2 Crón 30:14 - Kaqchiquel Bible

¹⁴ Xekiwulaj k'a el ronojel ri ch'aqa' chik porobel richin chikop y richin pom ri ek'o chiri' pa Jerusalem, y k'ari' xebek'aq kan pa siwan ri akuchi niq'ax-wi ri ch'uti'n raqen-ya' Cedrón.

2 Crón 30:14 ပူးပေါင်းရင်းမြစ်များ

2 Crón 28:24

Ri Acaz kan xerumol ruchi' ronojel samajibel richin ri rachoch ri Dios, y kan xerupaxila' kan, y xutz'apej k'a ruchi' ri rachoch ri Jehová, y xubij chi keban k'iy porobel kichin ri ch'aqa' chik dios ri chiri' pa Jerusalem.

2 Crón 29:16

Xe'ok k'a apo ri e sacerdote chupan ri rachoch ri Jehová richin xkich'ajch'ojirisaj. Y xkelesaj k'a pe chuwa-jay ronojel ri man utz ta ri ek'o chiri' chupan ri rachoch ri Jehová. Y ri e levita xkik'uaj-el ronojel richin xbekik'aqa' kan k'a pa siwan ri akuchi niq'ax-wi ri ti ch'uti'n raqen-ya' Cedrón.

2 Crón 15:16

Y chuqa' xuben chire ri Maacá ri rati't chi xel-pe chupan ri q'atbel-tzij, roma rija' rubanon-q'anej jun itzel ruwachibel Asera. Ri Asá xuwulaj-el ri wachibel ri', y k'ari' xberuboxo' pa q'aq' chuchi' ri siwan ri napon-qa pa ch'uti'n raqen-ya' Cedrón.

2 Sam 15:23

Konojel k'a ri winaqi' ri xek'oje' kan pa tinamit janila xe'oq' rik'in janila q'axo'n, rokik xeq'ax ri David y ri ruwinaq pa ti ch'uti'n raqen-ya' Cedrón. Y rije' xeq'ax pa ruchojmilal ri tz'iran ruwach'ulew ri k'o pa relebel-q'ij.

San Juan 18:1

Toq ri Jesús rubin chik k'a ronojel re', rija' e rachibilan ri rutijoxela' xel-pe. K'ari' xebe k'a juk'an ruchi' ri ti ch'uti'n raqen-ya' Cedrón, akuchi k'o jun qejoj, y chiri' k'a xe'ok-apo.

2 Crón 34:7

Y xeruwulaj k'a kan ronojel porobel, ronojel ri paban-che' richin ri Asera y ronojel ri ch'aqa' chik wachibel e paban. Ronojel re' xeruk'ajij kan y xuben poqolaj chike. Keri' chuqa' xeruwulaj kan ronojel ri porobel-pom. Y chirij ronojel re' xtzolin pa Jerusalem.

2 Crón 34:4

Y xeruwulaj k'a el ri porobel kichin ri Baal, y xeruk'ajij ri porobel-pom ri e ya'on pa ruwi' ri porobel ri'. Chuqa' xerupaxij ri paban-che' richin ri Asera, ri ch'aqa' chik wachibel ri e paban, y ri wachibel ri e ya'erisan pa q'aq'. Ronojel re' kan xuben k'a poqolaj chike, y k'ari' xberujopij kan pa kiwi' ri akuchi e muqun-wi ri winaqi' ri xesuju kamelabel chiri'.

2 Rey 18:22

Y wi rix nibij chuwe chi k'o nimabel-ik'u'x rik'in ri Jehová ri i-Dios, ¿man xrelesaj ta kami ri Ezequías ri akuchi niya'ox-wi ruq'ij ri Dios y akuchi nisuj kamelabel chuwech Rija', y xubij chi ri winaqi' aj-Judá y aj-Jerusalem nikiya' ruq'ij ri Dios xaxe pa ruwi' ri porobel ri k'o pa Jerusalem?

2 Crón 32:12

¿Man xerelesaj ta kami el rija' ri akuchi niya-wi kiq'ij ri i-dios ri ek'o pa ruwi' taq juyu', y chuqa' xeruwulaj-el ri porobel, y xubij chiwe rix winaqi' aj-Judá y aj-Jerusalem, richin tiporoj pom xaxe pa ruwi' jun porobel y tiya' ruq'ij ri i-Dios chiri'?

2 Crón 34:3

Chupan k'a ri waqxaqi' juna' chire ri ruq'atbal-tzij, rija' kan k'a ala' na. Man rik'in ri', kan xukanoj k'a ri ru-Dios ri David ri rumama'. Y chupan k'a ri kablajuj juna' chire ri ruq'atbal-tzij xuchop rujosq'ixik ri tinamit Jerusalem y chijun ri Judá, chire ri akuchi nikiya-wi kiq'ij ri wachibel ri pa ruwi' taq juyu', ri paban-che' richin Asera, ri wachibel e paban y ri wachibel ri e ya'erisan pa q'aq'.

Wuj Richin ri Isaías 36:7

Rix rik'in juba' nibij chuwe chi xaxe rik'in ri Jehová ikuquban-wi ik'u'x. Jak'a ri Ezequías xa kan xerelesaj yan el ri akuchi niya-wi ruq'ij rija' pa kiwi' taq juyu', y chuqa' ri porobel. Y xubij chiwe chi xtiya' ruq'ij xaxe pa ruwi' ri porobel ri k'o wawe' pa Jerusalem.