2 Crón 30:12 - Kaqchiquel Bible

¹² Chuqa' pa ruwach'ulew Judá, ri Dios kan xusiloj k'a ri kánima ri winaqi' richin tikibana' ri rubin kan rija' chire ri rey y ri e tata'al.

2 Crón 30:12 ပူးပေါင်းရင်းမြစ်များ

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Filipenses 2:13

Roma ri Dios jari' ri nisamej pa taq iwánima, y nuya' ri rayibel chiwe chi niben ri niqa' chuwech rija'. Y kan nuya' chuqa' iwuchuq'a' richin yixtikir niben.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Wuj Richin Bix Chire ri Dios 110:3

Y ri chiri' toq rat xkabe pan oyowal, ri aj-labal xtikisuj-ki' richin xkebe chawij. Y rije' kan xtikitz'apej ruwech ri ruwach'ulew roma janila e k'iy, achi'el ri raxq'ab ri niqaqa toq k'a man ja ni niseqer-q'anej,

Ez 36:26

Kan xtinwelesaj-el ri kow iwánima ri achi'el abej rubanon y xtinya' jun iwánima ri kan k'es, richin nimey-tzij. Kan keri' k'a xtinya' jun k'ak'a' iwánima ri más ch'uch'uj.

2 Crón 29:36

Y ri Ezequías y konojel ri winaqi' kan janila k'a xekikot, roma ri Dios xeruto' richin chi'anin xek'achoj chujosq'ixik chijun ri rachoch.

2 Crón 29:25

Chuqa' ri Ezequías xeruya' pa rachoch ri Jehová, ri e levita richin xkiq'ojomaj jalajoj ruwech taq q'ojom: Ri platillo, ri salterio y ri arpa. Keri' xuben roma ri Dios kan keri' ri xubij kan chike ri David, chire ri Gad ri nitz'eton ri peteneq, y chire ri Natán ri q'alajirisey ruch'abel ri Dios.

1 Tesalonicenses 4:2

Rix jebel iwetaman achike ri xqabij chiwe, ri k'o chi niben. Y roj xqabij keri' chiwe, roma kan keri' bin kan roma ri ajaw Jesucristo.

Hechos 4:19

Jak'a ri Pedro y ri Juan xech'on-apo, y xkibij chike: Tibij k'a chiqe: ¿Achike ta kami nubij ri Dios, xa ta ja ri nibij rix ri niqaben, y man niqaben ri nubij rija'?

Wuj Richin ri Esdras 7:27

K'ari' ri Esdras xch'on rik'in ri Dios y xubij chire: Janila utz ruwa-aq'ij rat Jehová ri qa-Dios, ri chuqa' ki-Dios ri qati't-qamama'. Rat xaya' pa ránima ri rey, richin niya'ox aq'ij chupan ri awachoch, ri k'o pa Jerusalem.

Deut 4:2

Man tiya' ni man tiwelesaj ruwi' ri pixa' ri ninbij chiwe, kan titaqej k'a ri nubij ri Jehová ri qa-Dios re ninya' chiwe wakami.

2 Corintios 3:5

Man niqabij ta chi roma roj k'iy yojtikir niqaben, man keri' ta. Jak'a roma ri Dios kan nuya' quchuq'a' chubanik.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

Hebreos 13:21

xtuya' ta k'a ronojel rutzil chiwe, y xkixtikir ta xtiben ri utzilej taq banobel richin niben ri rurayibel rija'. Y nuben ta qik'in roj ri niqa' chuwech rija' rik'in ri rusamaj ri Jesucristo ri ruk'amon chi nuk'ul ruq'ij-ruk'ojlen richin jantape'. Keri' ta k'a.

2 Crón 29:15

Ri nabey xkiben, ja ri xekimol ri ch'aqa' chik kach'alal. Y k'ari' xkich'ajch'ojirisaj-ki' konojel, y xe'ok-apo chupan ri rachoch ri Jehová richin xkich'ajch'ojirisaj, roma keri' xubij ri rey, achi'el ri xbix chire roma ri Jehová.

2 Crón 8:15

Y kan man xkijech'ej ta kan ki', chire ri ruchojmilal ri ruya'on ri Salomón pa kiwi' ri e sacerdote y ri e levita, y keri' chuqa' xkiben rik'in ri beyomel richin ri rachoch ri Jehová,