2 Crón 30:21 - Kaqchiquel Bible

²¹ Chi wuqu' k'a q'ij ri israelita xkinimaq'ijuj k'a ri q'ij toq nitij kaxlan-wey ri maneq ch'amilej-q'or rik'in, ri chiri' pa Jerusalem. Ronojel re q'ij re' ri e sacerdote y ri e levita kan xkinimirisaj k'a ruq'ij ri Jehová rik'in bix y rik'in q'ojom.

2 Crón 30:21 ပူးပေါင်းရင်းမြစ်များ

Ex 13:6

Wuqu' k'a q'ij xtiqatej kaxlan-wey ri maneq ch'amilej-q'or rik'in y chupan k'a ri ruwuq q'ij xtiqaben k'a jun nimalej nimaq'ij chire ri Jehová.

Ex 12:15

Wuqu' q'ij k'a xtitej kaxlan-wey ri maneq ch'amilej-q'or rik'in. Roma ri' kan ja yan ri pa nabey k'o chi niwelesaj-el ronojel ch'amilej-q'or ri k'o pan iwachoch. Roma xabachike ri xtitijo kaxlan-wey ri k'o ch'amilej-q'or rik'in chupan ri wuqu' q'ij, kan xtelesex k'a el chi'ikojol.

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.

Hechos 2:46

Ri pa rachoch ri Dios kan q'ij-q'ij k'a ek'o-apo. Toq nikimol k'a ki' richin nikitej kiway y nikinataj ri rukamik ri ajaw Jesús, kan nikiben k'a rik'in kikoten y ronojel kik'u'x.

San Lucas 22:7

Toq xoqaqa ri nimaq'ij, q'ij richin nitij ri kaxlan-wey maneq ch'amilej q'or rik'in, y toq yekamisex chuqa' ri taq karne'l ri richin ri q'ij ri',

San Lucas 22:1

Xa naqaj chik k'a k'o-wi ri nimaq'ij toq nikitej kaxlan-wey ri maneq ch'amilej-q'or rik'in, y nikinataj toq ri Dios xuya' ri Solbelri'il.

Wuj Richin ri Nehemías 8:10

Y xeri' yin xinbij chike: Kixbiyin y tibetija' ti'ij y tibequmu' vino y tisipaj juba' chike ri man jun k'o kik'in richin nikitej, roma re q'ij re' kan ch'aron chire ri Jehová. Man jun tibison, xa kan kixkikot k'a chi'iwonojel, roma ri kikoten ri nuya' ri Jehová jari' ri quchuq'a', xicha'.

2 Crón 30:26

Kan janila k'a kikoten xk'oje' chiri' pa Jerusalem, roma k'a ja re' xnatex chik re nimaq'ij re' ri kan pa ruq'ijul kan ri Salomón ruk'ajol kan ri rey David ri banon kan.

2 Crón 20:21

Toq xch'on yan kik'in ri ruwinaq, chuqa' xerucha' ka'i-oxi' bixanela', y xubij chike chi tikikusaj-el ri kitziaq ri kan richin nimaq'ij, y ja rije' ri xe'ik'o-el chikiwech ri aj-labal, y nikibixaj k'a: Tinimirisex k'a ruq'ij ri Jehová, roma ri rajowabal y ri rujoyowanik kan richin q'asen, yecha'.

2 Crón 7:10

Y chirij chik ri nimaq'ij ri', chupan ri q'ij juwineq oxi', chire ri ruwuq ik', ri Salomón xerutaluj-el ri winaqi', richin xebe chi taq kachoch rik'in kikoten pa taq kánima roma ri xuben ri Jehová rik'in ri ánima David, rik'in ri Salomón y rik'in ri rutinamit Israel.

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.

Deut 12:12

Y kan xkixnimaq'ijun k'a chuwech ri Jehová ri qa-Dios junan kik'in ri iwalk'ual, ri isamajela' y kik'in ri e levita ri ek'o chi'ikojol roma rije' man jun ulew xtikichinaj kan chi'ikojol.

Deut 12:7

Kan xkixwa' k'a chiri' chuwech ri Jehová ri qa-Dios; kan xkixkikot k'a chi achijlonel, ixjayilonel y alk'ualaxel, roma ronojel ri samaj ri xiben, ri achoq pa ruwi' xuya-wi urtisanik rija'.

Wuj Richin ri Chojmirisabelri'il 23:6

Y chupan ri q'ij wolajuj, xtichop-el richin ninimaq'ijuj ri kaxlan-wey ri maneq ch'amilej-q'or rik'in, richin niya' nuq'ij yin. Y wuqu' k'a q'ij nitej ri kaxlan-wey ri'.

2 Crón 30:11

Man rik'in ri' ek'o k'a ka'i-oxi' achi'a' ri e richin ri tzobaj ri Aser, ri Manasés y ri Zabulón ri xkiqasaj-ki' chuwech ri Dios, y xepe k'a pa Jerusalem.

2 Crón 35:17

Konojel k'a ri e rijatzul kan ri Israel ri ek'o-apo chiri' xkinimaq'ijuj k'a ri q'ij ri' y chuqa' ri nimaq'ij toq nitij kaxlan-wey ri maneq ch'amilej-q'or rik'in, ri xnimaq'ijux wuqu' q'ij.

Wuj Richin ri Nehemías 8:17

Y qonojel ri xojtzolin-pe pa Babilonia xqaben ri taq qachoch rik'in ruq'a-che', y chiri' xojk'oje-wi. Y kan janila k'a xojkikot roma xqaben rik'in ronojel qak'u'x, roma kan pa ruq'ijul kan ri Josué ruk'ajol ri Nun, ri qawinaq man jun bey kibanon-pe re nimaq'ij re'.

2 Crón 29:30

Chirij re' ri rey y ri e tata'al xkibij chike ri e levita richin tikiya' ruq'ij ri Jehová rik'in bix ri rubanon kan ri David y ri Asaf ri nitz'eton ri peteneq. Y rije' kan xkiben rik'in janila kikoten y chuqa' xexuke' richin xkiya' ruq'ij ri Dios.

San Lucas 2:43

Toq ik'owineq chik k'a kan ri nimaq'ij ri', ri María y ri José kichapon bey richin yetzolin chikachoch. Jak'a man ketaman ta k'a chi ri Jesús xa xk'oje' kan chiri' pa Jerusalem.