2 Crón 31:1 - Kaqchiquel Bible

¹ Toq xk'is k'a ronojel re', konojel ri israelita ri ek'o chiri' xebe k'a pa taq tinamit ri ek'o chupan chijun ri ruwach'ulew Judá y xekiwulaj k'a ri wachibel e paban y xekiyoj k'a ri paban-che' richin Asera. Xekiyoj k'a akuchi yekamela'an-wi ri ek'o pa ruwi' taq juyu', y xekiwulaj ri ch'aqa' chik porobel ri ek'o chiri' pa Judá, pa Benjamín, pa Efraín y ri pa Manasés. K'ari' konojel israelita xetzolej pa taq kiruwach'ulew y pa taq kixoral.

2 Crón 31:1 ပူးပေါင်းရင်းမြစ်များ

2 Rey 18:4

Rija' xrelesaj k'a ri akuchi nikiya-wi kiq'ij wachibel pa ruwi' taq juyu'. Xerupaxij ri dios ri e banon rik'in abej y xuqupij-el ri paban-che' richin ri Asera. Chuqa' xuwulaj ri kumetz ri banon rik'in q'enq'oj-pueq ri chuqa' xkibij Nehustán*f7* chire. Ri winaqi' kan nikiya-wi k'a ruq'ij ri kumetz y kan nikiporoj pom chuwech.

2 Crón 32:12

¿Man xerelesaj ta kami el rija' ri akuchi niya-wi kiq'ij ri i-dios ri ek'o pa ruwi' taq juyu', y chuqa' xeruwulaj-el ri porobel, y xubij chiwe rix winaqi' aj-Judá y aj-Jerusalem, richin tiporoj pom xaxe pa ruwi' jun porobel y tiya' ruq'ij ri i-Dios chiri'?

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

2 Crón 23:17

Chirij ri', konojel xebe pa rachoch ri Baal, xkiwulaj k'a kan ri jay ri' y xkiwulaj kan ri porobel y ri wachibel ri ek'o chiri'. Keri' chuqa' xkiqupij kan ruqul ri Matán ri nisamajin richin ri Baal, chiri' chuwech ri porobel.

2 Crón 14:3

Xerelesaj-el ri porobel kichin ri ch'aqa' chik dios ri ek'o pa ruwi' taq juyu' y xeruyoj jumul ri akuchi niya'ox-wi kiq'ij. Chuqa' xerupaxij ronojel ri paban taq abej y chuqa' ri ruwachibel ri dios ixoq rubini'an Asera.

2 Rey 17:2

Y rija' kan man utz ta k'a xuben chuwech ri Jehová, jak'a ri ch'aqa' chik rey richin Israel kan ik'owineq ruwi' itzel xkiben chuwech rija'.

Deut 7:5

Ke'iwulaj ronojel ri porobel, ri wachibel, ri paban taq che' ri nikiya' ruq'ij; kan ke'iporoj k'a kan.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Wuj Richin ri Rutikeribel 19:15

Y toq niseqer yan pe, ri ka'i' ángel xkipararej k'a ri Lot y xkibij chire: Kayakatej y chi'anin ri' tak'uaj-el ri awixjayil y la ka'i' ami'al, man xa kek'is kan wawe' chupan re rutojbalil rumak re tinamit, xecha'.

Ex 34:13

Xa kan xtiyojola' k'a el ri kiporobal y xke'iwulaj-el ri wachibel e paban y kan xtichoy k'a el ri ki-dios Asera.

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

2 Crón 33:3

Rija' xuchojmirisaj chik el jun bey ri akuchi nikiya-wi kiq'ij ri wachibel ri pa ruwi' taq juyu' ri e ruyojon kan ri Ezequías, ri rutata'. Chuqa' xeruben chik q'anej jun bey ri porobel kichin ri Baal, y ri che' ruwachibel ri Asera. Xuya' kiq'ij ri ch'umila', ri ik' y ri q'ij,

2 Crón 14:2

Ri rubanobal ri Asá kan utz y kan choj xuben chuwech ri Jehová ri ru-Dios.

Wuj Richin ri Isaías 17:8

Xa kan xtimulun ik'u'x chirij ri porobel ri xe'iben rix, y xa kan man xtitzu' ta chik ronojel ri wachibel ri xe'iben. Chuqa' man xtich'ob ta chik ri ruwachibel ri Asera, y ni ri porobel-pom ri xe'iben.