2 Crón 28:6 - Kaqchiquel Bible

⁶ Ri rey Pécah, ruk'ajol ri Remalías, y ri aj-labal aj-Israel xekikamisaj pa jun q'ij chiri' pa Judá e 120,000 achi'a' ri maneq xibinri'il chikiwech. Konojel k'a xekamisex roma xkimalij kan ri Jehová, ri ki-Dios kan ri kati't-kimama'.

2 Crón 28:6 ပူးပေါင်းရင်းမြစ်များ

2 Rey 15:27

Toq k'a k'es na ri Azarías, y chupan ri juna' kawineq kablajuj chire ri ruq'atbal-tzij, jari' toq xok kan rey ri Pécah ruk'ajol ri Remalías. Y xuq'et-tzij kawineq juna' pa ruwi' ri Israel chiri' pa Samaria.

Wuj Richin ri Isaías 9:21

Ri israelita ri ek'o pa xaman xtikiben-qa oyowal chikiwech rije', y k'ari' rije' xke'ok chirij ri qaruwach'ulew Judá. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Jeremías 15:6

Rix xinimalij kan y kan ja ri ruche'el-iwij ri xiya' kan chinuwech y roma ri' yin xtinyek ri nuq'a' pan iwi' y xkixink'is. Xikos yan janila richin chaq ninjoyowaj iwech. Yin Jehová ri yibin.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Isaías 7:9

Roma ri ruk'u'x ri ruwach'ulew Israel ja ri tinamit Samaria; y ri rey richin Samaria xa ja ri ruk'ajol ri Remalías. Wi rix man xtikuquba' ta ik'u'x wik'in, kan qitzij na wi chuqa' rix man xkixk'ase' ta kan, xcha' ri Jehová.

Wuj Richin ri Isaías 1:28

Jak'a ri man e nimey ta tzij y ri e aj-maki' xa xkek'is, y chuqa' ri xkemalin kan wichin yin, kan xkeken.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

2 Crón 13:17

Ri Abiam y ri aj-labal xekikamisaj kan e 500,000 aj-labal ri e cha'on-el chiri' pan Israel.

2 Rey 16:5

K'ari' ri Resín rey richin Siria y ri Pécah ruk'ajol ri Remalías rey richin Israel, xejote-el pa Jerusalem richin xbekibana-q'anej oyowal. Xkisutij-rij ri tinamit richin nikich'ek, jak'a xa man xetikir ta.

2 Rey 15:37

Y toq k'a k'es na ri Jotam, ri Jehová xuteq ri Resín rey richin Siria y ri Pécah ruk'ajol ri Remalías richin xeyakatej chikij ri aj-Judá.

Wuj Richin ri Josúe 24:20

Wi niya' kan ri Jehová y nisamajij jun chik dios ri man ja ta qa-Dios roj, rija' xtuya' ri ruk'ayewal pan iwi' y xkixruk'is, stape' kan jebel rubanon chiwe, xcha'.

Deut 32:20

Y roma ri' kere' k'a xubij rija': Yin kan man xtinya' ta chik nuxikin chire ri ich'abel, y achike na k'a xkixk'ulun. Roma rix xa ix winaqi' ri xotoxeq ik'aslen y man jun ri niqa' chiwech. Rix xa ix alk'ualaxela' ri man niben ta ri ninwajo' yin richin niben rix.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Deut 28:15

Jak'a wi man xtinimaj ta rutzij ri Jehová ri qa-Dios y man xtitaqej ta ronojel ri rupixa' re ninbij chiwe re q'ij re', kan xtiqaqa pan iwi' ronojel itzel oyonik ri xtinbij chiwe.

2 Crón 28:7

Chuqa' ri Zicrí, jun achin ri kan k'o ruchuq'a' aj-Efraín, xerukamisaj kan ri Maaseías, ri ruk'ajol ri Acaz, ri Azricam aj-raqen richin ri jay akuchi niq'aton-wi-tzij ri Acaz, y ri Elcaná, ruka'n q'atoy-tzij chire ri rey.

Wuj Richin ri Isaías 7:1

Chirij ronojel re' ri e aj-labal aj-Siria y ri aj-Israel nibekibana' oyowal rik'in ri tinamit Jerusalem, jak'a man xetikir ta xekich'ek. Y re' xbanatej toq ri Resín rey richin ri Siria, ri Pécah ruk'ajol ri Remalías, rey richin ri Israel ri k'o pa xaman, y ri Acaz ruk'ajol ri Jotam, y rumam ri Ozías, rey richin ri tinamit Judá.

Ez 16:57

toq rat man jani tiqaqa-pe ri ruk'ayewal pan awi' roma ri itzel taq abanobal. Achi'el k'a rat xawixowaj ri Sodoma; re wakami ri winaqi' edomita, ri aj-Filistea y konojel ri tinamit ri ek'o chi'anaqaj xkatkixowaj chuqa' rat.

2 Crón 21:10

Jak'a ri aj-Edom kan xetikir xkelesaj kan ki' chuxe' ri ruq'atbal-tzij ri Judá k'a re q'ij re'. Keri' chuqa' xkiben ri winaqi' richin ri tinamit rubini'an Libná. Kan xetikir xkelesaj kan ki' chuxe' ri q'atbel-tzij richin ri Judá. Ronojel re' xbanatej roma ri Joram man xutzeqelibej ta ri Jehová ri ki-Dios kan ri kati't-kimama'.

Wuj Richin ri Achin Job 34:27

Ri Dios kan kere' k'a ri nuben chike, roma xa xkich'er kan ki' y man xkitzeqelibej ta chik rija', roma man xkich'ob ta juba' rij ri ruchojmilal ri kik'aslen.

Wuj Richin Bix Chire ri Dios 37:38

Jak'a ri man nikinimaj ta tzij kan xkek'is k'a el jumul; ri koyoben-apo rije' ja ri tojbel-mak.

Wuj Richin ri Isaías 3:25

Ri achi'a' kan xkekamisex chi espada, y ri maneq xibinri'il chikiwech, xa xkeken pa labal.