2 Crón 30:24 - Kaqchiquel Bible

²⁴ Y roma ri' ri Ezequías, rey richin Judá, xusipaj chike ri winaqi' e 1,000 nima-alaji' achija' taq wákix y e 7,000 karne'l y tzuntzun. Chuqa' ri e tata'al xkisipaj chike ri winaqi' e 1,000 alaji' achija' taq wákix y e 10,000 karne'l y tzuntzun. Y k'ari' e k'iy chik sacerdote ri xkich'ajch'ojirisaj-ki'.

2 Crón 30:24 ပူးပေါင်းရင်းမြစ်များ

2 Crón 29:34

Jak'a ri e sacerdote e juba' ok y man yeruben ta richin yekichojmirisaj konojel ri chikopi' richin yeporox. Roma ri' k'o chi xeto'ox koma ri ch'aqa' chik levita k'a toq xk'achoj na ri samaj, rokik ri ch'aqa' chik e sacerdote xkich'ajch'ojirisaj-ki'. Kere' xbanatej roma ri e levita k'o más rayibel kik'in richin xkich'ajch'ojirisaj-ki' chikiwech ri e sacerdote.

Efesios 4:8

Roma ri', chupan ri ruch'abel ri Dios nubij chirij ri Cristo: Toq xjote-q'anej chila' chikaj, xeruk'uaj-el ri ek'o pa ximonri'il. Y xuya' k'a pe jalajoj sipanik chiqe roj ri winaqi'.*f3*

Ez 45:17

Y ri q'atoy-tzij ri' ja rija' ri nijachon ri chikopi' richin yeporox y ri k'atzinel ri nuk'uaj ri sipanik richin jalajoj ruwech ixin y ri vino ri nikusex pa nimaq'ij richin k'ak'a' ik', pa taq q'ij richin uxlanen y ri k'atzinel pa taq jalajoj ruwech nimaq'ij ri niban pa ruwach'ulew Israel. K'o chi nujech-apo ri kamelabel richin kuyubel-mak, ri sipanik richin jalajoj ruwech ixin, ri chikop ri niporox jumul y ri sipanik ri niq'alajirisan chi junan iwech wik'in. Y keri' nink'en chik iwech.

2 Crón 30:3

Xkich'ob nikinimaq'ijuj k'a chupan ri q'ij ri' roma man e k'iy ta sacerdote kich'ajch'ojirisan-ki', y chuqa' ri winaqi' man jani tikimol-ki' chiri' pa Jerusalem.

2 Sam 6:19

Y k'ari' xujech chike chikijujunal ri ek'o chiri' jun kaxlan-wey, juba' ti'ij y jun wey ri banon rik'in uva ri chaqirisan. Chirij ri' chikijujunal ri winaqi' xetzolej-el pa taq kachoch.

2 Crón 30:15

Chupan k'a ri q'ij kajlajuj chire ri ruka'n ik' chire ri juna', ri winaqi' xkikamisaj k'a ri karne'l ri nikikusaj chupan ri nimaq'ij ri'. Roma ri' ri e sacerdote, y ri e levita kan janila k'a xek'ixbitej, y jari' toq xbekich'ajch'ojirisaj-pe-ki', y xkik'en-pe ri chikop richin niporox chijun.