2 Crón 29:3 - Kaqchiquel Bible

³ Ja rija' ri xjaqon chik ri ruchi' ri rachoch ri Jehová y xeruchojmirisala'. Y re' xuben chupan ri nabey ik' chire ri nabey juna' chire ri ruq'atbal-tzij.

2 Crón 29:3 ပူးပေါင်းရင်းမြစ်များ

2 Crón 28:24

Ri Acaz kan xerumol ruchi' ronojel samajibel richin ri rachoch ri Dios, y kan xerupaxila' kan, y xutz'apej k'a ruchi' ri rachoch ri Jehová, y xubij chi keban k'iy porobel kichin ri ch'aqa' chik dios ri chiri' pa Jerusalem.

2 Crón 29:7

Xa xekichup kan ri lámpara y man xkiporoj ta chik pom. Xa xkitz'apej k'a kan ri ruchi' ri jay. Keri' chuqa' xkitanaba' rusujik ri chikopi' ri yeporox pa ruwi' re porobel re k'o wawe' chuwa-jay.

Gálatas 1:16

Y kan rurayibel-wi k'a richin xuq'alajirisaj ri Jesucristo ri ruk'ajol chinuwech; roma ri Dios kan in rucha'on richin ninbentzijoj ri Jesucristo chike ri ch'aqa' chik winaqi' ri man e nuwinaq ta. Y toq ri Dios ruq'alajirisan chik ri Jesucristo chinuwech, man xibe ta rik'in jun wineq richin xinwetamaj más.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.

Wuj Richin Bix Chire ri Dios 101:3

Kan man xkentzu' ta k'a ri xa man e choj ta; ri kibanobal ri nikich'er kan ki' awik'in kan ninwetzelaj. Kan man xtinya' ta k'a q'ij chi jun chike rije' xtijel-pe wik'in.

2 Crón 34:3

Chupan k'a ri waqxaqi' juna' chire ri ruq'atbal-tzij, rija' kan k'a ala' na. Man rik'in ri', kan xukanoj k'a ri ru-Dios ri David ri rumama'. Y chupan k'a ri kablajuj juna' chire ri ruq'atbal-tzij xuchop rujosq'ixik ri tinamit Jerusalem y chijun ri Judá, chire ri akuchi nikiya-wi kiq'ij ri wachibel ri pa ruwi' taq juyu', ri paban-che' richin Asera, ri wachibel e paban y ri wachibel ri e ya'erisan pa q'aq'.

2 Crón 29:4

K'ari' xeroyoj k'a ri e sacerdote y ri ch'aqa' chik levita. Xerumol k'a chiri' chupan ri nima-ruwech bey richin molojri'il ri k'o pa relebel-q'ij chire ri rachoch ri Dios.

2 Crón 29:17

Xkichop k'a ruch'ajch'ojirisaxik chupan ri q'ij ri', ri nabey q'ij chire ri nabey ik', y toq xapon ri waqxaqi' q'ij chire ri ik' ri', xek'achoj chujosq'ixik chijun rupan ri jay y xe'apon yan chupan ri ruwa-jay. Ri ruwa-jay xkich'ajch'ojirisaj chupan waqxaqi' chik q'ij, y xkik'achojirisaj ronojel chupan ri q'ij waqlajuj chire ri ik' ri'.

Ex 40:2

Chupan ri nabey q'ij chire ri nabey ik' chire ri juna', jari' toq xtapaba-q'anej ri wachoch richin molojri'il.