awi' pa jun ruk'ayewal, xaxe richin chi yabetzaq rat y ri aj-Judá chuqa'?, xcha' ri Joás rey richin Israel.

Deut 8:17

Man tibij-qa pan iwánima chi ronojel ri ibeyomel kan ich'akon rik'in ri isamaj y ri iwuchuq'a'.

1 Timoteo 3:6

Man ruk'amon ta chi jun k'ak'a' nimanel nok jun uk'uey kichin ri qach'alal, roma rik'in juba' nunimirisaj-ri', y xa xtuk'uluwachij ri achi'el xuk'uluwachij ri Itzel-Wineq.

2 Corintios 12:7

Yin kan janila k'a e nima'q ri e ruq'alajirisan ri Dios chinuwech. Jak'a richin chi ronojel re' man tikiben chuwe richin ninnimirisaj nuq'ij, roma ri' toq k'o jun yabil ya'on chire ri nuch'akul. Y ri Satanás nukusaj re yabil re' achi'el jun k'ix richin chi nintej poqon pa ruq'a'.

Wuj Richin ri Habacuc 2:4

Y jare' ri rutzijol ri k'o chi natz'ibaj: Ri winaqi' aj-Babilonia man choj ta kánima, y xa kan janila kinimirisan-ki'. Jak'a ri winaqi' ri yetzeqeliben wichin y man xkinkimalij ta kan roma kikuquban kik'u'x wik'in, kan xtink'en chik kiwech, y roma ri' xkek'ase' xcha' ri Dios.

Os 14:2

Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Dn 5:23

Pa ruk'exel chi xaqasaj ta awi', xa kan xanimirisaj-awi' chuwech ri Dios. Roma ri animirisanen kan xateq k'a ruk'amik ri qumbel ri xa e richin ri rachoch ri Dios ri rajaw ronojel, y chupan ri' xaqumun-wi rat, ri achi'a' ri k'o kiq'ij, ri awixjayilal y ri e a-concubina. Pa ruwi' ri' kan xaya' k'a kiq'ij ri dios ri e banon rik'in q'anapueq, saqipueq, q'enq'oj-pueq, q'eqapueq, che' y abej, stape' ri dios ri' xa man yetzu'un ta, ni man ye'ak'ex ta, ni man jun ketaman. Jak'a ri Dios ri achoq pa ruq'a' k'o ri ak'aslen, ri kan rutzuliben ronojel ri abey, kan man jun bey k'a xaya' ruq'ij.

Dn 5:20

Jak'a toq xunimirisaj-ri' y ri ránima kan xukowirisaj rik'in ri runimirisanen, xa kan xelesex k'a el chupan ri rajawaren, y ronojel ri ruwaq'ijaj kan xelesex chire.

Ez 28:17

Roma kan at jebel ok, rat kan xanimirisaj-awi'. Roma ri awajawaren kan janila jebel, ri animirisanen xuben chawe chi xa xkik'is ri na'oj ri k'o awik'in. Roma ri' ri Dios kan xuqasaj aq'ij k'a pan ulew, y konojel k'a ri rey yetze'en chawij

Ez 28:5

y chi rik'in ri anojibal kan janila xnimer ri ak'ayij. Roma ri' xach'ob chi xabeyomer janila y ri abeyomel xbe más pa jotol. Y roma ri' xanimirisaj-awi'.

Ez 28:2

Rat Ezequiel, taya' re jun rutzijol re' chire ri rey richin Tiro y kere' tabij: Rat kan janila xanimirisaj-awi', y nach'ob chi at achi'el jun dios, y ri awajawaren ja ri palou. Jak'a stape' nana-awi' chi ri anojibal achi'el runojibal ri Dios, rat xa man at jun dios ta, xa at jun xabachike achin.

2 Crón 25:19

Rat nabij chi xe'atzeq jumul ri aj-Edom, y roma ri' kan xpe pan awánima richin xanimirisaj-q'anej-awi', y kan nakanoj chi niya'ox más aq'ij. Jak'a más utz kak'oje' pan awachoch. Yin nintz'et chi xa kan ayon rat nakanoj ri ruk'ayewal pan awi' y chuqa' pa ruwi' ri awajawaren, xcha'.

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

1 Crón 21:1

K'o k'a jun q'ij ri Satanás xyakatej k'a chikij ri winaqi' israelita y roma ri' xubij chire ri David chi tutaqa' kajlaxik ri aj-labal.

2 Rey 20:13

Y ri Ezequías, kan xeruk'ul k'a apo y xuk'ut chikiwech ri jay yakonabel richin ri rubeyomel. Xuk'ut k'a ronojel ri saqipueq, ri q'anapueq, ri jubulej taq aq'om y ri aceite jebel ch'ajch'oj. Chuqa' xuk'ut chikiwech ri jay ri akuchi yeyak-wi ri kamisabel. Y kan man jun k'a ri k'o chupan ri rachoch ri man ta xuk'ut chikiwech. Chuqa' xuk'ut ronojel ri k'o pa rajawaren.

Deut 32:6

¿Man ja ta kami rix ri maneq ina'oj y ix ch'ujerineq, richin chi itzel rutojbalil ri niya' chire ri Jehová? ¿Man ja ta kami rija' ri itata'? ¿Man ja ta kami rija' ri tz'ukuy iwichin? ¿Man ja ta kami rija' ri xmolon iwichin y xa jun xuben chiwe?

Wuj Richin ri Isaías 39:2

Ri Ezequías kan janila xkikot, y roma ri' kan xuk'ut ronojel rubeyomel chikiwech ri taqonela' ri': Ri saqipueq, ri q'anapueq, ri jubulej taq aq'om, ri jubulej taq aceite, ri jay akuchi e yakon-wi ri rukamisabal y ronojel ri ek'o chupan ri ruyakonabal. Kan man jun k'a ri man ta xuk'ut-el chikiwech.

Ez 31:10

Roma ri che' ri' kan janila k'a xk'iy, ri rutum xapon k'a pa sutz' y kan janila k'a xk'iy; y roma ri' kan xunimirisaj-ri'.

2 Rey 20:12

Chupan k'a ri q'ij ri' ri rey richin ri Babilonia ja ri Merodac-baladán ruk'ajol ri Baladán. Y rija' xrak'axaj chi ri Ezequías janila yawa', y roma ri' xeruteq-el aj-raqen. Y rije' xkik'uaj wuj y sipanik chire ri Ezequías.

Wuj Richin ri Isaías 39:1

Chupan k'a ri q'ij ri' ri Merodac-baladán ruk'ajol ri Baladán, rey richin Babilonia, xeruteq-el wuj y jun sipanik chire ri Ezequías, roma ri rey ri' xretamaj chi ri Ezequías janila xyawej y kan xk'achoj-el.

Dn 11:12

Toq ri rey richin Egipto xeruch'ek yan ri janila chi winaqi' aj-Siria, kan janila k'a xtunimirisaj-ri'. Jak'a xa man xtiyaloj ta ri ruchuq'a',