2 Crón 32:19 - Kaqchiquel Bible

¹⁹ Kan janila k'a yech'on chirij ri Dios richin ri Jerusalem, achi'el xech'on chikij ri ch'aqa' chik dios kichin ch'aqa' chik tinamit richin ch'aqa' chik ruwach'ulew, ri dios ri xa e banon koma achi'a'.

2 Crón 32:19 ပူးပေါင်းရင်းမြစ်များ

Wuj Richin ri Isaías 2:8

Chuqa' pa qaruwach'ulew janila chi wachibel ek'o richin nikiya' kiq'ij. Kan nikiya' kiq'ij ri xa ja ri kiq'a' ri banayon.

2 Rey 19:18

Y kan xekik'eq pa q'aq' ri ki-dios ri e banon rik'in che' y abej, y xa achi'a' ri e banayon. Y konojel ri dios ri' kan xekik'is.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Wuj Richin ri Jeremías 32:30

Ri winaqi' israelita y ri awinaq aj-Judá kan pa rutikeribel kibanon-pe ri man niqa' ta chinuwech yin, roma rije' kan man kiya'on ta k'a kan richin nikiya' kiq'ij ri wachibel ri xa ja rije' ri e banayon y re' nuben chuwe richin nikiyek woyowal.

Wuj Richin ri Jeremías 10:9

Ri saqipueq ri ya'on chikij ri wachibel ri nikiya' kiq'ij xa k'amon-pe pa ruwach'ulew Tarsis. Chuqa' ri q'anapueq xa k'amon-pe chiri' pa ruwach'ulew Ufaz. Y ri kitziaq xa banon rik'in tzieq raxroj, y keq. Ronojel re' xa e banon koma ri kan jebel yetikir yekiben re samaj re'.

Wuj Richin ri Jeremías 10:3

Ri bey ri kik'uan re winaqi' re' man jun nik'atzin-wi, roma rije' xa nikichoy jun che' pa k'echelaj. Y k'ari' nibekiya' kan chire jun ajanel richin nuben jun wachibel chire.

Wuj Richin ri Jeremías 1:16

Xtinya' rutojbalil-mak pa kiwi' ri awinaq aj-Judá roma ronojel ri mak ri xkiben chinuwech yin. Xinkimalij kan, richin xkiporoj pom y xexuke' chikiwech ri ch'aqa' chik dios ri xa ja rije' e banayon.

Wuj Richin ri Isaías 37:19

Y kan xkiya' ri ki-dios richin xekibox pa q'aq', y kan xekik'is konojel, roma re' man e qitzij dios ta. Xa ja ri achi'a' e banayon, e kibanon rik'in che' y abej.

Wuj Richin ri Isaías 14:32

Y wi k'o jun taqonel richin ri ruwach'ulew ri' xtapon, man jun itzel xkixtikir xtibij chire. Jak'a ri Jehová xtuyek chik el jun bey ri tinamit Sión, y chiri' k'a xkeruya-wi konojel ri ek'o pa bis richin ri rutinamit.

Wuj Richin Bix Chire ri Dios 78:68

Kan jak'a ri tzobaj richin ri Judá ri xucha'; kan ja ri juyu' Sión ri janila xrajo'.

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

Deut 4:28

Y chiri' k'a nibeya' kiq'ij wachibel ri e banon koma achi'a', wachibel ri e banon rik'in che', y chuqa' ri e banon rik'in abej. Ri man yetzu'un ta, ri man ye'ak'ex ta, ri man yewa' ta y chuqa' ri man yeseqon ta.

2 Crón 32:20

Jak'a ri rey Ezequías y ri q'alajirisey ruch'abel ri Dios rubini'an Isaías, ruk'ajol kan ri Amós, xech'on rik'in ri Dios y xkik'utuj to'onik chila' chikaj.

1 Rey 20:28

Xpe k'a jun achin richin ri Dios rik'in ri Acab rey richin Israel y xubij chire: Kere' nubij ri Jehová: Roma ri aj-Siria nikibij chi yin xa in Jehová Dios richin ri juyu', y man in Dios ta richin ri taq'aj ri ek'o kojol taq juyu', roma ri' yin xkenjech re janila chi winaqi' re' pan aq'a', y rat xtawetamaj chi ja yin Jehová, nicha' ri Dios, xcha'.

Wuj Richin Bix Chire ri Dios 74:18

Toqaqa k'a chi'ak'u'x chi ri e etzelanel kan kiya'on ak'ix rat Jehová. Chuqa' ri e nakaneq taq winaqi' xa yatkiyoq' k'a rat.

Ez 25:8

Ri Jehová xubij: Ri ruwach'ulew Moab y chuqa' ri tinamit Seir nikibij chi ri ruwach'ulew Judá junan rubanik kik'in ri ch'aqa' chik ruwach'ulew.

Ez 35:13

Rik'in k'a ri ich'abel kan xinimirisaj k'a iwi' y kan janila k'a itzel xixch'on chuwij. Y yin kan xinwak'axaj ronojel.