2 Crón 28:19 - Kaqchiquel Bible

¹⁹ Rik'in re' ri Jehová xuqasaj kiq'ij ri aj-Judá roma ri Acaz kan xeruk'uaj ri ruwinaq chupan ri itzel bey, kan achi'el ri rumak rija'.

2 Crón 28:19 ပူးပေါင်းရင်းမြစ်များ

2 Crón 21:2

Ri ch'aqa' chik e ruk'ajol kan ri Josafat, ri e rach'alal ri Joram, ja ri Azarías, ri Jehiel, ri Zacarías, ri Azarías, ri Micael y ri Sefatías.

Apocalipsis 16:15

Y ri oxi' itzel taq espíritu ri' kan xekimol k'a ri winaqi' ri chiri' ri nibix Harmagedón chire pa ch'abel hebreo. Y jari' toq k'o jun xch'on y xubij: Yin xkipe, achi'el jun eleq'om, kan jebel k'a ruwa-kiq'ij ri kichajin ri kik'aslen y e ch'ajch'oj, keri' man xkek'ixbitej ta chikiwech ri winaqi', xcha'.

Wuj Richin ri Miqueas 6:16

Xtibanatej ronojel re' roma xitzeqelibej achi'el xuben kan ri pa ruq'atbal-tzij ri Omrí. y xa ibanon achi'el xkiben ri e aj pa rachoch kan ri Acab. Roma ri' xtitole' kan ri itinamit. Y ri winaqi' richin ri ch'aqa' chik ruwach'ulew xketze'en chiwij, y kan ja k'a rix xkixejqalen ri ruk'ixbilal.

Os 5:11

Ri Israel kan poqonatajineq roma kan xya'ox rutojbalil-mak pa ruwi' ri kan ruk'amon richin nuk'ul. Roma kan xerutzeqelibej ri xa man jun kejqalen.

Wuj Richin Etamabel-Tzij 29:23

Ri wineq ri nunimirisaj-ri', jari' ri xtibanon chire chi nibe pa xulan, jak'a ri wineq ri xa maneq ok ruq'ij nuna' ri pa ránima, jari' ri xtibanon chire chi xtinimirisex ruq'ij.

Wuj Richin ri Achin Job 40:12

Kan katzu'un pa kiwi' ri kan nikina' chi nima'q kiq'ij y ke'aqasaj-pe ri akuchi ek'o-wi, Ri aj-maki' kan ke'ake'ej jumul, ri akuchi xke'awil-wi.

1 Sam 2:7

Ri Jehová nuben chi ri wineq nok meba' y nuben chi nok beyom. rija' nuqasaj ruq'ij y nunimirisaj ruq'ij.

Deut 28:43

Ri winaqi' ri man e iwinaq ta ri ek'o chupan ri iruwach'ulew xkebe pa jotol, jak'a rix q'ij-q'ij xkixbe más pa xulan.

Ex 32:25

Toq ri Moisés xutz'et chi ri winaqi' kan e jaqatajineq chubanik ri etzelal, roma ri Aarón man xtikir ta xeruq'et, ri winaqi' ri e etzelanel kichin, xa xetze'en chikij.

Wuj Richin ri Rutikeribel 3:11

Y ri Dios xubij chire: ¿Achike xbin chawe chi at ch'anel? ¡Xa xatej ruwech ri che' ri xinbij chawe chi man tatej!, xcha'.

Wuj Richin ri Rutikeribel 3:7

K'ari' xjaqatej kiwech chi e ka'i' y xketamaj chi e ch'anel, k'ari' xkitz'is ruxaq ri wíkix richin xkikuch ri kik'ix.

Wuj Richin ri Chojmirisabelri'il 5:19

Re' jun k'a kamelabel roma jun ch'a'oj, y nisuj roma ri kan xuq'ej ruwi' ri nupixa' ri nuya'on chiwe, xcha' ri Jehová.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

1 Rey 18:18

Y ri Elías xubij: Yin man nusachon ta kik'u'x ri qawinaq israelita: Ja rat y ri ek'o pa rachoch ri atata'. Rix xa xiya' k'a kan ri rupixa' ri Jehová richin xe'itzeqelibej ri Baal.

2 Crón 28:1

Ri Acaz k'o k'a juwineq rujuna' toq xuchop nuq'et-tzij pa ruwi' ri ajawaren Judá chiri' pa Jerusalem, y waqlajuj k'a juna' xq'aton-tzij, jak'a ri rubanobal kan man utz ta k'a chuwech ri Dios; man xuben ta achi'el xuben ri David ri rumama'.

2 Crón 28:4

Xuporoj pom, y xusuj kamelabel chupan ri kachoch ri ch'aqa' chik dios, chuqa' akuchi nikiya-wi kiq'ij ri wachibel ri pa ruwi' taq juyu', y chuxe' ronojel taq che' ri k'o kixaq.

2 Crón 33:9

Jak'a ri Manasés xa xeruyuqej ri ruwinaq chubanik ri etzelal. Y kan xik'o chik k'a ruwi' ri etzelal ri xkiben rije' chikiwech ri ch'aqa' chik winaqi' ri xek'oje' chiri' ojer kan, ri xeruk'is kan ri Jehová chikiwech ri israelita.

Wuj Richin Etamabel-Tzij 14:34

Ri chojmilej k'aslen kan nuben k'a chike ri winaqi' richin jun ruwach'ulew chi k'o kiq'ij; jak'a ri mak xa jun k'ixbel chike ri winaqi' richin jun ruwach'ulew.