2 Crón 29:5 - Kaqchiquel Bible

⁵ Y xubij chike: Rix levita kiniwak'axaj: Tich'ajch'ojirisaj k'a iwi', y tich'ajch'ojirisaj k'a ri rachoch ri Jehová, ri qa-Dios roj y ri ki-Dios kan ri qati't-qamama'. Tiwelesaj-pe chiri', ronojel ri man e ch'ajch'oj ta.

2 Crón 29:5 ပူးပေါင်းရင်းမြစ်များ

2 Crón 35:6

Ke'ikamisaj k'a ri taq chikopi' richin re nimaq'ij re', tich'ajch'ojirisaj-iwi' y kan tichojmirisaj k'a ronojel, richin keri' ri iwach'alal yetikir nikitaqej achi'el rubin kan ri Jehová chire ri Moisés, xcha'.

1 Crón 15:12

y xubij chike: Rix ri aj-raqen pa kiwi' ri e aj pa kachoch ri e levita; tich'ajch'ojirisaj-iwi', y keri' chuqa' ri iwach'alal, richin niq'axaj ri káxa chupan ri rachoch ri xinben.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

2 Crón 29:34

Jak'a ri e sacerdote e juba' ok y man yeruben ta richin yekichojmirisaj konojel ri chikopi' richin yeporox. Roma ri' k'o chi xeto'ox koma ri ch'aqa' chik levita k'a toq xk'achoj na ri samaj, rokik ri ch'aqa' chik e sacerdote xkich'ajch'ojirisaj-ki'. Kere' xbanatej roma ri e levita k'o más rayibel kik'in richin xkich'ajch'ojirisaj-ki' chikiwech ri e sacerdote.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Ez 8:3

Y ri wineq ri' xuya' k'a pe ri ruq'a' chuwe y xirujik'-el chirusumal-nuwi' y rik'in uchuq'a' xirutzeqej-el chikaj. Y pa jun achi'el achik' xiruk'uaj k'a pa rachoch ri Jehová ri k'o k'a pa Jerusalem, ri akuchi k'o-wi ri okibel ri k'o pa xaman chire ri ruwa-jay ri k'o-apo. Y chiri' k'o jun ruwachibel jun dios ri kibanon ri winaqi', ri niyako royowal ri Jehová.

Ex 19:15

K'ari' rija' xubij chike: Kan tichojmirisala' k'a apo iwi' richin ri pa rox apo q'ij. Man kixk'oje' kik'in ri iwixjayilal, xcha'.

Ex 19:10

Y k'ari' ri Jehová xubij chik k'a chire ri Moisés: Kabiyin kik'in ri awinaq y tabana' k'a chike chi kan tikijacha-ki' chuwe yin chupan re q'ij re' y ri q'ij chua'q. Chuqa' kan tikich'aja' ri kitziaq.

2 Crón 29:4

K'ari' xeroyoj k'a ri e sacerdote y ri ch'aqa' chik levita. Xerumol k'a chiri' chupan ri nima-ruwech bey richin molojri'il ri k'o pa relebel-q'ij chire ri rachoch ri Dios.

Wuj Richin ri Nehemías 13:9

Y xinbij chi tich'ajch'ojirisex jebel ri jay ri', y keya'ox jun bey chik pa kik'ojelibal ri samajibel richin ri rachoch ri Dios, y chuqa' ri sipanik y ri pom.

Joel 2:16

Kan tikich'ajch'ojirisaj-ki' richin ri molojri'il. Ke'imolo' ri e rijita'q taq achi'a' ri k'o kiq'ij; chuqa' ri ak'uala' y ri k'a yetz'uman. Chuqa' ke'el-pe pa kachoch ri k'a juba' kek'ule'.

Wuj Richin ri Nehemías 12:30

Y ri sacerdote y ri levita xkich'ajch'ojirisaj-ki' kan achi'el nubij ri pixa'. Keri' chuqa' xkiben kik'in ri winaqi' ri e richin ri tinamit y keri' chuqa' xkiben rik'in ri tz'aq y ri ruchi'.

Wuj Richin Bix Chire ri Dios 93:5

Nimalej Jehová, ri apixa' rat kan jari' k'a ri choj. Ri ruch'ajch'ojil kan jari' ri ruk'amon chire ri awachoch. Kan keri' k'a nimalej Jehová, tibe-q'ij tibe-seq.

Ez 8:6

Y xubij: Rat Ezequiel, ¿natz'et kami la nikiben ri awinaq israelita? Ri banobel ri' kan man niqa' ta chinuwech yin y re' nuben chuwe richin ninya' kan ri wachoch. Y pa ruwi ri'; xa kan ek'o chik ch'aqa' ri kan más e k'ayew, xcha'.