2 Crón 31:10 - Kaqchiquel Bible

¹⁰ Y ri nimalej sacerdote Azarías, ri rijatzul kan ri Sadoc, xubij chire: Toq ri winaqi' xkichop nikik'en-pe ri kuchuj chupan ri rachoch ri Jehová, kan k'o k'a k'iy ri niqatej y kan k'a pa ruk'iyal na k'a ri nik'oje' kan, roma ri Jehová kan ruya'on urtisanik pa qawi' roj ri oj rutinamit, xcha'.

2 Crón 31:10 ပူးပေါင်းရင်းမြစ်များ

Wuj Richin ri Malaquías 3:10

Tik'uaj k'a chupan ri wachoch ri jun chire ri lajuj chire ronojel ri k'o iwik'in, richin kan k'o xtik'oje' chupan ri yakonabel. Kinitejtobej na pe y yin xtinben chi achi'el xa ta xtijaqatej-pe ri kaj richin xtiq'ejej-pe ri urtisanik y kan pa ruk'iyal ri xtiqaqa pan iwi'.

1 Crón 6:8

ri Ahitub xralk'ualaj ri Sadoc, ri Sadoc xralk'ualaj ri Ahimaas,

Filipenses 4:18

Yin kan nuk'ulun k'a ronojel ri xiteq-pe rix toq xpe ri qach'alal Epafrodito, y jare' ri retal chi yin xink'ul. Kan pa ruk'iyal chik k'a k'o wik'in, kan man jun chik k'a xtinwajo'. Re sipanik re' kan nijubulin k'a napon chuwech ri Dios, y kan jun sipanik ri kan xk'ul roma ri Dios roma kan xqa' chuwech.

San Mateo 15:37

Kan konojel k'a jebel xkitej kiway y kan man jun ri man ta jebel xwa'. Man rik'in ri' k'a k'o na ri man xk'is ta; xmol kan ronojel y xuben wuqu' chakech ri xnoj kan rik'in ri kaxlan-wey y ker ri man xk'is ta.

Wuj Richin ri Hageo 2:18

Kixch'obon k'a utz chupan re q'ij re', q'ij juwineq kaji' chire ri ik' beleje', roma ja q'ij re' toq xiben-qa ruxe' ri rachoch ri Jehová.

Ez 44:15

Jak'a ek'o levita ri e rijatzul kan ri Sadoc ri kan xkiben ronojel pa ruchojmilal toq ri ch'aqa' chik israelita xkijech'ej kan ki' chire ri nubey. Re sacerdote re' utz k'a xkejel-apo chinuwech richin nikisuj ri q'en y ri kik' richin ri kamelabel pa ruwi' ri porobel.

Wuj Richin Etamabel-Tzij 10:22

Ri urtisanik richin ri Dios, kan nuk'en-pe beyomel chike ri winaqi'; y ri winaqi' xa man rik'in ta k'a tijoj-poqonal toq nikiq'i-q'anej ri'.

Wuj Richin Etamabel-Tzij 3:9

Rat kan taya' k'a ruq'ij ri Jehová rik'in ri abeyomel, kan taya' k'a ruq'ij rija' rik'in ri nabey taq ruwech ri atiko'n

2 Crón 26:17

Chirij rija' xok-apo ri nimalej sacerdote Azarías e rachibilan k'a el e jumuch' sacerdote ri e richin ri Jehová, achi'a' ri maneq xibinri'il chikiwech.

1 Rey 2:35

K'ari' ri rey Salomón xuben chi ri Benaías, ruk'ajol ri Joiadá, xok aj-raqen pa kiwi' ri aj-labal ri e richin kan ri Joab; y chuqa' xuben chi ri sacerdote Sadoc xok kan pa ruk'exel ri Abiatar.

Wuj Richin ri Chojmirisabelri'il 25:21

Jak'a yin kan xtinteq k'a pe urtisanik chupan ri ruwaq juna' richin pa ruk'iyal xtiwachin ri itiko'n, y re' kan xkixruben richin ka'i' chik juna'.

Wuj Richin ri Rutikeribel 39:23

Y roma kan pa ruq'a' ri José k'o-wi ronojel, ri aj-raqen richin ri cárcel kan man jun chik nuch'ob pa ruwi' ronojel, roma ri Jehová kan nuto-wi ri José y ronojel ri nuben kan utz nel chuwech.

Wuj Richin ri Rutikeribel 39:5

Y kan xaxe k'a toq ri Potifar xuya' kan ronojel pa ruq'a' ri José, ri Jehová xuya' urtisanik pa ruwi' ri ek'o pa rachoch y pa ruwi' ri rutiko'n.

Wuj Richin ri Rutikeribel 26:12

Y ri Isaac xuben-qa rutiko'n chupan ri ruwach'ulew ri' y ri rutiko'n chupan ri juna' ri' xuben chi ri jun ruwech xuya' wok'al ruwech, roma ri Jehová xuya' urtisanik pa ruwi'.

1 Timoteo 4:8

Kan janila jebel wi natej aq'ij richin nik'oje' más ruchuq'a' ri ach'akul. Jak'a más utz wi natej aq'ij richin nak'uaj jun k'aslen utz chuwech ri Dios. Roma k'o nuk'en-pe chawe chupan ri ak'aslen wawe' y ri chawech apo.

1 Crón 6:14

ri Azarías xralk'ualaj ri Seraías y ri Seraías xralk'ualaj ri Josadac.

Deut 28:8

Ri Jehová kan xtuben chi xtuya-pe urtisanik pa kiwi' ri iyakonabal richin ri jalajoj ruwech ixin, y chuqa' pa ruwi' ronojel ri xtiben, y xtuya' kikoten iwik'in chupan ri ruwach'ulew ri xtiberuya' chiwe.

1 Crón 6:9

ri Ahimaas xralk'ualaj ri Azarías, ri Azarías xralk'ualaj ri Johanán,

2 Crón 31:9

K'ari' ri Ezequías xch'on kik'in ri e sacerdote y ri e levita pa ruwi' ri xmolotej pa ruk'iyal.

2 Crón 31:13

K'ari' ri rey Ezequías y ri nimalej sacerdote Azarías kan xekiya' k'a, e lajuj achi'a' richin yesamej kik'in ri Conaías y ri Simí. Re achi'a' re' kibini'an: Jehiel, Azazías, Náhat, Asael, Jerimot, Jozabad, Eliel, Ismaquías, Máhat y ri Benaías.

Ez 44:30

Ri sacerdote kan xtikik'ul chuqa' ri nabey jebelej ruwech tiko'n y xtikik'ul chuqa' ronojel sipanik. Ri nabey taq q'or*f13* richin ri ikaxlan-way xtiya' k'a chike rije'. Wi keri' xtiben, kan xtik'ul k'a urtisanik pa taq iwachoch.

Ex 36:7

Roma kan k'iy chik k'o richin niban ronojel ri samaj y k'a k'iy na ri xa man xtukusex ta.

Wuj Richin ri Q'axanri'il 22:12

K'ari' ri Dios xubij chire ri Balaam: Man kabe kik'in re achi'a' re', richin chi nabeya' ri jun itzel oyonik pa ruwi' ri tinamit ri', roma ri tinamit ri' kan k'o ri wurtisanik yin pa kiwi', xcha' ri Dios.

1 Crón 29:16

Jehová ri qa-Dios, awichin rat ronojel ri k'o qik'in; awik'in rat peteneq-wi re beyomel re'. Wakami k'a niqabekusaj pa ruk'iyal richin nipabex-q'anej ri awachoch, ri awachoch ri akuchi xtiya'ox-wi ri aq'ij-ak'ojlen.

Wuj Richin Etamabel-Tzij 3:10

Rik'in k'a ri xtaben keri', ri ak'ujay kan xkenoj y xkepulin-pe, y keri' chuqa' ri ruk'ojelibal ri k'ak'a' a-vino kan xkenoj y xkepulin-el.

Wuj Richin Etamabel-Tzij 11:24

Ri winaqi' ri man nikik'ek'ej ta yesipan, kan jantape' k'iy k'o kik'in, y ri xa kan nikipoqonaj nikisipaj ri k'o kik'in, jantape' man jun k'o kik'in.