2 Crón 30:17 - Kaqchiquel Bible

¹⁷ Jak'a man konojel ta ri winaqi' kich'ajch'ojirisan-ki' richin nikijech chire ri Dios ri ti chikop. Roma ri' ri e levita k'o chi xekikamisaj ri chikopi' richin ri nimaq'ij ri' ri kichin rije'.

2 Crón 30:17 ပူးပေါင်းရင်းမြစ်များ

2 Crón 29:34

Jak'a ri e sacerdote e juba' ok y man yeruben ta richin yekichojmirisaj konojel ri chikopi' richin yeporox. Roma ri' k'o chi xeto'ox koma ri ch'aqa' chik levita k'a toq xk'achoj na ri samaj, rokik ri ch'aqa' chik e sacerdote xkich'ajch'ojirisaj-ki'. Kere' xbanatej roma ri e levita k'o más rayibel kik'in richin xkich'ajch'ojirisaj-ki' chikiwech ri e sacerdote.

Ex 12:6

Rix kan ke'iwilij k'a apo ri taq chikopi' ri', richin ri q'ij kajlajuj, richin re ik' re'. Toq niqaqa yan qa ri q'ij, jari' toq chi'iwonojel rix xke'ikamisaj ri taq chikopi' ri e icha'on.

San Juan 11:55

Jari' k'a toq napon yan ri q'ij richin nikinataj toq ri Dios xuya' ri Solbelri'il. Roma ri' kan janila yan k'a e k'iy winaqi' ri xe'el-pe pa taq kitinamit, richin xebe pa Jerusalem. Kan xebe yan k'a roma k'o chi nibekich'ajch'ojirisaj-ki' chuwech ri Dios.

Ez 44:11

Man rik'in ri' ri levita ri' nuya'on q'ij chike richin nikiben ch'aqa' chik samaj pa wachoch. Ja rije' ri xkechajin ri ruchi' ri wachoch y xkekikamisaj ri chikopi' ri yeporox jumul y ch'aqa' chik kamelabel. Chuqa' rije' xtikinaba-ki' richin yekisamajij ri iwinaq.

Wuj Richin ri Q'axanri'il 9:7

xbekibij chike: Roj man oj ch'ajch'oj ta roma xqaneq ruch'akul jun kamineq. ¿Man ruk'amon ta k'a richin niqanimaq'ijuj ri q'ij ri' junan kik'in ri kan oj rijatzul kan ri Israel, richin niqasuj ri sipanik chuwech ri Jehová pa ruq'ijul?, xecha'