2 Crón 28:21 - Kaqchiquel Bible

²¹ Ri Acaz xuya' ronojel ri kan k'o rejqalen richin pa rachoch ri Jehová, y ri ek'o pa rachoch rija' y ronojel ri kichin ri e tata'al, richin xuya' chire ri rey richin Asiria. Stape' kan kere' xuben, man xuto' ta.

2 Crón 28:21 ပူးပေါင်းရင်းမြစ်များ

2 Crón 12:9

Toq ri Sisac, rey richin Egipto, xok chupan ri tinamit Jerusalem, ri aj-labal richin Egipto xkik'uaj-el ronojel ri beyomel richin ri rachoch ri Jehová, y chuqa' ronojel ri beyomel richin ri rachoch ri rey. Chuqa' xekik'uaj k'a el ri tobel ri e banon rik'in q'anapueq ri rubanon kan ri rey Salomón. Kan ronojel k'a ri k'o rejqalen ri k'o chiri' pa Jerusalem xkik'uaj-el.

Wuj Richin Etamabel-Tzij 20:25

Kan jun pikbel chire ri wineq toq kan k'o nusuj y xa man nuch'ob ta jebel rij ri nusuj, y kan k'a toq k'achojineq chik na ri k'o chi nuben, k'ari' nuch'ob rij jebel chi xa man utz ta ri xuben.

2 Crón 16:2

K'ari' ri Asá xberuk'ama-pe ronojel saqipueq y q'anapueq ri k'a k'o na kan chupan ri rubeyomel richin ri rachoch ri Jehová y ri k'o chuqa' chupan ri rubeyomel ri rachoch rija'. Xeruteq-el ri rusamajela' rik'in ri Ben-hadad ri rey richin ri ruwach'ulew Siria ri k'o pa tinamit Damasco, y xubij-el chire:

Wuj Richin Etamabel-Tzij 25:19

Ri wineq ri nukuquba' ruk'u'x rik'in jun q'olonel chupan ri q'ij richin ri ruk'ayewal, xa junan rik'in ri nrajo' nukusaj ri rey ri xa q'ayineq chik, o nrajo' nukusaj ri raqen ri xa rujalk'atin ri'.

Wuj Richin ri Jeremías 2:36

¿Achike k'a roma kan chaq jantape' niwajo' yixbe-kela' yixbe-kela', richin nikanoj to'onik? Ri ruwach'ulew Egipto chuqa' xkixruk'ixbisaj achi'el xixruk'ixbisaj ri ruwach'ulew Asiria.

Os 5:13

Ri Israel kan xtuna' k'a rukiy ri ruk'ayewal, keri' chuqa' ri Judá kan xtuna' k'a rukiy ri ruyabilal. Xtibekik'utuj k'a to'onik pan Asiria, xtibekik'utuj k'a utzil chire ri nimalej rey. Jak'a rija' xa man xtitikir ta xkeraq'omaj y man xkeruto' ta.