2 Crón 3:4 - Kaqchiquel Bible

⁴ Ri corredor ri k'o pan okibel chire ri rachoch ri Dios k'o k'a wo'o' jaj rik'in nik'aj ri ruwech, junan rik'in ri ruwech ri jay, y ri rujotolen chuqa' k'o wo'o' jaj rik'in nik'aj. Y rija' kan xutz'apej k'a rij rik'in q'anapueq ri jebel ch'ajch'oj ronojel ruwech ri jay ri',

2 Crón 3:4 ပူးပေါင်းရင်းမြစ်များ

1 Rey 6:3

Ri corredor ri k'o-pe chuwech ri ruchi' ri rachoch ri Dios, k'o k'a wo'o' jaj rik'in ka'i' q'a'aj raqen y ka'i' jaj rik'in nik'aj ri ruwech.

2 Crón 29:17

Xkichop k'a ruch'ajch'ojirisaxik chupan ri q'ij ri', ri nabey q'ij chire ri nabey ik', y toq xapon ri waqxaqi' q'ij chire ri ik' ri', xek'achoj chujosq'ixik chijun rupan ri jay y xe'apon yan chupan ri ruwa-jay. Ri ruwa-jay xkich'ajch'ojirisaj chupan waqxaqi' chik q'ij, y xkik'achojirisaj ronojel chupan ri q'ij waqlajuj chire ri ik' ri'.

Ez 40:48

Chuqa' ri achin xiruk'uaj-el k'a pan okibel richin ri rachoch, akuchi k'o jun jay ri k'o chi naq'axaj richin yatok pa rachoch ri Dios. Ri retabal re jay re' waqi' jaj ruwech y oxi' jaj rik'in oxi' q'a'aj raqen. Ri ruchi-jay kaji' jaj rik'in jun q'a'aj ruwech y ek'o ka'i' pilar pa taq ruxikin. Y ri ruwech chikijujunal ri pilar ri' jun jaj y ri rupimil k'o jun jaj rik'in jun q'a'aj. Y richin yatok chupan ri jay ri' k'o chi yajote-q'anej pa grada.

San Juan 10:23

Ri Jesús k'o k'a apo chupan ri rachoch ri Dios. Y pa jun corredor ri rubini'an Richin ri Salomón, chiri' k'a nibiyajilan-wi.

Hechos 3:11

Ri achin ri' e ruchapapen k'a ri Pedro y ri Juan. Y janila chi winaqi' ri xebe chi'anin chikitz'etik ri chiri' chuwa-jay richin ri rachoch ri Dios, ri rubini'an Ruwa-jay richin Salomón. Y ri winaqi' ri' janila xkimey.

Hechos 5:12

Ri e taqon roma ri Cristo janila k'a k'iy meyel taq banobel y retal ri yekibanala' chikiwech ri winaqi'. Y ri kan kikuquban kik'u'x rik'in ri Dios, junan k'a kiwech nikimol-ki' chiri' chuwa-jay richin ri rachoch ri Dios, ri rubini'an Ruwa-jay richin Salomón.