2 Crón 31:14 - Kaqchiquel Bible

¹⁴ Ri jun levita rubini'an Coré ruk'ajol ri Imná, ja rija' ri nichajin ri ruchi' ri k'o pa relebel-q'ij chire ri ruwa-jay richin ri rachoch ri Dios. Ja rija' ri xya'ox kan richin nuk'ul chikiwech ri winaqi' ri janipe' nalex-pe pa kánima. Y chuqa' ja rija' nik'ulun chikiwech ri winaqi' ri kan k'o chi nikiya-apo y nutaluj chik chikiwech ri e sacerdote, y chuqa' ri ch'aqa' chik ri kan e ch'aron chik chire ri Jehová.

2 Crón 31:14 ပူးပေါင်းရင်းမြစ်များ

Wuj Richin Bix Chire ri Dios 119:108

Tabana' utzil, xtak'awomaj ta k'a toq ninya' aq'ij rik'in bix, y tak'utu' chinuwech ri apixa'.

Wuj Richin ri Nehemías 13:13

Y xenya' k'a pa kiwi' ri e chajiy ri jay ri', ri sacerdote Selemías, ri tz'ibanel Sadoc y ri levita Pedaías. Y ri xe'ilin kichin ja ri Hanán ruk'ajol ri Zacur, y rumam ri Matanías. Jari' xinya' richin yeruto' re achi'a' re'. Y kan xinya' re samaj re' chike, roma kan nikiben ri nikibij. Y ja rije' ri yetalun ri nik'atzin chike ri kachibil.

Wuj Richin ri Esdras 7:16

Y tik'uaj chuqa' ronojel ri saqipueq y ri q'anapueq ri xtisipex-el chiwe pa ruwach'ulew Babilonia, y chuqa' xabachike sipanik ri kiya'on-apo ri iwinaq y ri e sacerdote, richin ri rachoch ri i-Dios ri k'o pa Jerusalem.

Wuj Richin ri Esdras 3:5

Y man xaxe ta k'a keri', xa kan jantape' xkiporoj ri chikop ri richin q'ij-q'ij, ri nimaq'ij richin toq nalex ri ik' y ri ch'aqa' chik nimaq'ij toq nikiya' ruq'ij ri Jehová. Y chirij k'a ronojel re' xkisuj kamelabel rik'in ronojel kánima.

Wuj Richin ri Esdras 1:4

Iwonojel k'a rix ri man yixtzolin ta chik ri xabakuchi ixk'o-wi, kixto'on k'a kik'in ri iwinaq ri yetzolin. Kixto'on-el rik'in saqipueq, q'anapueq y ri achike nik'atzin chike, chuqa' rik'in kawej. Y man xaxe ta k'ari', chuqa' tiya-el rik'in ronojel iwánima sipanik richin ri rachoch ri Dios, ri k'o pa Jerusalem, xcha-el chupan ri wuj.

1 Crón 26:17

Ronojel q'ij e waqi' chajinela' e levita yek'oje' chuchi' ri rachoch ri Dios ri k'o pa relebel-q'ij, kaji' yek'oje' pa xaman, kaji' pa xokon, y e ka'i' ri yechajin ri yakonabel.

1 Crón 26:14

Ri Dios xuk'ut k'a chikiwech ri Selemías y ri Zacarías ri ruk'ajol ri chuqa' jun aj-na'oj. Y ri Selemías xk'ulumaj kan ri ruchi' ri k'o pa relebel-q'ij chire ri rachoch ri Dios, y ri Zacarías xk'ulumaj kan ri k'o pa xaman.

1 Crón 26:12

Konojel re achi'a' re' y ri aj-raqen kan chi sol chi sol k'a xesamej richin nikichajij ri ruchi' ri rachoch ri Dios.

Deut 16:10

jari' toq k'o chi ninimaq'ijuj ri semana richin niya' ruq'ij-ruk'ojlen ri Jehová ri qa-Dios. Y xtik'uaj k'a apo ri sipanik ri janipe' k'a nalex-pe pan iwánima, ri achi'el k'a ri urtisanik ri ruya'on ri Jehová ri qa-Dios pan iwi'.

Deut 12:17

Chuqa' man titej chupan ri itinamit ri jun chire ri lajuj chire ri jalajoj ruwech ixin, ri vino, ri aceite, ni ri nabey kal ri iwawej, ni man jun chire ronojel ruwech sipanik, ni ri sipanik ri yakon-q'anej chikaj.

Deut 12:6

Chiri' k'a xtik'uaj-wi ri isipanik: Ri chikop ri niporox, ri sipanik richin ri jun chire ri lajuj, ri sipanik ri nalex-pe pan iwánima, ri sipanik toq nijikiba-tzij y ri nabey taq kal ri iwawej.

Wuj Richin ri Q'axanri'il 29:39

Jare' ri sipanik ri ruk'amon chi niya' chuwe. Chuqa' k'o ri sipanik toq k'o nisuj chuwe richin niben y ri sipanik ri nalex-pe pan iwánima, xcha' ri Jehová.

Wuj Richin ri Chojmirisabelri'il 27:28

Jak'a ek'o ri kan e jachon chik chuwe yin, ri kan man jun xtitikir xtikolon ni ta xtik'ayin kichin, wi ta wineq, chikop, o ulew; kan ronojel wi k'a ri e jachon chik chuwe yin kan pa nuq'a' k'a yin ek'o-wi.

Wuj Richin ri Chojmirisabelri'il 23:38

Pa ruwi' ronojel ri sipanik ri' k'o chi nisuj ri sipanik richin ri q'ij richin uxlanibel, ri sipanik roma ri ibin chi niben y ri sipanik richin matioxinik ri nalex-pe pan iwánima richin niya' chuwe.

Wuj Richin ri Chojmirisabelri'il 22:18

Kere' tabij chire ri Aarón y chike ri ralk'ual y chuqa' chike ri iwinaq israelita: Jare' ri ruchojmilal ri xtiben wi niwajo' ta nisuj jun chikop chinuwech roma xalex-pe pan iwánima, o roma ri ibin chi niben, richin niporoj chinuwech yin. Re chojmilal re' kan xtiban iwik'in rix y kik'in ri man iwinaq ta ri ek'o chi'ikojol.

Wuj Richin ri Chojmirisabelri'il 2:10

Y ri xtik'oje' kan chire ri sipanik ri man xporox ta, xtok kichin ri e sacerdote, y re' kan jun sipanik ch'aron roma xelesex-el juba' chire richin xporox chinuwech yin.

Wuj Richin ri Rutikeribel 46:17

Ri e ralk'ual ri Aser, je ri Imná, ri Isuá, ri Isuí, ri Beriá y ri jun kana' rubini'an Sérah. Y ri e ralk'ual ri Beriá ja ri Jeber y ri Malquiel.

2 Crón 31:13

K'ari' ri rey Ezequías y ri nimalej sacerdote Azarías kan xekiya' k'a, e lajuj achi'a' richin yesamej kik'in ri Conaías y ri Simí. Re achi'a' re' kibini'an: Jehiel, Azazías, Náhat, Asael, Jerimot, Jozabad, Eliel, Ismaquías, Máhat y ri Benaías.

2 Crón 31:15

Chuqa' xesamej chik e waqi' achi'a' rik'in ri Coré richin xkitaluj ri sipanik pa kitinamit ri e levita. Jare' ri kibi' ri achi'a': Ri Edén, Miniamín, Jesús, Semaías, Amarías y Secanías. Ja rije' yejachon chike ri e levita rik'in ruchojmilal, y nikiya' chike achi'el rubanik ri kitzobaj, nitiker-el rik'in ri más nim k'a ri más ch'uti'n.