2 Crón 30:1 - Kaqchiquel Bible

¹ K'ari' ri Ezequías xuteq rubixik chike ri winaqi' richin ri ruwach'ulew Israel y ri ruwach'ulew Judá chi kepe pa rachoch ri Jehová pa Jerusalem richin nikinimaq'ijuj ri q'ij toq ri Jehová xuya' ri Solbelri'il. Y chuqa' xuteq koyoxik ri aj-Efraín y ri aj-Manasés richin yek'oje' chupan ri nimaq'ij ri'.

2 Crón 30:1 ပူးပေါင်းရင်းမြစ်များ

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Os 5:4

Ri itzel taq kibanobal, man nuya' ta q'ij chike richin nitzolej-pe kik'u'x wik'in yin, ri ki-Dios. Xa kan xaxe k'a ch'obonik richin etzelal ri k'o chikikojol. Roma ri' xkimestaj nuwech yin Jehová.

2 Crón 35:6

Ke'ikamisaj k'a ri taq chikopi' richin re nimaq'ij re', tich'ajch'ojirisaj-iwi' y kan tichojmirisaj k'a ronojel, richin keri' ri iwach'alal yetikir nikitaqej achi'el rubin kan ri Jehová chire ri Moisés, xcha'.

2 Crón 25:7

Jak'a jun q'alajirisey ruch'abel ri Dios ri xapon rik'in, y xubij chire: Wajaw, man ke'awachibilaj-el ri achi'a' ri' ri e richin ri tzobaj Efraín, roma ri Jehová xa man k'o ta kik'in ri aj-Israel.

2 Crón 11:16

Toq ri e sacerdote y ri e levita xe'el-pe pa ruwach'ulew Israel, chuqa' konojel ri winaqi' israelita ri kan rik'in ronojel kánima nikikanoj ri Jehová, xepe pa Jerusalem junan kik'in rije', richin nikisuj kamelabel chuwech ri Jehová, ri ki-Dios y ri Dios kichin ri kite-kitata'.

2 Crón 11:13

Konojel k'a ri e sacerdote y ri e levita ri ek'o pa ruwach'ulew Israel ri k'o pa xaman, xepe richin xjunamatej-kiwech rik'in ri rey Roboam.

Wuj Richin ri Josúe 14:4

Ri e ruk'ajol kan ri José ka'i' tzobaj kibanon; ri jun tzobaj ja ri richin ri Manasés y ri jun chik tzobaj ja ri richin ri Efraín. Jak'a ri tzobaj richin ri Leví man jun ri xkichinaj kan richin yetikonej chuwech; ri xkichinaj kan rije' xaxe jujun tinamit richin yek'oje-wi y juba' kisoq'olbal richin ri kiwákix y ri kikarne'l.

2 Crón 29:36

Y ri Ezequías y konojel ri winaqi' kan janila k'a xekikot, roma ri Dios xeruto' richin chi'anin xek'achoj chujosq'ixik chijun ri rachoch.

2 Crón 30:2

Ri rey toq xeruk'ulubej yan ri e tata'al y konojel ri winaqi' aj-Jerusalem, xkich'ob chi ja ri ruka'n ik' nikiben ri nimaq'ij ri'.

Wuj Richin ri Jeremías 29:1

Chirij re' yin xintz'ibaj-el jun wuj re wawe' pa Jerusalem richin xinteq-el chike ri aj-Judá ri e uk'uan-el roma ri Nabucodonosor rey richin ri ruwach'ulew Babilonia. Y ri xek'ulu ja ri achi'a' ri k'o kiq'ij, ri sacerdote, ri e q'alajirisey ruch'abel ri Dios y ri ch'aqa' chik winaqi'.

2 Rey 23:22

Y man jun bey k'a banatajineq jun nimaq'ij ri keri', ni toq xeq'aton-tzij ri e chojmirisey ri yebanatej, ni toq xek'oje' ri ch'aqa' chik rey chiri' pan Israel y pa Judá.

2 Crón 29:24

Y k'ari' ri e sacerdote xekikamisaj-qa ri chikopi' y ri kikik'el xkiya' pa ruwi' ri porobel richin xkuyutej kimak. Y keri' ri Jehová xuk'en chik kiwech jun bey konojel israelita, roma ri rey xubij chi ri chikopi' ri' yeporox richin nikuyutej kimak konojel israelita.