2 Crón 30:3 - Kaqchiquel Bible

³ Xkich'ob nikinimaq'ijuj k'a chupan ri q'ij ri' roma man e k'iy ta sacerdote kich'ajch'ojirisan-ki', y chuqa' ri winaqi' man jani tikimol-ki' chiri' pa Jerusalem.

2 Crón 30:3 ပူးပေါင်းရင်းမြစ်များ

2 Crón 29:34

Jak'a ri e sacerdote e juba' ok y man yeruben ta richin yekichojmirisaj konojel ri chikopi' richin yeporox. Roma ri' k'o chi xeto'ox koma ri ch'aqa' chik levita k'a toq xk'achoj na ri samaj, rokik ri ch'aqa' chik e sacerdote xkich'ajch'ojirisaj-ki'. Kere' xbanatej roma ri e levita k'o más rayibel kik'in richin xkich'ajch'ojirisaj-ki' chikiwech ri e sacerdote.

Ex 12:18

Chupan k'a re nabey ik' re' xtitej ri kaxlan-wey ri maneq ch'amilej-q'or rik'in, nitikeriba-el ri tiqaq'ij richin ri q'ij kajlajuj chire re ik' re', y yixtane' k'a tiqaq'ij chire ri q'ij juwineq jun.

Ex 12:6

Rix kan ke'iwilij k'a apo ri taq chikopi' ri', richin ri q'ij kajlajuj, richin re ik' re'. Toq niqaqa yan qa ri q'ij, jari' toq chi'iwonojel rix xke'ikamisaj ri taq chikopi' ri e icha'on.

2 Crón 29:17

Xkichop k'a ruch'ajch'ojirisaxik chupan ri q'ij ri', ri nabey q'ij chire ri nabey ik', y toq xapon ri waqxaqi' q'ij chire ri ik' ri', xek'achoj chujosq'ixik chijun rupan ri jay y xe'apon yan chupan ri ruwa-jay. Ri ruwa-jay xkich'ajch'ojirisaj chupan waqxaqi' chik q'ij, y xkik'achojirisaj ronojel chupan ri q'ij waqlajuj chire ri ik' ri'.

2 Crón 30:4

Ri ch'obonik ri' kan xqa' chuwech ri rey y chikiwech ri janila chi wineq.

2 Crón 30:15

Chupan k'a ri q'ij kajlajuj chire ri ruka'n ik' chire ri juna', ri winaqi' xkikamisaj k'a ri karne'l ri nikikusaj chupan ri nimaq'ij ri'. Roma ri' ri e sacerdote, y ri e levita kan janila k'a xek'ixbitej, y jari' toq xbekich'ajch'ojirisaj-pe-ki', y xkik'en-pe ri chikop richin niporox chijun.

2 Crón 30:24

Y roma ri' ri Ezequías, rey richin Judá, xusipaj chike ri winaqi' e 1,000 nima-alaji' achija' taq wákix y e 7,000 karne'l y tzuntzun. Chuqa' ri e tata'al xkisipaj chike ri winaqi' e 1,000 alaji' achija' taq wákix y e 10,000 karne'l y tzuntzun. Y k'ari' e k'iy chik sacerdote ri xkich'ajch'ojirisaj-ki'.

2 Crón 35:6

Ke'ikamisaj k'a ri taq chikopi' richin re nimaq'ij re', tich'ajch'ojirisaj-iwi' y kan tichojmirisaj k'a ronojel, richin keri' ri iwach'alal yetikir nikitaqej achi'el rubin kan ri Jehová chire ri Moisés, xcha'.