2 Crón 32:12 - Kaqchiquel Bible

¹² ¿Man xerelesaj ta kami el rija' ri akuchi niya-wi kiq'ij ri i-dios ri ek'o pa ruwi' taq juyu', y chuqa' xeruwulaj-el ri porobel, y xubij chiwe rix winaqi' aj-Judá y aj-Jerusalem, richin tiporoj pom xaxe pa ruwi' jun porobel y tiya' ruq'ij ri i-Dios chiri'?

2 Crón 32:12 ပူးပေါင်းရင်းမြစ်များ

2 Crón 31:1

Toq xk'is k'a ronojel re', konojel ri israelita ri ek'o chiri' xebe k'a pa taq tinamit ri ek'o chupan chijun ri ruwach'ulew Judá y xekiwulaj k'a ri wachibel e paban y xekiyoj k'a ri paban-che' richin Asera. Xekiyoj k'a akuchi yekamela'an-wi ri ek'o pa ruwi' taq juyu', y xekiwulaj ri ch'aqa' chik porobel ri ek'o chiri' pa Judá, pa Benjamín, pa Efraín y ri pa Manasés. K'ari' konojel israelita xetzolej pa taq kiruwach'ulew y pa taq kixoral.

Wuj Richin ri Isaías 36:7

Rix rik'in juba' nibij chuwe chi xaxe rik'in ri Jehová ikuquban-wi ik'u'x. Jak'a ri Ezequías xa kan xerelesaj yan el ri akuchi niya-wi ruq'ij rija' pa kiwi' taq juyu', y chuqa' ri porobel. Y xubij chiwe chi xtiya' ruq'ij xaxe pa ruwi' ri porobel ri k'o wawe' pa Jerusalem.

2 Crón 4:1

Chuqa' ri Salomón xuben jun porobel rik'in q'enq'oj-pueq; xuya' k'a wo'o' jaj rik'in ka'i' q'a'aj ri raqen y wo'o' jaj rik'in ka'i' q'a'aj ri ruwech y ka'i' jaj rik'in oxi' q'a'aj ri rujotolen.

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

2 Rey 18:4

Rija' xrelesaj k'a ri akuchi nikiya-wi kiq'ij wachibel pa ruwi' taq juyu'. Xerupaxij ri dios ri e banon rik'in abej y xuqupij-el ri paban-che' richin ri Asera. Chuqa' xuwulaj ri kumetz ri banon rik'in q'enq'oj-pueq ri chuqa' xkibij Nehustán*f7* chire. Ri winaqi' kan nikiya-wi k'a ruq'ij ri kumetz y kan nikiporoj pom chuwech.

1 Rey 7:48

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq, y jare': Ri nima-porobel-pom y ri ch'aqa' chik kokoj porobel-pom, Ri mesa ri niya'ox ri kaxlan-wey pa ruwi' ri nisuj chire ri Dios, Ri lajuj candelabro ri nibe aceite chupan ri e banon kotz'i'j chirij, y xeruya' chupan ri nima-jay chupan ri rachoch ri Jehová, wo'o' pa rijkiq'a' ri jay ri' y wo'o' pa rajxokon, Ri ch'aqa' chik lámpara, ri chojmirisabel ri kiq'aq'al y ri chupbel, Ri jalajoj kiwech bojo'y, ri cuchara y Ronojel ri bisagra richin ri nima'q taq ruchi-jay richin ri rachoch ri Jehová.

2 Crón 32:11

Wi ri Ezequías nubij chiwe chi ri Jehová ri i-Dios yixrukol pa nuq'a', ri' xa yixruq'ol, xa kan rubanon chiwe chi yixbeken roma wayjal y chaqi'j-chi'ij.

2 Crón 33:17

Jak'a ri winaqi' xa k'a nikisuj na kamelabel ri akuchi xkiya-wi kiq'ij ri wachibel ri pa ruwi' taq juyu', xaxe wakami kan ja ri Jehová ri ki-Dios ri nikiya' ruq'ij chiri'.

2 Crón 30:14

Xekiwulaj k'a el ronojel ri ch'aqa' chik porobel richin chikop y richin pom ri ek'o chiri' pa Jerusalem, y k'ari' xebek'aq kan pa siwan ri akuchi niq'ax-wi ri ch'uti'n raqen-ya' Cedrón.