2 Crón 30:15 - Kaqchiquel Bible

¹⁵ Chupan k'a ri q'ij kajlajuj chire ri ruka'n ik' chire ri juna', ri winaqi' xkikamisaj k'a ri karne'l ri nikikusaj chupan ri nimaq'ij ri'. Roma ri' ri e sacerdote, y ri e levita kan janila k'a xek'ixbitej, y jari' toq xbekich'ajch'ojirisaj-pe-ki', y xkik'en-pe ri chikop richin niporox chijun.

2 Crón 30:15 ပူးပေါင်းရင်းမြစ်များ

2 Crón 29:34

Jak'a ri e sacerdote e juba' ok y man yeruben ta richin yekichojmirisaj konojel ri chikopi' richin yeporox. Roma ri' k'o chi xeto'ox koma ri ch'aqa' chik levita k'a toq xk'achoj na ri samaj, rokik ri ch'aqa' chik e sacerdote xkich'ajch'ojirisaj-ki'. Kere' xbanatej roma ri e levita k'o más rayibel kik'in richin xkich'ajch'ojirisaj-ki' chikiwech ri e sacerdote.

2 Crón 31:18

Chupan ri wuj ri' tz'iban kan kibi' konojel ri ixjayilonela', ri neneya', y konojel ri ch'aqa' chik alk'ualaxela'. Kere' xbanatej roma ri e levita kan rik'in ronojel kánima kijachon-ki' chubanik ri samaj.

2 Crón 30:24

Y roma ri' ri Ezequías, rey richin Judá, xusipaj chike ri winaqi' e 1,000 nima-alaji' achija' taq wákix y e 7,000 karne'l y tzuntzun. Chuqa' ri e tata'al xkisipaj chike ri winaqi' e 1,000 alaji' achija' taq wákix y e 10,000 karne'l y tzuntzun. Y k'ari' e k'iy chik sacerdote ri xkich'ajch'ojirisaj-ki'.

2 Crón 29:15

Ri nabey xkiben, ja ri xekimol ri ch'aqa' chik kach'alal. Y k'ari' xkich'ajch'ojirisaj-ki' konojel, y xe'ok-apo chupan ri rachoch ri Jehová richin xkich'ajch'ojirisaj, roma keri' xubij ri rey, achi'el ri xbix chire roma ri Jehová.

2 Crón 5:11

Konojel ri e sacerdote kan xkich'ajch'ojirisaj yan ki' stape' man jani tapon ri q'ij richin kisamaj. Konojel ri sacerdote ri' xe'el-pe chiri' chupan ri k'ak'a' rachoch ri Jehová.

Ex 19:22

Chuqa' ri sacerdote kan tikijacha-ki' pa nusamaj yin y wi man xtikiben ta, kan xkenk'is k'a, xcha' ri Jehová.

Ex 19:10

Y k'ari' ri Jehová xubij chik k'a chire ri Moisés: Kabiyin kik'in ri awinaq y tabana' k'a chike chi kan tikijacha-ki' chuwe yin chupan re q'ij re' y ri q'ij chua'q. Chuqa' kan tikich'aja' ri kitziaq.

Wuj Richin ri Q'axanri'il 9:11

K'o k'a chi ninimaq'ijuj chupan ri q'ij kajlajuj chire ri ruka'n ik', toq nok yan qa ri aq'a'. Y chuqa' k'o chi nikitej ri kaxlan-wey ri maneq ch'amilej-q'or rik'in, y ri k'ayilej-ichaj.

2 Crón 30:2

Ri rey toq xeruk'ulubej yan ri e tata'al y konojel ri winaqi' aj-Jerusalem, xkich'ob chi ja ri ruka'n ik' nikiben ri nimaq'ij ri'.

2 Crón 30:3

Xkich'ob nikinimaq'ijuj k'a chupan ri q'ij ri' roma man e k'iy ta sacerdote kich'ajch'ojirisan-ki', y chuqa' ri winaqi' man jani tikimol-ki' chiri' pa Jerusalem.

Wuj Richin ri Esdras 6:20

Ri e sacerdote y ri e levita kan xkich'ajch'ojirisaj k'a ki' achi'el nubij ri pixa'. K'ari' ri e levita xkisuj k'a ri kamelabel richin ri nimaq'ij ri', koma rije', ri e sacerdote y konojel ri ch'aqa' chik winaqi' ri xetzolin pa Jerusalem.

2 Crón 29:32

Y jare' k'a ri kajlabal ri chikopi' ri xekik'en-pe ri winaqi' richin xeporox chijun: oxk'al lajuj bóyix, wok'al achija' karne'l, y 200 alaji' taq karne'l. Ronojel k'a re' richin xeporox chijun chuwech ri Jehová.

2 Crón 30:13

Y kan keri' ri xkiben. Kan e janila k'a e k'iy ri xkimol-ki' chupan ri ruka'n ik' chiri' pa Jerusalem richin xkinimaq'ijuj ri q'ij toq nitij ri kaxlan-wey ri maneq ch'amilej-q'or rik'in.

2 Crón 35:6

Ke'ikamisaj k'a ri taq chikopi' richin re nimaq'ij re', tich'ajch'ojirisaj-iwi' y kan tichojmirisaj k'a ronojel, richin keri' ri iwach'alal yetikir nikitaqej achi'el rubin kan ri Jehová chire ri Moisés, xcha'.