2 Crón 30:6 - Kaqchiquel Bible

⁶ Y keri' ri rey xeruteq k'a el ri e taluy wuj richin nibekiya' kan chupan chijun ri ruwach'ulew Israel y chuqa' chupan chijun ri ruwach'ulew Judá. Y kere' nubij ri wuj: Rix ri ix rijatzul kan ri Israel, titzolin-pe ik'u'x rik'in ri Jehová ri qa-Dios, y ri ki-Dios ri Abraham, ri Isaac y ri Israel, richin rija' xtitzolin-pe ruk'u'x iwik'in ri k'a ixk'o kan, rix ri xixkolotej kan pa kiq'a' ri rey richin Asiria.

2 Crón 30:6 ပူးပေါင်းရင်းမြစ်များ

Wuj Richin ri Jeremías 51:31

Xke'el-xke'ok ri uk'uey rutzijol richin xtikibij chire ri rey richin Babilonia chi ri kiruwach'ulew xch'akatej yan,

Wuj Richin ri Jeremías 4:1

Yin Jehová kere' ninbij: Rix nuwinaq israelita, wi ta niwajo' nitzolin-pe ik'u'x, titzolin k'a pe ik'u'x wik'in yin. Tiwelesaj k'a el chi'ikojol ri wachibel ri kan man utz ta nintz'et y kan man tijech'ej chik el iwi' wik'in yin.

Ester 8:14

Ri e ya'ol rutzijol xekich'okolibej-el kiej ri janila yebiyin richin chi'anin xkik'uaj-el ri utzilej rutzijol ri xuya-el ri rey, y re' xtalutej chupan chijun ri tinamit Susa.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

2 Rey 15:19

K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

Wuj Richin ri Achin Job 9:25

Ri q'ij richin ri nuk'aslen xa kan anineq beneq achi'el jun aninel; anineq beneq y man jun kikoten ninwil.

2 Crón 28:20

K'ari' ri rey richin Asiria ri rubini'an Tiglat-piléser, xbe rik'in ri Acaz, jak'a pa ruk'exel richin xuya' ta ruchuq'a', xa xuya' pa k'ayew.

1 Crón 5:26

Y roma ri' ri Dios richin ri Israel xuben chire ri Pul rey richin Asiria richin xeyakatej chikij. Ri Pul xeruk'uaj-el pa ximonri'il ri winaqi' rubenita, gadita y ri nik'aj tzobaj richin ri Manasés ri k'o pa relebel-q'ij chire ri raqen-ya' Jordán. Y xeruk'uaj-el chupan ri tinamit Halah, Habor, Hará y chunaqaj ri raqen-ya' Gozán, ri akuchi ek'o-wi k'a re wakami. Ri Pul chuqa' nibix Tiglat-piléser chire.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Wuj Richin ri K'uxla'anik 5:21

Tajoyowaj chik k'a qawech Jehová, richin kan xtitzolej chik k'a qak'u'x awik'in. Tabana' chi xqojkikot achi'el ri ojer kan.

Wuj Richin ri Isaías 6:13

Y stape' k'a xtik'oje' kan jun chire ri lajuj chike ri winaqi' ri', chuqa' kan xkenwelesaj-el. Jak'a achi'el toq yechoy-el ri paten-che', xa kan k'a yek'oje' kan ri kuta'm. Y keri' k'a xtibek'uluwachitej kik'in ri awinaq israelita. Jak'a xa xkek'oje' kan achi'el jun rukuta'm che'.

Wuj Richin ri Isaías 1:9

Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra.

Ester 3:13

Xetaqalox k'a el ri wuj pa ronojel tinamit ri ek'o chuxe' ri ruq'atbal-tzij ri rey. Y chupan ri wuj nubij k'a chi chupan ri q'ij oxlajuj chire ri ik' Adar, kan pa jun q'ij kek'is konojel ri winaqi' judío; chi rijita'q, chi achi'a', chi ixoqi', chi alaboni', y chi ak'uala'. Y ronojel ri kibeyomel nok kan kichin ri winaqi' ri xkekamisan.

Wuj Richin ri Jeremías 29:1

Chirij re' yin xintz'ibaj-el jun wuj re wawe' pa Jerusalem richin xinteq-el chike ri aj-Judá ri e uk'uan-el roma ri Nabucodonosor rey richin ri ruwach'ulew Babilonia. Y ri xek'ulu ja ri achi'a' ri k'o kiq'ij, ri sacerdote, ri e q'alajirisey ruch'abel ri Dios y ri ch'aqa' chik winaqi'.

1 Rey 18:36

Toq xek'achoj chire ronojel re', jari' toq ri Elías ri q'alajirisey ruch'abel ri Dios xpa'e' chikiwech ri winaqi', xch'on, y xubij: Jehová Dios richin ri Abraham, ri Isaac y ri Jacob: Tak'utu' k'a awi' wakami chi kan ja rat ri at qa-Dios richin Israel, y chi yin in asamajel rat y chi yin xinben ronojel re', achi'el ri abin chuwe.

1 Crón 29:18

Ajaw Dios, ri qa-Dios y ri ki-Dios ri qati't-qamama' ri Abraham, ri Isaac y ri Israel, kan richin ta jantape' xtiqa' chawech ri xuya-apo ri atinamit chawe, y tabana' chike richin xtikijech ta chuqa' ri kánima chawe.

Wuj Richin ri Jeremías 3:14

Kixtzolin-pe wik'in yin, rix ri ix yakatajineq chuwij, roma ja yin ri in iwajaw, nubij ri Jehová. Y yin xkixink'en-pe chi'ijujunal chupan ri ch'aqa' chik ruwach'ulew akuchi ixintalun-wi y kan xtinben k'a chiwe richin xkixtzolin-pe pa tinamit Sión.

Wuj Richin ri K'uxla'anik 3:40

Tiqach'obo-qa rij ri bey ri qak'uan; y titzolej k'a pe qak'u'x rik'in ri Jehová.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Wuj Richin ri Zacarías 1:4

Roma ri' rix man tikowirisaj-iwi' achi'el xkikowirisaj-ki' rije' toq xban ch'owen kik'in koma ri e nabey q'alajirisey nuch'abel yin Jehová k'iytisanel richin ronojel. Ri q'alajirisanela' ri' xkibij chi titzolej-pe kik'u'x wik'in, y tikiya' kan ri itzel taq bey y ri itzel taq banobel. Jak'a rije' xa xkiben chi man xq'ax ta chikiwech y man xkak'axaj ta ri xinbij chike.