2 Crón 30:10 - Kaqchiquel Bible

¹⁰ K'ari' ri e uk'uey rutzijol xebe y xeq'ax-el chupan ri kitinamit ri Efraín y ri Manasés y xe'apon k'a pa kiruwach'ulew ri Zabulón. Jak'a ri winaqi' xa xetze'en chikij y kan xekiyojobej k'a.

2 Crón 30:10 ပူးပေါင်းရင်းမြစ်များ

2 Crón 36:16

Jak'a rije' xa xetze'en chikij ri e rutaqon ri Dios, xa xketzelaj ri ruch'abel y xeyojoben chikij ri e q'alajirisey ruch'abel. Y roma ri' ri Jehová xpe royowal chirij ri rutinamit, y rije' kan man jun chik xetikir xkiben.

2 Crón 30:6

Y keri' ri rey xeruteq k'a el ri e taluy wuj richin nibekiya' kan chupan chijun ri ruwach'ulew Israel y chuqa' chupan chijun ri ruwach'ulew Judá. Y kere' nubij ri wuj: Rix ri ix rijatzul kan ri Israel, titzolin-pe ik'u'x rik'in ri Jehová ri qa-Dios, y ri ki-Dios ri Abraham, ri Isaac y ri Israel, richin rija' xtitzolin-pe ruk'u'x iwik'in ri k'a ixk'o kan, rix ri xixkolotej kan pa kiq'a' ri rey richin Asiria.

Hebreos 11:36

Ek'o ch'aqa' chik ri xetze'ex y xech'ay, ek'o xexim rik'in cadena, y xetz'apex pa taq cárcel.

Hechos 17:32

Toq ri winaqi' xkak'axaj chi k'o Jun ri xk'astej-pe chikikojol ri kaminaqi', xa xetze'en-apo chirij ri Pablo. Y ek'o xebin chire chi k'a xketzijon na chik jun bey.

San Lucas 23:35

Ri Jesús tzuliben k'a apo koma janila winaqi' y koma chuqa' ri achi'a' ri kan yeq'aton-wi-tzij. Y konojel k'a re winaqi' re' nikitze'ej-apo, y nikibila': Rija' e k'iy xerukol. Wakami tukolo' k'a ri' ruyon, wi kan qitzij chi ja rija' ri Cristo ri cha'on roma ri Dios, yecha'.

San Lucas 16:14

Toq ri fariseo xkak'axaj k'a ri xubij ri Jesús, xa xkiyojobej, roma rije' kan beneq kánima chirij ri beyomel.

San Lucas 8:53

Jak'a rije' xa xetze'en chirij ri Jesús, roma ketaman chi xa kamineq chik ri ti xten ri'.

Wuj Richin ri Achin Job 12:4

Yin in jun chike ri xa nitze'ex koma ri rachibil; jun ri xch'on-q'anej rik'in ri Dios, y xk'ulubex-pe ri ruch'abel. Man rik'in ri', ri choj y tz'aqet ruk'aslen kan nitze'ex koma ri rachibil.

Wuj Richin ri Achin Job 9:25

Ri q'ij richin ri nuk'aslen xa kan anineq beneq achi'el jun aninel; anineq beneq y man jun kikoten ninwil.

Ester 8:14

Ri e ya'ol rutzijol xekich'okolibej-el kiej ri janila yebiyin richin chi'anin xkik'uaj-el ri utzilej rutzijol ri xuya-el ri rey, y re' xtalutej chupan chijun ri tinamit Susa.

Ester 8:10

Ri wuj ri' xtz'ibex-el pa rubi' ri rey Asuero y xtz'apex-el-rij rik'in ri retal ri ruq'atbal-tzij ri k'o chuwi-ruq'a' ri rey. Y ri xe'uk'uan-el ri wuj ri', xech'oke-el chikij kiej ri kan janila yebiyin, richin xbekiya' ri rutzijol chi'anin.

Ester 3:15

Y chi'anin k'a xetalux ri wuj ri' pa ronojel tinamit. Y chuqa' chiri' pa tinamit Susa, ri rey xutaluj rutzijol. Chirij ri' ri rey y ri Amán xetz'uye' richin xenimaq'ijun; jak'a ri winaqi' richin ri tinamit Susa xa xsach kik'u'x.

Ester 3:13

Xetaqalox k'a el ri wuj pa ronojel tinamit ri ek'o chuxe' ri ruq'atbal-tzij ri rey. Y chupan ri wuj nubij k'a chi chupan ri q'ij oxlajuj chire ri ik' Adar, kan pa jun q'ij kek'is konojel ri winaqi' judío; chi rijita'q, chi achi'a', chi ixoqi', chi alaboni', y chi ak'uala'. Y ronojel ri kibeyomel nok kan kichin ri winaqi' ri xkekamisan.

Wuj Richin ri Nehemías 2:19

Jak'a toq xkak'axaj ri Sambalat, ri Tobías y ri Guésem. Xojkitze'ej, xojkiyojobej, y xkibij k'a chiqe: ¿Achike chik k'a ri niben rix? ¿Rix kan niwajo' yixyakatej chirij ri rey Artajerjes?, xecha'.

Wuj Richin ri Rutikeribel 19:14

K'ari' ri Lot xeberutz'eta' ri xke'ok ruji', ri alaboni' ri achoq chike xeyatej yan el ri rumi'al, y xubij chike: Jo', qojel-el re wawe' chupan re tinamit re', roma ri Jehová xtiberuk'isa' re tinamit re', xcha' chike. Jak'a rije' xkich'ob chi xa yeruq'ol.

2 Crón 34:9

Rije' xebe rik'in ri nimalej sacerdote Hilquías richin xbekijacha' y richin niyak kan chiri' ri méro ri xkimol ri e levita ri e chajiy ruchi' ri rachoch ri Jehová. Y ri méro ri' xkimol-pe pa kiruwach'ulew ri aj-Manasés, aj-Efraín y kik'in ri ch'aqa' chik winaqi' ri k'a ek'o kan pan Israel, y chuqa' kik'in konojel aj-Judá, ri aj-Benjamín y ri aj-Jerusalem.

Wuj Richin ri Jeremías 38:19

K'ari' ri rey Sedequías xubij chuwe chi rija' nuxibij-ri' chikiwech ri aj-Judá, ri xeq'ax-apo kik'in ri aj-Babilonia y wi xtujech-ri' pa kiq'a', rije' kan xtikich'ey janila.