2 Crón 28:13 - Kaqchiquel Bible

¹³ Rije' xkibij k'a chike ri aj-labal: Man ye'ik'en ta pe wawe' ri winaqi' ri e ik'amon-pe pan oyowal, roma re' xa kan xtuben chiqe chi yojmakun más chuwech ri Jehová stape' ri qamak xa kan xik'o yan ruwi'. Wi rix xke'ik'en-pe ri winaqi' ri' wawe', ri Dios xa kan más k'a xtipe royowal chire ri qaruwach'ulew Israel, xecha' rije'.

2 Crón 28:13 ပူးပေါင်းရင်းမြစ်များ

Romanos 2:5

Xa kowirineq ri iwánima, y man niwajo' ta niya' kan ri mak. Y rik'in ri', xa nimol ruk'ayewal chiwij. Kan xtiqaqa k'a ri royowal ri Dios pan iwi' chupan ri q'ij toq rija' xtuq'et-tzij.

San Mateo 23:35

Y ronojel re' kan xtuben k'a chiwe chi ja rix yixejqalen ri kikamik konojel ri choj kik'aslen: Ri xtiker-pe rik'in ri rukamik ri Abel, k'a rik'in ri rukamik ri Zacarías, ri ruk'ajol ri Berequías; ri xkikamisaj ri iwati't-imama' ri chiri' chunaqaj ri porobel ri k'o pa rachoch ri Dios.

San Mateo 23:32

Kixbiyin k'a rix richin nibek'isa' rubanik ri xkitikeriba' kan rubanik rije'.

Wuj Richin ri Q'axanri'il 32:14

Y wakami ja chik rix ri xixk'oje' kan pa kik'exel ri qate-qatata'. Rix xa ix jun tzobaj winaqi' aj-maki'. Xaxe richin niyek chik jun bey royowal ri Jehová pa qawi'.

2 Crón 28:12

Y ek'o k'a ka'i-oxi' achi'a' ri k'o más kiq'ij chiri' pa ruwach'ulew Efraín, y ja rije' xe'el-el richin xebepa'e' chikiwech ri e tzolejineq-pe pan oyowal. Rije' kibini'an Azarías ruk'ajol ri Johanán, ri Berequías ruk'ajol ri Mesilemot, ri Ezequías ruk'ajol ri Salum, y ri Amasá, ruk'ajol ri Hadlai.

2 Crón 28:14

K'ari' ri aj-labal xekiya' kan ri winaqi' ri e kik'amon-pe pan oyowal; keri' chuqa' ri xkimej-pe ri k'o rejqalen chuwi-kiq'a' ri aj-Judá, y xekijech kan pa kiq'a' ri achi'a' ri' y pa kiq'a' ri winaqi' ri aj chiri'.

Wuj Richin ri Josúe 22:15

Konojel ri e taqon-el xebe k'a pa ruwach'ulew Galaad, ri akuchi ek'o-wi ri e ka'i' tzobaj rik'in nik'aj. K'ari' xech'on kik'in y xkibij:

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.