2 Crón 3:8 - Kaqchiquel Bible

⁸ Chuqa' xuben ri jay ri akuchi nik'oje-wi ri Jehová, y ri raqen, xuya' wo'o' jaj rik'in nik'aj, keri' chuqa' ri ruwech, wo'o' jaj rik'in nik'aj; y k'ari' xutz'apej-rij rik'in q'anapueq y richin ri' xukusaj jubama 450 quintal.

2 Crón 3:8 ပူးပေါင်းရင်းမြစ်များ

Ex 26:33

Rije' kan xtikitzeqeba' k'a ri tzieq tasbel ri', rik'in ri taq rutzeqebal y ri chirij-apo chiri' xtikiya-wi ri káxa ri q'alajirisabel richin ri tununri'il. Ri tzieq tasbel, jari' ri xtik'oje' chukojol ri loq'olej y ri janila loq'olej chire ri wachoch.

Hebreos 10:19

Qach'alal, ri Jesús kan xken y xbiyin rukik'el qoma roj, y roma ri' toq kuqul qak'u'x yojjel-apo ri akuchi janila loq'olej rik'in ri Dios.

Hebreos 9:9

Y ronojel re' nuk'exewachuj ri yebanatej re q'ij re'. Roma ri chikopi' y ri ch'aqa' chik ri yekisuj chire ri Dios ri chiri', man yetikir ta nikiben chike ri winaqi' chi choj ta ri kánima chuwech ri Dios.

Hebreos 9:3

Chirij ri tasbel rupan ri jay k'o ri akuchi kan janila loq'olej y man jun wineq nitikir nok-apo.

1 Rey 6:16

Chupan ri nima-jay ri' xuben k'a jun rutaslen, richin xuben chik kan jun ti jay ri chirij-qa. Y xuben chi wo'o' jaj rik'in ka'i' q'a'aj raqen y wo'o' jaj rik'in ka'i' q'a'aj ruwech. Ri ti jay ri' xut'ajajej chuqa' rik'in tz'alem tiox-che', nitiker-el pan ulew y napon k'a chikaj-q'anej. Keri' k'a xban ri jay ri akuchi kan man jun wineq nok-apo roma chiri' k'o-wi ri Jehová.

Ez 41:4

Xeri' rija' xretaj rupan ri jay y waqi' jaj ruwech y waqi' jaj raqen. Y ri jay ri' jari' ri akuchi kan man jun wineq nok-apo, kan xaxe ri Dios.