2 Crón 28:23 - Kaqchiquel Bible

²³ Ri Acaz kan xusuj kamelabel chuwech ri ki-dios ri aj-Damasco roma xa xch'akatej pa kiq'a' rije'. Xubij k'a rija': Ri rey richin Siria xeto'ox koma ri ki-dios; yin chuqa' kan xtinsuj k'a kamelabel chikiwech richin yinkito', xcha-qa. Y roma ri' xpe wululen pa ruwi' rija' y pa ruwi' ronojel ri ruwach'ulew Judá.

2 Crón 28:23 ပူးပေါင်းရင်းမြစ်များ

2 Crón 25:14

Toq ri Amasías xtzolin-pe chikikamisaxik ri aj-Seir, xeruk'en-pe ri ki-dios ri winaqi' ri', y xe'ok-qa richin rija'. Kan xuya' k'a kiq'ij y xuporoj pom chikiwech.

Wuj Richin ri Habacuc 1:11

Chirij re' rije' xkebe, kan achi'el k'a ri kaq'iq' ri xaxe xq'ax chupan jun tinamit y xtibek'ulun chik juk'an. Ri aj-Babilonia e makuwineq, roma rije' kibanon ki-dios chire ri uchuq'a' ri k'o kik'in, xcha' ri Dios.

Os 13:9

Kan xkatink'is k'a, rat tinamit Israel, kan man jun k'a xtitikir xkakolon pa nuq'a'.

Wuj Richin ri Jeremías 10:5

Rije' e achi'el poy pa jun qejoj ri tikon pepino chuwech. Rije' man yech'on ta; k'o chi ye'uk'uex na, roma man yetikir ta yebiyin. Roma ri' man tixibij-iwi' chikiwech, roma rije' man jun achoq chire nikiben-wi, utz ni itzel, xcha' ri Jehová.

Wuj Richin ri Isaías 1:28

Jak'a ri man e nimey ta tzij y ri e aj-maki' xa xkek'is, y chuqa' ri xkemalin kan wichin yin, kan xkeken.

Wuj Richin ri Isaías 45:20

Ri Dios nubij chike ri winaqi' kichin ri ch'aqa' chik ruwach'ulew: ¡Timolo-pe-iwi' y kixanpe! Kixjel-pe iwonojel rix ri xixkolotej kan. Kan maneq kina'oj ri yetelen wachibel ri xa rik'in che' banon-wi, y kan yech'on rik'in jun dios ri xa man nitikir ta nikolon.

Wuj Richin ri Jeremías 2:25

Roma ri' rix tinamit Israel man tiben chi nitziaqir ri ixajab richin junanin yixbe chikij ri ch'aqa' chik dios. Y man tichaqi'j pan ichi' richin yixanin chikij. Jak'a rix xa xibij chi man yixtikir ta niq'et-iwi' roma kan ye'iwajo' y chikij rije' yixbe-wi.

Os 2:7

Ri ixoq ri' kan xkerutzeqelibej k'a el ri xe'ajowan richin jak'a xa man xkeberuq'i' ta. Xkerukanoj, jak'a xa man xkeril ta. K'ari' xtubij-qa: Kitzolej na rik'in ri nabey wachijil roma xa kan utz nubanon toq ink'o rik'in rija' ke chuwech re nubanon wakami, xticha-qa.