2 Crón 32:21 - Kaqchiquel Bible

²¹ Y ri Jehová xuteq-pe jun ángel richin xeruk'is konojel ri aj-labal aj-Asiria ri ek'o chiri'; chuqa' xek'is konojel ri aj-raqen y ri achi'a' ri k'o más kiq'ij. Chirij re' ri Senaquerib xtzolin pa rutinamit rik'in janila k'ix. Y k'o k'a jun q'ij, xapon pa rachoch ri ru-dios, y kan chiri' k'a xkamisex-wi kan chi espada koma ri ralk'ual.

2 Crón 32:21 ပူးပေါင်းရင်းမြစ်များ

Wuj Richin Bix Chire ri Dios 76:5

Ri achi'a' ri kan man nikixibij ta ki', xa kan xelesex k'a ronojel chike; xa xepunupuxin kan, y man jun bey chik xkeyakatej-el, ri kiq'a' ri achi'a' ri', xa kan xetuqutu' k'a qa.

Hechos 12:23

Kan chupan k'a ri ramaj ri', jun ángel richin ri ajaw xuya' jun yabil pa ruwi' ri Agripa roma rija' xa man xuya' ta ruq'ij-ruk'ojlen ri Dios. Rija' xtij koma jut, y jari' ri xok-el chire richin xken.

Dn 6:22

Ri nu-Dios xuteq k'a pe jun ru-ángel richin xutz'apej ri kichi' ri koj, richin chi man jun xkiben chuwe. Roma yin xa kan man jun k'a numak chuwech rija'. Keri' chuqa' chawech rat rey kan man jun numakun, xcha'.

Wuj Richin ri Isaías 42:8

Yin Jehová; jare' ri nubi'. Man xtinya' ta ri nuruwaq'ijaj chike ch'aqa' chik dios, ni chike ri kiwachibel rije'.

Wuj Richin ri Isaías 37:21

K'ari' ri Isaías xuteq rubixik chire ri Ezequías, y xubij chire: Jare' ri rutzijol ri nuya' ri Jehová ri qa-Dios roma xach'on rik'in pa ruwi' ri Senaquerib rey richin Asiria.

Wuj Richin ri Isaías 36:9

Yin kan maneq ok wejqalen chikiwech ri ch'aqa' chik aj-raqen aj-Asiria, jak'a rix kan man xkixtikir ta wik'in, stape' ikuquban ik'u'x kik'in ri aj-Egipto, kik'in ri ki-carruaje y ri kikiej.

Wuj Richin ri Isaías 10:8

Roma rija' runimirisan-ri' y nubij: Chikijujunal ri e aj-raqen pa kiwi' ri aj-labal ri e wichin yin, chuqa' rije' kan e rey.

Wuj Richin Etamabel-Tzij 16:18

Nabey ja ri nimirisanen ri nipe pa ruk'aslen ri wineq, y k'ari' nuben chire chi nibe pa xulan; kan roma k'a ri nunimirisaj-ri', roma ri' toq ri ruk'aslen ri wineq nitzaq.

Wuj Richin Etamabel-Tzij 11:2

Toq nipe nimirisanen pa ruk'aslen ri wineq, xa kan k'o chuqa' ri niqasan ruq'ij, jak'a ri wineq ri xa ch'uti'n nuna-ri' kan q'alaj chi ri na'oj kan k'o rik'in.

Wuj Richin Bix Chire ri Dios 132:18

Jak'a kik'in ri e etzelanel kichin xtaben chike chi xtisach kik'u'x. Jak'a ri e rijatzul kan ri David jantape' k'a xkebe pa jotol.

Wuj Richin Bix Chire ri Dios 76:12

Ja ri Jehová nelesan kik'aslen ri aj-raqen; kan nuben chike ri rey chi nik'oje' rukiy rija' chikiwech.

Wuj Richin Bix Chire ri Dios 76:7

Kan xaxe wi k'a rat ri k'o akiy ¿Achike ta k'a wineq xtitikir xtupaba-ri' chawech toq awoyowal?

Wuj Richin Bix Chire ri Dios 18:50

Ri Jehová, toq nucha' jun rey, kan nuya' ch'akonik pa ruq'a'. Nuya' ri rutzil pa nuwi' yin David, y chike ri e wijatzul richin tibe-q'ij tibe-seq.

Wuj Richin ri Achin Job 9:4

Ri Dios janila nim rik'in ri ruchuq'a' y ri retamabal. ¿Achike ta k'a ri nupaba-ri' chuwech rija', y kan man jun k'ayew nuna' kan pa ránima?

2 Rey 19:20

Chirij ri' ri Isaías xuteq rubixik chire ri Ezequías y xubij chire: Ri Jehová ri qa-Dios nubij chi xrak'axaj ri xabij rat chire chirij ri Senaquerib rey richin ri Asiria.

2 Sam 24:16

Ri ángel richin ri Jehová xapon k'a ri akuchi nich'ay-wi ri trigo richin ri achin rubini'an Arauna ri Jebuseo, naqaj chik chire ri tinamit Jerusalem. Y toq xurik' ri ruq'a' richin yeruk'is ri winaqi' ri ek'o chiri', jari' toq ri Jehová xujoyowaj kiwech ri winaqi' ri', y xubij chire ri ángel chi titane' y man yerukamisaj ta chik.

Dn 3:28

K'ari' ri Nabucodonosor xch'on y xubij: Nimalej ruq'ij ri ki-Dios ri Sadrac, ri Mesac y ri Abed-negó. Roma kan xuteq k'a pe jun ru-ángel y xerukol re e rusamajela' re' ri xkikuquba' kik'u'x rik'in. Rije' kan man xkitaqej ta ri pixa' ri xinya' yin, y xa kan xkijech k'a ki' pa ruq'a' ri ki-Dios y man xkiya' ta ruq'ij jun chik dios.

2 Crón 32:20

Jak'a ri rey Ezequías y ri q'alajirisey ruch'abel ri Dios rubini'an Isaías, ruk'ajol kan ri Amós, xech'on rik'in ri Dios y xkik'utuj to'onik chila' chikaj.

2 Crón 32:22

Kere' xuben ri Jehová rik'in ri Ezequías y ri aj-Jerusalem; kan xerukol k'a pa ruq'a' ri Senaquerib, y chuqa' pa kiq'a' ri ch'aqa' chik winaqi' ri xeyakatej-pe chikij. Ri Jehová xuya' k'a uxlanenri'il chikikojol rije' y ri tinamit ri ek'o chunaqaj.

Wuj Richin Bix Chire ri Dios 44:15

Roma ri' ronojel q'ij kan nisach k'a nuk'u'x. Kan man yitikir ta ninyek-q'anej ri nujolon.

Wuj Richin Bix Chire ri Dios 76:6

Rik'in ri ach'olinik rat Jehová, kan xek'is k'a ri ki-carruaje y ri kikiej.

Wuj Richin ri Isaías 14:25

Kan xkenk'is ri aj-Asiria ri ek'o pa ruwach'ulew Israel. Xkenxeq' chi'aqen ri chiri' pa juyu'. Man xketikir ta chik xtikiben chike ri israelita chi yesamej kik'in. Xtinwelesaj ri ejqa'n ri k'o chikij, xcha' ri Dios.

Wuj Richin ri Jeremías 21:2

Tabana' utzil kach'on rik'in ri Jehová pa qabi' roj, roma ri Nabucodonosor rey richin ri tinamit Babilonia xuchop yan richin nuben labal qik'in. Rik'in juba' ri Jehová nuben qik'in roj achi'el ri meyel taq banobel ri xuben ri ojer kan, richin chi yetzolin-el ri e etzelanel qichin, xecha'.